يا جماعه انا عايز احكيلكو تجربتي في موضوع الفرامل دهز
انا معايا 2009 Vti و خرط الطنابير في التوكيل من شهرين بس مشكله الرجه فضلت موجوده فرحتلهم من شهر قولتلهم عليها و مهندس الصيانه جربها و طلع محترم قاللي خلاص هنخرطها تاني على حسابنا بس قاللي يستحسن تغير فرامل معاها. فقلت استتنى لما اشتريلها تيل و اخرط و اركب تيل مره واحده
المهم اشتريتلها تييل فرامل Hawk من Amazon النوع ده:
Amazon.com: Hawk Performance HB447F.667 HPS Performance Ceramic Brake Pad: Automotive
واختارت النوع ده لانه نفس ابعاد التيل الأصلي لدرجه اني فكيت الاصلي و قسته بالضبط. كلفني حوالي 750 جنيه.
و رحتلهم من يومين فعلا التوكيل و خرطو الطنابير و قولتلهم يركبو التيل ال Hawk بس موافقوش في الاول عشان مش الاصلي بس بعد كده وافقو بس تبقى على مسؤليتي الشخصيه.
المعم خرطو و ركبو التيل و هنا حصلت المفاجأه, الفرامل ادائها ضعف جدا بقى أضعف من الفبريكه و لازم اجيب اخر الدواسه عشان تقف و دا عالسرعات القليله و طبعا خايف اجري عليها و الكارثه ان استجابه ال ABS قلت خالص.
هل حد عنده تفسير أو حل للمشكله دي؟