مشاكل و حاجات عجيبه فى الجوك :/

هو فيه شويه حاجات كده مش عارف ابدا منين :d ذى ما تيجى بقى :d
اول حاجه لما بجيب الفتيس على n بحس ان فيه رعشه فى العربيه كده خفيفه بس انا بحسها شبه كده العربيات زمان لما كنا ندورها الصبح و لسه قبل ما تسخن كان بيبقى فيه رعشه كده شبها
تانى حاجه بقى بيطلع صوت ذى الصفاره كده من الماتور مع دوسه البنزين و صوت الماتور الاساسى موجود برده مممم صوت شبه -فوووووو- بس مبحوح كده :d مش عارف اشرحه :d ، طبب فاكرين برده عربيات زمان كان ساعات صوت الماتور بيدخل على سماعات الكاست و يطلع صوت مشهور كده مع دوسه البنزين وهو شبهه كده
تالت حاجه معدل استهلاك البنزين عمال يزيد كل شويه مع انها نفس المشاوير و نفس طريقه السواقه و نفس البنزينه فى الغالب يعتبر يعنى كان استهلاك البنزين ٩ لتر لكل ١٠٠ كيلو و ساعات يزيد ل. ٩.١ و يرجع تانى للتسعه يعنى كان نفس المعدل يعتبر و فجاه بدا يزيد ٩.١ و بعدها ٩.٢ و بعدها ٩.٣ و بعدها ٩.٤ و بعدها ٩.٥ و مش عارف هيفضل يزيد يوصل لحد فين :d و ليه فجاه بدا يزيد كده مع ان نفس كل حاجه و العربيه لسه عامله ١٠٠٠٠ كيلو يعنى لسه برده فى الاول
رابع حاجه لما بدوس بنزين بطريقه طبيعيه بتيجى العربيه تهبط فجاه عند حوالى سرعه ستين لمده ثانيه كده او اقل حاجه كده شبه ذى ما تكون شعرت فرامل للحظه و بعدها عادى تكمل زياده فى السرعه
خامس حاجه ساعات كتير بسمع صوت -تك تك تك- من يمين و شمال الكابوت جوه معرفش دى سيور حاجه ولا ده طبيعى :d

* معلومه العربيه عايزه تغير قطمه دريكسيون و المفروض انها وصلت التوكيل من حوالى ٣ اسابيع -اوتو ايجيبت- بس انا لسه مروحتش اغيرها ، حاجه كمان و انا بعمل صيانه ال ٥٠٠٠ كانت حكايه الرعشه الى بتحصل دى لما بجيب الفتيس على ال n كانت موجوده و قولت للمهندس عليها قالى مش حاسس بحاجه معرفش بقى كان بيحور و لا مكنش حاسس فعلا و كان فيه واحد صاحبى برده قعد مكانى و حس نفس الاحساس ده و مكنتش قولتله على الرعشه دى مكنش يعرف
اتخنقت من العربيه جدا و مش عارف اعمل ايه :/

ربنا يعينك, أنا قريت كلامك كله بس مش عارف أفيدك.

استهلاك البنزين ده طبيعي جدا
حضرتك بتتكلم في نص لتر/100 كيلو

يعني حاجة بسيطة جدا ودي سهل قوي تحصل
ممكن طريقك واحد بس حالة الطريق مش واحدة

ممكن نفس البنزينة بس معاد التفويل مختلف


صوت التك تك ده عشان سير الكاتينة جنزير

الباقي بصراحة معرفش افيدك لاني معرفش في الفتيس ال cvt ده

انا شايف استهلاك البنزين ده طبيعي ومفهوش قلق ان شاء الله، الباقي شوف اي حد معاه نفس العربية وجربها وشوف الفرق وبعدين روح للتوكيل اديهم اللي فيه القسمة

اقتباس:

---

المشاركة الأصلية كتبت بواسطة M.mahmoed

هو فيه شويه حاجات كده مش عارف ابدا منين :d ذى ما تيجى بقى :d
اول حاجه لما بجيب الفتيس على n بحس ان فيه رعشه فى العربيه كده خفيفه بس انا بحسها شبه كده العربيات زمان لما كنا ندورها الصبح و لسه قبل ما تسخن كان بيبقى فيه رعشه كده شبها

---

الكلام دا و العربية باردة و لا فى اى وقت ؟
ساعات بحس فيها بس بتبقى رعشه خفيفة قوى بدات تظهر مع دخول الجو البارد بس دا حصلى مرتين او تلاته و بمجرد ما امشى ما بتظهرش تانى

اقتباس:

