استفسار عن أفضل مدرسة لغات بمدينة الشروق وما يجاورها

السلام عليكم ورحمة الله
أنا أولادي في مدرسة النزهة للغات اللي على طريق مصر الإسماعيلية قبل مدينة العبور بس بالرغم من إن المدرسة كمستوى أخلاقي وديني وتعليمي نقدر نقول كويسة إلى حد ما إلا أن أسوأ ما فيها إدارتها لأن عندهم عجرفة وغرور ومش بيهتموا بأي شكاوى لأولياء الأمور وبيتعاملوا دائما مع شكاويهم بشيء من الاستخفاف أو التجاهل ودايما تلاقي لهم تبرير لكل حاجة سواء تبرير بحق أو بباطل لدرجة إنهم طردوني من الجروب الخاص بهم على الفيس بوك العام الماضي والسنة دي طردوا زوجتي كمان ! تخيل لما ولي أمر ينطرد من جروب مدرسة لمجرد إنه بيعترض على أسلوب المدرسة أو إدارتها وبينقدهم نقد موضوعي بدون تجاوز
بالإضافة إلى استهبالهم في موضوع الفلوس يعني مفروض إني بدفع حوالي 10 آلاف لكل ولد شاملين الأنشطة اللي من ضمنها الرحلات والحفلات المدرسية وخلافه وفجأة تلاقيهم باعتينلك عايزين 150 جنيه علشان نشتري لبس للأولاد يحضروا بيه الحفلة !! وفي مرة طلبوا مني أشتري لبس "الفيل" للولد علشان يمثل مسرحية في المدرسة واللبس ده كان في حدود 150 جنيه برده واتلبس مرة واحدة واترمى بالإضافة للرحلات برده طالبين 100 جنيه علشان يدخلوا الأولاد قرية كيدزانيا اللي تذكرتها أساسا ب130 جنيه !
المهم علشان مطولش أنا بدور على حاجة تكون في نفس المستوى أو أحسن وتكون في نفس رينج المصاريف برده وتكون قريبة منها يعني في الشروق مثلا سمعت إن هناك مدارس كويسة فاتحة جديد وأسعارها معقولة جدا وجودتها كويسة وميزة الشروق إنها هادية ومش زحمة فهتلاقي عدد الأطفال في كل فصل قليل على عكس مدرسة النزهة اللي ممكن يوصل عدد الأطفال إلى 35 طفل في الفصل الواحد زائد إنهم السنة دي بنوا مباني جديدة علشان يقبلوا أعداد تانية وبالتالي النتيجة هتبقى زحمة في زحمة خاصة إن المدرسة مش كبيرة أساسا كمساحة لكن نقول إيه في الجشع
أهم حاجة عندي في المدرسة المطلوبة إنها تكون لغات ويكون المستوى الأخلاقي والديني كويس وبصراحة دي أكتر حاجة خليتني أدخل الأولاد النزهة لأن كstaff مدرسات ومشرفات ومديرات ما شاء الله عليهم فأنا عايز حاجة في نفس المستوى أو أفضل كمان
ومش لازم في الشروق ممكن في مناطق تانية تكون قريبة برده زي طريق الإسماعيلية مثلا في كذا مدرسة بس المشكلة إني سألت عنهم فلقيت يا إما غالية جدا يا إما مفيش مستوى أخلاقي وفي شيء من الانفلات وده تحسه حتى من لبس المدرسات ومظهرهم العام
ملحوظة: بلاش مدينة العبور لأني دورت كتير برده وملقيتش مدرسة واحدة تستاهل كلهم أسوأ من بعض للأسف وعن تجارب أولياء أمور كتير
أرجو حد يفيدني مع جزيل الشكر وآسف على الإطالة

السلام عليكم
من مجمل ما قرأت ارى ان المدرسة الحالية افضل من غيرها..و المخاطرة في تجربة مدرسة اخرى عواقبها وخيمة
فاذا لا قدر الله نقلتهم الى اخرى ثم ظهرت فيها بعض السلبيات فقد يتعذر اعادتهم لمدرستهم
بصراحة انا ليس لي خبرة في موضوع المدارس و لا اراك تشتكي من عيب جوهري في المدرسة الحالية..لكن اللي اعرفه ان كل اولياء الامور لهم تحفظات على مدارس ابنائهم اكثر مما ذكرت

مدارس https://www.facebook.com/pages/%D8%A...59808757443869 او نيو فيجين في العاشر من رمضان بس انا برجح الخطيب.

اقتباس:

---

المشاركة الأصلية كتبت بواسطة samyyousef

السلام عليكم
من مجمل ما قرأت ارى ان المدرسة الحالية افضل من غيرها..و المخاطرة في تجربة مدرسة اخرى عواقبها وخيمة
فاذا لا قدر الله نقلتهم الى اخرى ثم ظهرت فيها بعض السلبيات فقد يتعذر اعادتهم لمدرستهم
بصراحة انا ليس لي خبرة في موضوع المدارس و لا اراك تشتكي من عيب جوهري في المدرسة الحالية..لكن اللي اعرفه ان كل اولياء الامور لهم تحفظات على مدارس ابنائهم اكثر مما ذكرت

---

وعليكم السلام ورحمة الله
كلامك صحيح بنسبة كبيرة وهو اللي بفكر فيه لو ملقتش مدرسة بنفس المستوى لكن لو في حاجة تاني مشهود لها بالكفاءة ونفس المستوى الأخلاقي والتعليمي أو أفضل حتى لو أغلى شوية فهيبقى أفضل من إدارة متعجرفة لا تقبل النقد وهو ما سيؤثر حتما على مستواهم مستقبلا لأن من لا يتقبل النقد ويرى أنه فوق النقد فلن يتقدم خطوة للأمام زائد إني مقبلش على نفسي إني أدفع مبلغ زي ده سنويا وألاقي واحد متهور يعملي حظر أنا وزوجتي من الجروب كأنه جروب أهله لأن الجروب ده مش ملكه يتصرف فيه كيفما يشاء ده جروب خاص بأولياء الأمور ولازم يتقبل النقد منهم هو مش عامل الجروب علشان الناس تقعد تشكر فيهم وتقول فيهم أشعار !
حسبنا الله ونعم الوكيل في اللي وصل حال التعليم في بلدنا للدرجة دي حتى المدارس الخاصة اللي بندفع فيها دم قلبنا بيتنططوا على الناس ومش عاجبهم حد

اقتباس:

---

المشاركة الأصلية كتبت بواسطة egyegy

مدارس https://www.facebook.com/pages/%d8%a...59808757443869 او نيو فيجين في العاشر من رمضان بس انا برجح الخطيب.

---

أشكرك أخي الكريم
لكن العاشر من رمضان بعيدة نسبيا أنا عايز حاجة تكون أقصاها مدينة الشروق علشان المشوار ميكونش بعيد على الأولاد ويتعبوا من الطريق

معلش الرد السابق متلخبط حبتين لذلك قمت بإعادة كتابته وتنظيمة، مدارس الخطيب او مدرسة نيو فيجين في العاشر من رمضان او من الممكن تستخدم دليل المدارس المصرية.

حد يعرف حاجة عن مودرن سكول الشروق ؟
هل هي بنفس مستوى مودرن سكول بالمناطق الأخرى ؟

مساء الخير فى الشروق فىها اكتر من مدرسة ممكن تشوف ايه لانسب من خلال افضل دليل مدارس فى مصر
مدارس و حضانات فى منطقة مدينة العبور - سكولز جايد