عاوزة نصيحتكم فى صيانة الياريس

سلام عليكم
ياريس 2008 اتوماتيك عامله 35 الف كيلو اخر صيانه ليها فى التوكيل من سنتين عند 25 الف كيلو
ومش عملت لها صيانه من سنتين بس بغير زيت الموتور كل سنه موبيل وان 10الالف
عارفه ان الناس هتقول سنه كثير على تغير الزيت بس انا بعمل فى السنه حوالى 5000 كيلو بس
كلمت التوكيل احجز صيانه ال 35 الف قالوا لى التكلفه حوالى 1200ج وخالى بيقولى حرام فى اى بنزينه مش هيتكلف كده
1_تنصحونى اعمل الصيانه فى بنزينه وطنيه عند مسجد السلام ولا اروح التوكيل افضل
2_لو هروح البنزينه المفروض اغير زيت الموتور واعمل ايه تانى كصيانه بدل التوكيل والتكلفه هتكون فى حدود كام
3_اخر سؤال الله يكرمكم الفرامل بقالها كم شهر لما اجى اشيل رجلى من دواسه الفرامل بسمع صوت tot كده خفيف لما بكون فاتحه القزاز جاى من بره مش من جوه الصالون ده ممكن يكون من ايه وتصليحه فين

في البداية احب اوضح ان العربية خرجت بره الضمان لأن الضمان 3 سنين او 100000 كم ايهما أقرب
و طبعا ال3 سنوات خلصت و بالتالي الصيانة لو بره التوكيل مضمونة و أرخص يبقى تمام اوي
صيانة ال 35 ألف هتكون زيت موتور مع فلتر الزيت و تربيط عفشة و تشييك سريع على الزيوت و ضغط الكاوتش و فلتر الهواء لو نظيف يبقى تمام مش محتاج تغيير و تشييك على سير المجموعة
أما بخصوص صوت الفرامل ممكن الميكانيكي أو العفشجي يبص على التيل محتاج تغيير أو يتنظف و يبص على الطنابير "يعني يتمم على كل حاجة" بس ان شاء الله مفيش حاجة و إحتمال يكون زلط صغير كان في الكاوتش و مع الحركة بيقع

انت مكان حضرتك فيين انا ليا صديق في التوكيل ممكن اخليك تظبط معاه

اقتباس:

---

المشاركة الأصلية كتبت بواسطة islam.afifi

في البداية احب اوضح ان العربية خرجت بره الضمان لأن الضمان 3 سنين او 100000 كم ايهما أقرب
و طبعا ال3 سنوات خلصت و بالتالي الصيانة لو بره التوكيل مضمونة و أرخص يبقى تمام اوي
صيانة ال 35 ألف هتكون زيت موتور مع فلتر الزيت و تربيط عفشة و تشييك سريع على الزيوت و ضغط الكاوتش و فلتر الهواء لو نظيف يبقى تمام مش محتاج تغيير و تشييك على سير المجموعة
أما بخصوص صوت الفرامل ممكن الميكانيكي أو العفشجي يبص على التيل محتاج تغيير أو يتنظف و يبص على الطنابير "يعني يتمم على كل حاجة" بس ان شاء الله مفيش حاجة و إحتمال يكون زلط صغير كان في الكاوتش و مع الحركة بيقع

---

ايوه انا خرجت من الضمان فعلا وعملت صيانه ال 25 الف كيلو هناك
يعنى نصيحتك اروح اعمل الصيانه بره التوكيل ولا تكلفه الحاجات دى هتبقى 1200ج زى التوكيل

اقتباس:

---

المشاركة الأصلية كتبت بواسطة alaamousa

انت مكان حضرتك فيين انا ليا صديق في التوكيل ممكن اخليك تظبط معاه

---

انا ساكنه فى اكتوبر واقرب فرع ليا ابو رواش

هو ساكن في زايد وفي فرع ابو رواش بس محترم وصنايعي وبيفهم

بالاضافة ان في نااااس اتعاملت معاااه ومتابعه معااااه دلوقتي

اقتباس:

---

المشاركة الأصلية كتبت بواسطة alaamousa

هو ساكن في زايد وفي فرع ابو رواش بس محترم وصنايعي وبيفهم

---

طيب ماشى ممكن حضرتك تبعتلى انبوكس ازاى اتواصل معاه والصيانه لان معاد الصيانه بكره ان شاء الله والف شكر لتعبك معايا

اقتباس:

---

المشاركة الأصلية كتبت بواسطة تويوتا

ايوه انا خرجت من الضمان فعلا وعملت صيانه ال 25 الف كيلو هناك
يعنى نصيحتك اروح اعمل الصيانه بره التوكيل ولا تكلفه الحاجات دى هتبقى 1200ج زى التوكيل

---

الحاجات مش هتتكلف 1200 اطلاقاً
الحاجات الغالية لسه بدري عليها
مثلا تيل الفرامل و فلتر البنزين و الاثنين تم تغييرهم على 70,000 كم بالنسبة لفلتر البنزين و التيل تم تغييره على 90,000 كم

اقتباس:

---

المشاركة الأصلية كتبت بواسطة islam.afifi

الحاجات مش هتتكلف 1200 اطلاقاً
الحاجات الغالية لسه بدري عليها
مثلا تيل الفرامل و فلتر البنزين و الاثنين تم تغييرهم على 70,000 كم بالنسبة لفلتر البنزين و التيل تم تغييره على 90,000 كم

---

تمام كده انا للاسف للاسف روحت للتوكيل وعرفت هناك ان التقيل لسا بدرى عليه قالوا لى فلتر البنزين لوحده بــ 1200ج عند 80.000 كيلو

والصيانه عاديه تشيك على السؤائل وتغير زيت وفلتر زيت + تغير سير المحرك

وكانت مبدئيا تكلفه الصيانه 1350ج وبعد ما خلص الفحص دفعت 1200ج

سالت المهندس هى تكلفه الصيانه من غير سير المحرك كام قالى 750ج قولت له يعنى سير المحرك لوحده ب 500ج قالى ايوووووووووووووه

ولما طلعت الفاتورة لقيت السير تمنه 285ج بس مش فاهمه هل كانت نصبايه ولا المهندسين دول بيحطوا مبالغ تقديريه بمزاجهم

اقتباس:

---

المشاركة الأصلية كتبت بواسطة تويوتا

تمام كده انا للاسف للاسف روحت للتوكيل وعرفت هناك ان التقيل لسا بدرى عليه قالوا لى فلتر البنزين لوحده بــ 1200ج عند 80.000 كيلو

والصيانه عاديه تشيك على السؤائل وتغير زيت وفلتر زيت + تغير سير المحرك

وكانت مبدئيا تكلفه الصيانه 1350ج وبعد ما خلص الفحص دفعت 1200ج

سالت المهندس هى تكلفه الصيانه من غير سير المحرك كام قالى 750ج قولت له يعنى سير المحرك لوحده ب 500ج قالى ايوووووووووووووه

ولما طلعت الفاتورة لقيت السير تمنه 285ج بس مش فاهمه هل كانت نصبايه ولا المهندسين دول بيحطوا مبالغ تقديريه بمزاجهم

---

انا برضوا النهارده كنت بعمل صيانة عربيتي الياريس في التوكيل

واللى تمنه 285 ده سير المجموعة وهتلاقي فيه بتاع 300 جنيه او 250 جنيه عمولة

انا تقريبا كان الوضع عندي قريب من عندك العربية ماشية 66 الاف كم ومن ساعت ماشتريتها ماوديتهاش التوكيل ولا مرة ولا حتى عملتلها اي صيانة غير اني غيرت مرة زيت الفتيس وفلتر بنزين وبجهيات والسير والكلام ده كان من سنتين عند 40 الاف كم