---

المشاركة الأصلية كتبت بواسطة M.mahmoed

تانى حاجه بقى بيطلع صوت ذى الصفاره كده من الماتور مع دوسه البنزين و صوت الماتور الاساسى موجود برده مممم صوت شبه -فوووووو- بس مبحوح كده :d مش عارف اشرحه :d ، طبب فاكرين برده عربيات زمان كان ساعات صوت الماتور بيدخل على سماعات الكاست و يطلع صوت مشهور كده مع دوسه البنزين وهو شبهه كده

---

دا طبيعى و بيظهر لحد سرعة 40 كم/ ساعة تقريبا و موجود فى كل عربيات الجوك و تقريبا القشقاى كمان بس مش اى حد بياخد باله منه صوت صفارة خفيفة لكن ما بيظهرش فى الكاسيت نهائى مش عارف اذا كان دا نتيجة للسير الجنزير او الموتور او الفتيس CVT

اقتباس:

---

المشاركة الأصلية كتبت بواسطة M.mahmoed

تالت حاجه معدل استهلاك البنزين عمال يزيد كل شويه مع انها نفس المشاوير و نفس طريقه السواقه و نفس البنزينه فى الغالب يعتبر يعنى كان استهلاك البنزين ٩ لتر لكل ١٠٠ كيلو و ساعات يزيد ل. ٩.١ و يرجع تانى للتسعه يعنى كان نفس المعدل يعتبر و فجاه بدا يزيد ٩.١ و بعدها ٩.٢ و بعدها ٩.٣ و بعدها ٩.٤ و بعدها ٩.٥ و مش عارف هيفضل يزيد يوصل لحد فين :d و ليه فجاه بدا يزيد كده مع ان نفس كل حاجه و العربيه لسه عامله ١٠٠٠٠ كيلو يعنى لسه برده فى الاول

---

ممكن لإنك كنت عامل كيلوهات قليله لما صفرته فيفضل كده لحد ما تعمل كيلوكتر كتير يقدر يقيس عليه و ممكن تكون شغلت التكييف فى فترة منهم ممكن كان الطريق ازحم شويه لكن فى الاخر ماتقلقش

اقتباس:

---

المشاركة الأصلية كتبت بواسطة M.mahmoed

رابع حاجه لما بدوس بنزين بطريقه طبيعيه بتيجى العربيه تهبط فجاه عند حوالى سرعه ستين لمده ثانيه كده او اقل حاجه كده شبه ذى ما تكون شعرت فرامل للحظه و بعدها عادى تكمل زياده فى السرعه

---

برضه طبيعى نتيجة لمتوسط سرعتك هادى لكن لو بتشد من الاول مش هتهبط و لو جبت على Sport مش حتلاقيها بتعمل كده

اقتباس:

---

المشاركة الأصلية كتبت بواسطة M.mahmoed

خامس حاجه ساعات كتير بسمع صوت -تك تك تك- من يمين و شمال الكابوت جوه معرفش دى سيور حاجه ولا ده طبيعى :d

---

علشان السير جنزير

اقتباس:

---

المشاركة الأصلية كتبت بواسطة M.mahmoed

* معلومه العربيه عايزه تغير قطمه دريكسيون و المفروض انها وصلت التوكيل من حوالى ٣ اسابيع -اوتو ايجيبت- بس انا لسه مروحتش اغيرها ، حاجه كمان و انا بعمل صيانه ال ٥٠٠٠ كانت حكايه الرعشه الى بتحصل دى لما بجيب الفتيس على ال n كانت موجوده و قولت للمهندس عليها قالى مش حاسس بحاجه معرفش بقى كان بيحور و لا مكنش حاسس فعلا و كان فيه واحد صاحبى برده قعد مكانى و حس نفس الاحساس ده و مكنتش قولتله على الرعشه دى مكنش يعرف
اتخنقت من العربيه جدا و مش عارف اعمل ايه :/

---

مش عارف اذا كانت السبب ولا لأ لكن انت عرفت ازاى انها محتاجة تغيير قكمة دريكسيون
و حتتغير فى الضمان و لا لأ ؟؟

اقتباس:

---

المشاركة الأصلية كتبت بواسطة Ahmed Amin

ربنا يعينك, أنا قريت كلامك كله بس مش عارف أفيدك.

