العربية دى موديل 2000 بس زيرو

**speranz** · 30-12-2013 07:03 PM

السلام عليكم ورحمة الله وبركاته

كنت قاعد بفكر من شوية لانى انا كنت سقطت مكنة لعربيتى
فحسيت ان العربية رجعت قوية ما شاء الله كانها زيرو فحبيت نتناقش مع بعض
فلنفرض انك بتفكر تجيب عربية زيرو بس معكش فلوس تكفى
هل ممكن تجيب عربية مستعملة تسقطلها مكنة وتظبطها من عفشة وفرش وكل حاجة
تخلى العربية ترجع زيرو هل ممكن تفكر فى حاجة زى كدا
وليه محدش بيفكر يعمل الموضوع دا ؟
تخيل انك جبت عربية بى ام 318 موديل 2001 فبريكة جوا ومفيهاش حوادث وسقطلها مكنة وظبط كل حاجة فيها من عفشة وفرش وصرفت بجد ومبخلتش عليها هل العربية دى ممكن تنافس بى ام زيرو او حتى موديل احدث منها بكم سنة

مستنى تنورونى فى الموضوع

**amoor89** · 30-12-2013 07:59 PM

نادر جدا لما تلاقى كده بسبب الصنايعية اللى فى مصر

**rotanamasoud** · 30-12-2013 08:19 PM

العيب انك مش حتعرف تبيعها لانها عدت سعر السوق
مثال عربيه سوقها 30-35
اشتريتها ب30 وصرفت 15 بقت واقفه عليك ب45 مش حتعرف فى حاله البيع انك توصل غير لاقصى رقم 35 يعنى تخسر 10 على الاقل
انا عامل كده ومجدد عربيتى وتقف عليا اعلى من السوق ب10
يعنى اللى بتصرفه ليك ولركوبتك ولازم تركبها فتره طويله متقلش عن 5 سنين عشان اللى صرفته تركب بيه
لاكن لو احتجت فلوس وتزنقت لبيع حتكون الخساره كبيره
اما الصنيعيه لو فك وتركيب بيبقى العك اقل شيئ غير الحل والتعمير

**kokowasfy** · 30-12-2013 08:28 PM

فعلان فكرة جميلة جدا جدا على فكرة العربيات القديمة دى ركوبة بجد مش زى الجديد بس لو صرفت عليها حلو ورجعتها زيرور هتنافس الجديد و ممكن تكون احسن منو كمان

**saddam** · 30-12-2013 08:34 PM

صديقي المواطن
ده بيحصل كتير في مصر وفي كل العالم وأنا 80% من عربياتي بشتريها فيها حاجة وبعدل فيها وأشدها وأرجعها أعلى من مستوى الفبريكة ولكن الموضوع متعب ويتطلب عاشق للسيارات ويتحمل مشاكل ومصايب كتير وأحزان كتير عقبال متخلص قبل ميكره نفسه وشد العربية عادة بيكون أفضل ﻷنك بتصرف أحسن خامات غير اﻹنتاج التجاري بيسترخص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**kokowasfy** · 30-12-2013 09:59 PM

المشاركة الأصلية كتبت بواسطة saddam

صديقي المواطن
ده بيحصل كتير في مصر وفي كل العالم وأنا 80% من عربياتي بشتريها فيها حاجة وبعدل فيها وأشدها وأرجعها أعلى من مستوى الفبريكة ولكن الموضوع متعب ويتطلب عاشق للسيارات ويتحمل مشاكل ومصايب كتير وأحزان كتير عقبال متخلص قبل ميكره نفسه وشد العربية عادة بيكون أفضل ﻷنك بتصرف أحسن خامات غير اﻹنتاج التجاري بيسترخص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