وقلت اروح التوكيل من باب ان الواحد يكون اطمن على العربية

والصيانة عندي كلفت 1500 جنيه مع العلم اني قلتلهم مش عايز اغير زيت الفتيس ولا فلتر البنزين ولا فلتر الهوا لاني لسه مغيرهم

بس انا شايف ان مش مشكلة الفلوس طالما الواحد اطمن على عربيته وممكن من حين لاخر الواحد يوديها التوكيل

يعني ممكن كل 10 الاف كم تعملي الصيانة العادية في اي مكان وكل مثلا سنتين ولا حاجة توديها التوكيل

فلما تدفعي 1500 مثلا كل سنتين ولا حتى كل سنة وتبقي مطمنة على عربيتك مش وحش

يعني انا الكشف النهارده وضح ان العربية عندي عايزة تغير شدادة ميزان يمين !! وانا فعلا بقالي مدة حاسس بحدفة يمين ولفيت على عفشجية كتير محدش عرف السبب ومؤخرا كنت بحس ان العربية فعلا مش متزنة زي الاول

فالكشف في التوكيل كشف العيب ودي ميزته

ففداكي ال 1200 جنيه واديكي بيهم اطمنتي ان عربيتك زيرو ومش محتاج حاجة وربنا يباركلك فيها

للمعلومة ان زيوت المحرك سعرها زاد
و هم بيحطوا زيت موبيل 1 و بياخدوا زيادة لأنهم بيحملوا المستهلك الضريبة في كل حاجة
و مش عارف الناس انتبهت ولا لأ , ممكن تاخدوا بصة على أمر الشغل هتلاقوا ان فيه ضريبة عمالة "مرحب بيكم في مصر بلد المهزلة"
ضريبة على العمالة ليه هو اللي في التوكيل ناس اجانب ولا ايه !!!!!!!!!!!!!!!!!
و على العموم زي ما الأخ قال كفاية انك اطمأنيتي على العربية
و فعلا الياريس من العربيات المحترمة بخلاف سعر العربية الجديدة اللي هتفشل لإرتفاع سعرها الغير مبرر

تحياتي

اقتباس:

---

المشاركة الأصلية كتبت بواسطة ahmod

انا برضوا النهارده كنت بعمل صيانة عربيتي الياريس في التوكيل

واللى تمنه 285 ده سير المجموعة وهتلاقي فيه بتاع 300 جنيه او 250 جنيه عمولة

انا تقريبا كان الوضع عندي قريب من عندك العربية ماشية 66 الاف كم ومن ساعت ماشتريتها ماوديتهاش التوكيل ولا مرة ولا حتى عملتلها اي صيانة غير اني غيرت مرة زيت الفتيس وفلتر بنزين وبجهيات والسير والكلام ده كان من سنتين عند 40 الاف كم

وقلت اروح التوكيل من باب ان الواحد يكون اطمن على العربية

والصيانة عندي كلفت 1500 جنيه مع العلم اني قلتلهم مش عايز اغير زيت الفتيس ولا فلتر البنزين ولا فلتر الهوا لاني لسه مغيرهم

بس انا شايف ان مش مشكلة الفلوس طالما الواحد اطمن على عربيته وممكن من حين لاخر الواحد يوديها التوكيل

يعني ممكن كل 10 الاف كم تعملي الصيانة العادية في اي مكان وكل مثلا سنتين ولا حاجة توديها التوكيل

فلما تدفعي 1500 مثلا كل سنتين ولا حتى كل سنة وتبقي مطمنة على عربيتك مش وحش

يعني انا الكشف النهارده وضح ان العربية عندي عايزة تغير شدادة ميزان يمين !! وانا فعلا بقالي مدة حاسس بحدفة يمين ولفيت على عفشجية كتير محدش عرف السبب ومؤخرا كنت بحس ان العربية فعلا مش متزنة زي الاول

