الادا بعد ما ركبلها باور

**Yahyac** · 30-12-2013 02:11 PM

أنا بقالي دلوقتي حوالي 6 شهور بعد ما غير علبه الدركسيون و السكاترا و تقريبا العفشه
عملت القصه كلها عند حمدي لادا اللي في المطار
زي ناس كتير كنت بسئل عن علبه دركسيون للعربيه عند حمدي لادا اللي في ميدان الجامع هوا راجل بيفهم و كويس بس ساعات خلقه بيبقي ضيق بحكم إنه راجل كبير و كده "إعتبره أبوك يا أخي" عموما هوا كان متعلق عنده ورقه مكتوب عليه دلع عربيتك و إقلبها باور "شغل marketing علي أبوه يعني " المهم طبعا لما سئلته حكالي القصه كلها و إنهم بيغيرو علبه الدركسيون خالص و بيغيرو العفشه معاها أنا كنت ها أغير حاجات كتير كمان أصلا كده كده في العفشه و علبه الدركسيون أصلا بقالها حوال 10 سنين فعلا فيها بوش و كل شويه كنت بروح لبتاع خراطه و أظبطها و بتاع بس قولت بقي يلا نغيرها و نظبط و بتاع بس فا لما لقيت نفسي عاوز أشتري حاجات أصلا بحوالي 1800 جنيه قولت لنفسي طب ما هيا هيا
المهم قولتله أنا عاوز أعمل القصه ديه راح الراجل قالي روح المركز ها تديهم العربيه يوم و هما ها يزبطوك
هوا الموضوع عموما دخله في إسبوع ما بين يوم الصنايعيه ما جوش يوم كنا بنجربها يوم لسه ما عملوش ظبط زوايا ده غير إنهم بيقفلو بدري أصلا فا المهم
رأي في القصه ديه إنها حلوه قوي بس الفكره إن العفشه ها تتغير فا لو العفشه بتاعتك سليمه ها تتضايق أو ها تستخسر تعمل القصه ديه
بس لو ها تغير للنظام ده كله ها تحس بفرق
و العربيه مش بتعوم علي سرعه ولا أي حاجه و هيا هيا مش فارقه كتير و إنتا بتجري
مع العلم إن انا بقفل العداد تقريبا بدون مبالغه قبل و بعد ما أغير الموتور من 1200 إلي 1500
بس وانا بركن العربيه بقي فيه فرق شاسع طبعا
هيا مش ها تبقي طبعا زي الهيونداي ولا الكيا بس الفرق يستاهل
مع العلم إني ما كونتش متضايق من الدركسيون أصلا بس في مره و أنا بجري بالعربيه إتخضيت لقي الدركسيون البوش فيه زاد عن الطبيعي و أنا الصراحه مش بحب كده و من ساعتها و أنا قولت لازم أغيره بواحد جديد

**emad_ms** · 30-12-2013 02:28 PM

ممكن تقولنا التكلفة كام وتنفع على 2105 مو95 وشكرا

**felfel2010** · 30-12-2013 05:48 PM

عقبال ما تركب فتيس اوتوماتيك و تبقى خلصت من مشاكل اللادا

**Amr. Adel** · 30-12-2013 06:21 PM

نا معايا لادا 2015 موديل 2009 و واقع فى مشكلة كبيرة انا علبة الدريكسيون باظط روحت لبتاع العفشة قالى نجيبها استيراد ب 400 غير 50 جنيه لراجل اللى حتاخدوا معاك من الورشة غير تركيبها فاسيبتوا ورحت سالت على الجديدة بكام قالولى ب 600 جنيه قولت خلاص اجيبها جديدة واريح نفسى خصوصا الفرق مش كبير وكمان سمعت عن العلب الاستيراد بتبقى علب بايظة وهم مصلحينها .المهم روحت اركب العلبة الجديدة فى العربية عند نفس الراجل اللى قالى الاستيراد احسن وبعد ما ركبتها الدريكسيون بقى تقيل جدا لدرجة انى مش عارف الف العجل بايدى لاتنين انا قولت يمكن فى الاول بس وبعد اسبوعين لقيت الوضع بيسوء والدريكسيون بقى اتقل روحت لبتاع العفشة 3 مرة هو هو قولت يمكن محتاج زيت او شحم لقيتوا قالى العلبة دى بايظة ولازم تجيب علبة تانية استيراد وفى واحد تانى وصفلى واحد بتاع علب الدريكسيون (خراط) يحاول يصلحلى العلبة القديمة او الجديدة .اسف على الاطالة بس حبيت اقول الموضوع كلوا كامل عشان فعلا محتاج النصيحة اعمل اية بقى ؟