انا اختلف معاك الكلام بتاع شد العربية دة فى مصر بس صدقنى و تعديل العربيات دا لية ناسو و محتاج مجهود كبير و الى بيعمل كدا بيبقى اكيد حبة للعربيات زيادة و عمرو ما يزهق من التعديل فيها بس مشكلة الصنيعية عندنا رخمين اوى و فتاين اوى ممكن يبوظو حاجة فى العربية فا لو انت ناوى على شد العربية من الزيرور لازم تشتغل ايدك بايد الصنيعى و على فكرة تعديل العربيات دا برة بيبقى لعربيات السباق و الحجات دى لكن برة بيفضلو العربيات الزيرو اكيد الان انت مهما شديت العربية مش هترجع 100% زيرو ابدا

**houras1010** · 30-12-2013 10:10 PM

معدومى الضمير هيخلوك بدل ما تشد العربيه تشد فى شعرك

**ahmedalaahosny** · 30-12-2013 11:11 PM

المشاركة الأصلية كتبت بواسطة kokowasfy

انا اختلف معاك الكلام بتاع شد العربية دة فى مصر بس صدقنى و تعديل العربيات دا لية ناسو و محتاج مجهود كبير و الى بيعمل كدا بيبقى اكيد حبة للعربيات زيادة و عمرو ما يزهق من التعديل فيها بس مشكلة الصنيعية عندنا رخمين اوى و فتاين اوى ممكن يبوظو حاجة فى العربية فا لو انت ناوى على شد العربية من الزيرور لازم تشتغل ايدك بايد الصنيعى و على فكرة تعديل العربيات دا برة بيبقى لعربيات السباق و الحجات دى لكن برة بيفضلو العربيات الزيرو اكيد الان انت مهما شديت العربية مش هترجع 100% زيرو ابدا

‏ ياراجل هو اليومين دول في زيرو حالته 100% في ظل جشع التوكيلات اللي احنا فيه انت مشفتش الفيديو اللي فيه عربيات برليانس زيرو بورقها بتترش ف التوكيل وتتباع علي انها فابريكة ولا بلاوي غبور باشا ف الاميجراند ومبالغته ف اسعار الهيونداي بدون سبب ولا كوارث منصور

**Y a r i s** · 30-12-2013 11:30 PM

بص باختصار. شباب كتير بيتفرجوا على افلام امريكية كتير. وبالذات فاست مش عارف ايه ده الي الواد جاب عربية امريكاني وسقطلها متور ودهنها والعربية رجعت زيروا وزي الفل وبيسابق بيها كمان :)

بس الحقيقة في مصر مفيش الكلام ده ... منها بسبب الصنيعية زبالة ... ومنها برضو سعر البيع هتبقى زي واحد اشتري ١٢٨ وعمال يركب زينون وفرش جلد وشكمان وفتحت سقف وعدسات وحركات بس لمن يجي يبعها هو بيبيع ١٢٨ مش مارسيدس ده بالعكس مرات يجيلك زبون ويقولك لا مخودش عربية ملعوب فيه وملعوب في ضفايرها وصباح الافتكاسات فيها .

دي نقطة النقطة التانية : انتا لمن تيجي تشتري عربية عجوزة وعاوزها تجري معاك وتطير بيها ... فاااااه ممكن وكل حاجة بس هيا خلاص بقه. رجليها والقبر معدش في العمر بقيه والي راح من عمرها مش هيبقى زي الي جي ... بره بيقلك العربية بس تعمل بيها حادثة بسيطة او تقدم. عن خمس ست سنين. بياخدوها تعدم خلاص بتبقى عاملة زي الفرسة العجوزة ... الي مفيش من وراها رجا. بس احنا طبعاً هنا في مصر العربيات تتوارثها الاجيال وتلاقي عربية من ايام السادات او عبدالناصر الواد وخدها ومفيمها وطااااير بيها بس وقت لمن يجي يدوس على الفرامل ميلقهاش واي منحنى جامد تبص تلاقيها مقلوبة بيه عشرين قلبه لاقدر الله . .. وتحياتي