فالكشف في التوكيل كشف العيب ودي ميزته

ففداكي ال 1200 جنيه واديكي بيهم اطمنتي ان عربيتك زيرو ومش محتاج حاجة وربنا يباركلك فيها

---

حضرتك الموضوع مش فلوس خالص مش هى دى المشكله بالعكس انا لما بودى العربيه التوكيل ببقى مطمنه انهم بيعملوا الحاجه الصح فى العربيه لانى ممكن اوسوس لو حد من بره معرفهوش او مش من طريق ثقه هبقى قلقانه من العربيه ساعتها
انا من يوم ما جبت العربيه بوديها للتوكيل مفيش غير مر واحده غيرت زيت بس ف بنزينه وطنيه
مشكلتى انى ممكن اعمل ال10الف كيلو فى مده سنين او اكثر عشان كده بضطر اوديها التوكيل كل 10 الالف كيلو عشان اطمن على كل شئ بخلاف زيت الموتور بغيره كل سنه
بالنسبه للسير المهندس قالى سير الموتور وهو سير واحد وفعلا فيه حوالى 300ج مصنعيات

بس ممكن سؤال فى التوكيل قالوا لى ان فلتر البنزين بيتغير عند ال 80 الف كيلو ازاى حضرتك غيرته عند 40 الف

اقتباس:

---

المشاركة الأصلية كتبت بواسطة islam.afifi

للمعلومة ان زيوت المحرك سعرها زاد
و هم بيحطوا زيت موبيل 1 و بياخدوا زيادة لأنهم بيحملوا المستهلك الضريبة في كل حاجة
و مش عارف الناس انتبهت ولا لأ , ممكن تاخدوا بصة على أمر الشغل هتلاقوا ان فيه ضريبة عمالة "مرحب بيكم في مصر بلد المهزلة"
ضريبة على العمالة ليه هو اللي في التوكيل ناس اجانب ولا ايه !!!!!!!!!!!!!!!!!
و على العموم زي ما الأخ قال كفاية انك اطمأنيتي على العربية
و فعلا الياريس من العربيات المحترمة بخلاف سعر العربية الجديدة اللي هتفشل لإرتفاع سعرها الغير مبرر

تحياتي

---

الف شكر ليك استاذ اسلام على اهتمامك حضرتك تقصد ضريبه جديده غير ال 10% ولا ايه ؟
انا شوفت طبعا التويوتا 2014 هناك صحيح هى كصالون من جوه وهميـــــه لكن برضو لالا مش لدرجه 220 الف ج وكذلك الياريس تصميم وشكل وسعه الصالون والتجديد اللى حصل على الياريس ميوصلهاش ابدا ل 165 الف بصراحه سعر مبالغ فيه جدا واللون اللبنى الفاتح الغريب باللى نازل منها وحش اوى والغريب ان الناس ف التوكيل بتاكد ان الطلب والحجز على التويوتا وعلى الياريس اعلى من اى سنه ولا كانه البلد كان فيها اى ازمات المهندس بيقولى فيه ناس كثير اوووووى متاثروش باى احداث ف البلد وعشان كده كل اسعار السيارات زادت والناس بتشترى كثير

اقتباس:

---

المشاركة الأصلية كتبت بواسطة تويوتا

حضرتك الموضوع مش فلوس خالص مش هى دى المشكله بالعكس انا لما بودى العربيه التوكيل ببقى مطمنه انهم بيعملوا الحاجه الصح فى العربيه لانى ممكن اوسوس لو حد من بره معرفهوش او مش من طريق ثقه هبقى قلقانه من العربيه ساعتها
انا من يوم ما جبت العربيه بوديها للتوكيل مفيش غير مر واحده غيرت زيت بس ف بنزينه وطنيه
مشكلتى انى ممكن اعمل ال10الف كيلو فى مده سنين او اكثر عشان كده بضطر اوديها التوكيل كل 10 الالف كيلو عشان اطمن على كل شئ بخلاف زيت الموتور بغيره كل سنه
بالنسبه للسير المهندس قالى سير الموتور وهو سير واحد وفعلا فيه حوالى 300ج مصنعيات