---

شكرا :)

اقتباس:

---

المشاركة الأصلية كتبت بواسطة a.adel

استهلاك البنزين ده طبيعي جدا
حضرتك بتتكلم في نص لتر/100 كيلو

يعني حاجة بسيطة جدا ودي سهل قوي تحصل
ممكن طريقك واحد بس حالة الطريق مش واحدة

ممكن نفس البنزينة بس معاد التفويل مختلف


صوت التك تك ده عشان سير الكاتينة جنزير

الباقي بصراحة معرفش افيدك لاني معرفش في الفتيس ال cvt ده

---

ايوه انا عارف انه طبيعى مش كتير بس هو انا قلقت لما لقيته فحاه بدا يزيد عن معدله الى فضل عليه و الزياده كل شويه تزيد عن الاول ، شكرا :)

اقتباس:

---

المشاركة الأصلية كتبت بواسطة firstknight_eg

انا شايف استهلاك البنزين ده طبيعي ومفهوش قلق ان شاء الله، الباقي شوف اي حد معاه نفس العربية وجربها وشوف الفرق وبعدين روح للتوكيل اديهم اللي فيه القسمة

---

شكرا :)

اقتباس:

---

المشاركة الأصلية كتبت بواسطة sharky

الكلام دا و العربية باردة و لا فى اى وقت ؟
ساعات بحس فيها بس بتبقى رعشه خفيفة قوى بدات تظهر مع دخول الجو البارد بس دا حصلى مرتين او تلاته و بمجرد ما امشى ما بتظهرش تانى

لا مش لازم تبقى العربيه بارده ده ظهر من اول يوم جبتها فيه يعنى انا جبتها من القاهره و انا من دمياط و روحت بيها لدمياط و كنت ماشى هادى خالص مكنتش حتى بجيب ال ١٢٠ و اول ما وصلت و بقف حسيت بالرعشه دى و لحد دلوقتى فيه ناس قالتلى ممكن يكون جلب قواعد الماتور عايزه تتظبط

دا طبيعى و بيظهر لحد سرعة 40 كم/ ساعة تقريبا و موجود فى كل عربيات الجوك و تقريبا القشقاى كمان بس مش اى حد بياخد باله منه صوت صفارة خفيفة لكن ما بيظهرش فى الكاسيت نهائى مش عارف اذا كان دا نتيجة للسير الجنزير او الموتور او الفتيس cvt

اه هو مشبيظهر مع الكاسيت انا كنتبس بحاول اوصلكو هو شبه صوت ايه


ممكن لإنك كنت عامل كيلوهات قليله لما صفرته فيفضل كده لحد ما تعمل كيلوكتر كتير يقدر يقيس عليه و ممكن تكون شغلت التكييف فى فترة منهم ممكن كان الطريق ازحم شويه لكن فى الاخر ماتقلقش

هو انا مصفرتش عداد حاجه ماشى هو بس الى استغربهه انه فجاه بدا يزيد كل تفولتين كده يزيد واحد من عشره فى زياده مستمره :)

برضه طبيعى نتيجة لمتوسط سرعتك هادى لكن لو بتشد من الاول مش هتهبط و لو جبت على sport مش حتلاقيها بتعمل كده
اه فعلا لما بشد مش بتهبط او لو هيا على السبورت مش بتهبط

علشان السير جنزير
و سير الجنزير دى حاجه حلوه ولا حاجه وحشه :d


مش عارف اذا كانت السبب ولا لأ لكن انت عرفت ازاى انها محتاجة تغيير قكمة دريكسيون
و حتتغير فى الضمان و لا لأ ؟؟

---

كنت كاتب موضوع من هنا من فتره ان. ساعات بيحصل خبط جوه الدريكسيون نفسه و مش عارف من ايه فقلولى هنا ده بيبقى اسمه نقر فى عمود الدريكسيون فروحت اوتو ايجيبت و قولتلهم و بعد الفحص قالولى قطمه الدريكسيون عايزه تتغير و هنبعت نجبها علشان مش عندنا و هتتغير تبع الضمان و لما كلمتهم بعد اسبوع ذى ما قالولى فقاولى انها هتوصل عندهم يوم التلات و احجز صيانه علشان اغيرها الكلام ده من ٣ اسابيع بس لسه نروحتش :d

شكرا :)

هو ايه الي كنت بتحسه وعشان كدا عايز تغير قطمة الدركسيون ؟
اصل انا عندي بردو فيه حاجة شاكك فيها اني لما باخد اي يوتيرن وبلف الطارة علي الاخر بسمع صوت تزييق كدا ف معرفش يمكن ده له علاقة ولا ايه؟؟

اقتباس:

---

المشاركة الأصلية كتبت بواسطة k50_

هو ايه الي كنت بتحسه وعشان كدا عايز تغير قطمة الدركسيون ؟
اصل انا عندي بردو فيه حاجة شاكك فيها اني لما باخد اي يوتيرن وبلف الطارة علي الاخر بسمع صوت تزييق كدا ف معرفش يمكن ده له علاقة ولا ايه؟؟

---

ده الموضوع الى كنت كاتبه
http://www.nilemotors.net/Nile/379381-a.html
هو و انا رايح اعمل الصيانه كان فيه حاجه كمان و هيا لو مثلا العربيه واقفه و بلف الدريكسيون بس بخبط تحت رجلى و المهندس قالى بعد الفحص ده برده بسبب قطمه الدريكسيون