**saddam** · 30-12-2013 08:55 PM

صديقي المواطن
ناديت كثيرا هنا في المنتدى بضرورة أن الباةر الصح يركبه ويوفقه ويعدله محل بورات وليس ميكانيكي من ضمن شغله بورات وكنت حتاخد بور أفضل من هيونداي وكيا وغيرهم ومكنتش حتغير في العفشة كتير لكن قدر الله وما شاء فعل المرة القادمة تروح لمؤسسة الصغير في شامبليون
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Yahyac** · 08-01-2014 05:36 PM

المشاركة الأصلية كتبت بواسطة emad_ms

ممكن تقولنا التكلفة كام وتنفع على 2105 مو95 وشكرا

والله انا مش فاكر سعر كل حاجه بالتفصيل بس هيا خلصت معايا علي حوالي ١٧٠٠ تقريبا
هما كانو كاتبين في المحل ان الموضوع بيبقي ب١٥٠٠ بس انتا عارف بقي ما فيش حاجه بتخلص علي نفس السعر

**Yahyac** · 08-01-2014 05:38 PM

المشاركة الأصلية كتبت بواسطة amr. Adel

نا معايا لادا 2015 موديل 2009 و واقع فى مشكلة كبيرة انا علبة الدريكسيون باظط روحت لبتاع العفشة قالى نجيبها استيراد ب 400 غير 50 جنيه لراجل اللى حتاخدوا معاك من الورشة غير تركيبها فاسيبتوا ورحت سالت على الجديدة بكام قالولى ب 600 جنيه قولت خلاص اجيبها جديدة واريح نفسى خصوصا الفرق مش كبير وكمان سمعت عن العلب الاستيراد بتبقى علب بايظة وهم مصلحينها .المهم روحت اركب العلبة الجديدة فى العربية عند نفس الراجل اللى قالى الاستيراد احسن وبعد ما ركبتها الدريكسيون بقى تقيل جدا لدرجة انى مش عارف الف العجل بايدى لاتنين انا قولت يمكن فى الاول بس وبعد اسبوعين لقيت الوضع بيسوء والدريكسيون بقى اتقل روحت لبتاع العفشة 3 مرة هو هو قولت يمكن محتاج زيت او شحم لقيتوا قالى العلبة دى بايظة ولازم تجيب علبة تانية استيراد وفى واحد تانى وصفلى واحد بتاع علب الدريكسيون (خراط) يحاول يصلحلى العلبة القديمة او الجديدة .اسف على الاطالة بس حبيت اقول الموضوع كلوا كامل عشان فعلا محتاج النصيحة اعمل اية بقى ؟

والله يا باشا انا كنت كل شويه اعمل علبه الدركسيون بتاعتي عند الخراط و فضلت معايا ١٠ سنين تقريبا يالبوش اللي فيها
و كانت زي الفل والله
و الصراحه انا ما اعرفش انهي احسن الاستيراد ولا الجديد بس علي حسب كلام الميكانيكي بتاعي الاستيراد احسن

**Yahyac** · 08-01-2014 05:39 PM

المشاركة الأصلية كتبت بواسطة felfel2010

عقبال ما تركب فتيس اوتوماتيك و تبقى خلصت من مشاكل اللادا

والله نفسي فعلا بس لسه ما اخدتش خطوات في الموضوع ده

**Yahyac** · 08-01-2014 05:41 PM

المشاركة الأصلية كتبت بواسطة saddam

صديقي المواطن
ناديت كثيرا هنا في المنتدى بضرورة أن الباةر الصح يركبه ويوفقه ويعدله محل بورات وليس ميكانيكي من ضمن شغله بورات وكنت حتاخد بور أفضل من هيونداي وكيا وغيرهم ومكنتش حتغير في العفشة كتير لكن قدر الله وما شاء فعل المرة القادمة تروح لمؤسسة الصغير في شامبليون
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

كنت فينك من زمان
بس يلا مش مهم العربيه زي الفل اي نعم بتعمل فيا مقالب كتير بس الحق يتقال احسن من حاجات كتير في السوق هيا لو يركبلها تكييف تبقي ممتازه والله