بس ممكن سؤال فى التوكيل قالوا لى ان فلتر البنزين بيتغير عند ال 80 الف كيلو ازاى حضرتك غيرته عند 40 الف

---

هو فعلا الفلوس مش مشكلة واهي كدة كدة الفلوس بتروح وتيجي والاهم الواحد يبقى مطمن على عربيته

السير الموجود في الياريس هو سير واحد بس "سير المجموعة" وده زي مانا شفت في الفاتورة ب 285 مع اني غيرته من مدة واشتريته برضوا من التوكيل بس ركبته بره واعتقد كان سعره اقل من كدة بكتير

فلتر البنزين عشان انا شايل المحول الحفزي " علبة البيئة " فعشان كدة لازم اغيره كل 40 الاف كم بدل من تغيره كل 80 الاف وده كلام الكتالوج

وعلى فكرة انا اشتريت فلتر البنزين من الموزع المعتمد - تويوتا البرجسي - الاصلي ب 470 جنيه وركبته برة مش عارف بقى ليه في التوكيل بيتركب ب 1200

كنت عايز اسأل الزمﻻء عن الصيانه فى مركز البرجسى ايه نظامها للعلم سيارتى خليجى جديده اعتقد بدون ضمان

ممكن يا استاذ علاء تبعتلي رقم الفني اللي في التوكيل وشكرا

نصيحه لحضرتك وكل ملاك الياريس
انا معايا ياريس 2007 من الزيرو
العربيه ديه بتتميز انها مش بتحتاج صيانات كتير
وسيبك من كلام التوكيل
يعني التوكيل بيغير زيت فتيس على 80 الف لكن الكتالوج ومقياس الزيت مكتوب عليه لا يحتاج للتغيير في ظروف القياده العاديه
التيل بيغيروه بدري جدا
فلتر البنزين انا غيرته على 150 الف ومحسيتش باي فرق اطلاقا
زيت وسير المجموعه بس هي دي صيانة الياريس
وعلى فكره انا من اكتوبر برضه وفيه مركز صيانه محترم هنا - مش ميكانيكي - وارخص من التوكيل

اقتباس:

---

المشاركة الأصلية كتبت بواسطة تويوتا

الف شكر ليك استاذ اسلام على اهتمامك حضرتك تقصد ضريبه جديده غير ال 10% ولا ايه ؟
انا شوفت طبعا التويوتا 2014 هناك صحيح هى كصالون من جوه وهميـــــه لكن برضو لالا مش لدرجه 220 الف ج وكذلك الياريس تصميم وشكل وسعه الصالون والتجديد اللى حصل على الياريس ميوصلهاش ابدا ل 165 الف بصراحه سعر مبالغ فيه جدا واللون اللبنى الفاتح الغريب باللى نازل منها وحش اوى والغريب ان الناس ف التوكيل بتاكد ان الطلب والحجز على التويوتا وعلى الياريس اعلى من اى سنه ولا كانه البلد كان فيها اى ازمات المهندس بيقولى فيه ناس كثير اوووووى متاثروش باى احداث ف البلد وعشان كده كل اسعار السيارات زادت والناس بتشترى كثير

---

ايوة ضريبة غير ضريبة المبيعات
اسمها Labor Tax
تويوتا ياريس 2014 هتفشل فشل ذريع لو مالحقوش نفسهم و خفضوا السعر
عربية ضعيفة على سعرها جدا , هي كتصميم عجباني و صالون داخلي تحفة , بس مش لدرجة اني ادفع ولا 140 ولا 165
و طول ما الناس بتشتري , جشع التجار بيزيد و اسعارهم بتزيد
حسبي الله و نعم الوكيل