الطريق الزراعي و الكوبري الدائري ( وجهان لعملة واحدة )
بسم الله الرحمن الرحيم
طبعا زي ما واضح من العنوان الطريقين دول اوسخ طريقين الواحد ممكن يمشي عليهم في حياتة ..
الزراعي طبعا وكلنا عارفين البلاوي بتاعتة و القرف و الزحمة بتاعتة لاكن الجديد بقي الدائري الي تفوق علية بمراحل
يعني اية ابقي ماشي علي سرعة 90 مثلا والاقي قدامي مرتفع بسيط في الاسفلت واقول ومالة مش مرصوف كويس لاكن اما اقرب الاقيها حفرة :untitled::untitled:
اة وربنا حفرة في الطريق عمقها تقريبا 30 سنتي ووسعها تقريبا 50 سنتي يعني حضرتك داخل فيها لابس لابس وانت ونصيبك العربية تطلع سليمة او بخسائر ..
ومش كدة وبس لا الفواصل الي بين الكوبري مش موجودة وحضرتك ماشي تلاقي نفسك زي ميكون مطب في الارض محفور زي المطبات الغبية الي بنقابلها في الشوارع دي او بمعني اصح حفر في الارض او مطب لجوة الارض
الطريق مش مرصوف و طول منتا ماشي العجل بيعمل صوت و حفر كتيييييييييير في الطريق اة والله حفر بجد وممكن لو عربية علي سرعة ممكن تتقلب
النهاردة ماشي الاقي الحفرة دي في وشي لبستها كانت بسيطة مش كبيرة بس طبعا العربية اتهبدت فيها بحكم السرعة 90
بعد شوية الاقي الحفرة الغبية الكبيييييييرة الي اتكلمت عليها في الاول يادوب احاول اهدي خاااالص و افاديها الكاوتش في الاول عمل صوت وبعدين ال abs اشتغل واخدتها بعجلة واحدة من العربية من الجمب العربية بقت فوووووووووووق وبعدييييين اتهبدت في الارض ودة علي سرعة 60 تقريبا بعد الفرامل من 90
الخلاصة مادام مش هنعرف نغير حاجة في ام البلد دي و الاستهتار مش هيتصلح ...
نصيحة لكل واحد يمشي علي الدائري ميعديش سرعة 60 عشان لو لاقي بلوة من بلاوي الطريق دي يعرف يلم نفسة ويفاديها وربنا يسترها علينا جميعا ...