شكر وتقدير واجب للكبير طنانى باشا والاستاذ فادى

**asa3eed** · 30-12-2013 12:06 AM

الكبير طنانى باشا .. حضرتك متبخلش ع حد هنا دون معرفه بأى معلومة وقليل جدا إللى زيك كده الموضوع كله يا جماعه إنى كنت بغير واير فتيس إتوماتيك لاوبل 94 والميكانيكى معرفش يفك عصاية الفتيس
.. جه ف بالى طنانى باشا وكلمته والراجل بصراحة قمة فى الادب والذوق خلى حد من الاسطوات إللى عنده كلم الميكانيكى ويفهمه إزاى يفك العصاية ربنا يخليك لنا يا كبيرررر الاوبلية ... ويكتب لنا إنى اشوفك وازوك قريب لولا المشوار بعيد انا ف ال 10 من رمضان بس لو جه ليه مشوار قريب منك لازم حتى اجى اسلم ع حضرتك شخصيا ... للمرة المليون الف مليون شكر ليك
ده غير الرسائل الشخصية إللى ببعتها له ويرد عليه من غير تأخير .. وطبعا عاوز اشكر الاستاذ الكبير فادى ... إنسان ذوق ومحترم جدااا ... ونفس اخلاق طنانى باشا ميتأخرش على اى حد بمعلومة او حل لمشكلة يمكن العربيه عمله معايا شويه حركات كده بس والله انا فرحان بيها لانها عرفتنى ع رجالة صح الصح ... شكررررررررررااااا

**m7nsh** · 30-12-2013 12:47 AM

انا تقريبا جبت اوبل عشانهم هم الاتنين بس .. وباتكلم جد
ادعولهم بظهر الغيب يا شباب ..هم يستاهلو اكتر من كده ..

**ayman hamdy** · 30-12-2013 01:14 AM

فعلا ناس قمة الاحترام ويستهلوا كل خير ربنا يجعله فى ميزان حسناتهم ويرزقهم من حيث لا يحتسبوا

**Tiar** · 30-12-2013 10:52 AM

المشاركة الأصلية كتبت بواسطة hilal

الاستاذ طناني هو السبب في شرائي للاوبل ايضا
وذلك بعد قراءة مقالته الشهيرة المثبتة "كلام في الاوبل"
وفعلا حسيت اني كنت راكب سيارات ليست على المستوى
وبعد ما اشتريت الاوبل حسيت اني راكب خرتيت او وحيد القرن
قوة في الاداء ، قوة في الثبات ، قوة في البودي ، قوة خارقة في الفرامل وهو الاهم
باختصار ، سيارة بمعنى الكلمة ، وبسعر لا يصدق نتيجة جهل الشعب المصري وعشقه للفيرنا واللانوس والبوما
مع احترامي لكل اصحابها
تحياتي انا ايضا للاستاذ طناني والاستاذ فادي ولا ننسى الاستاذ احمد فهمي وكل الزملاء الافاضل