الموضوع: مفاجأه :)

المشاركة الأصلية كتبت بواسطة mzeid

مبروك رجوع العربية يا خالد :)
مع أنها كانت تعباك في التوكيل و للأسف هتفكرك دائما بذكرى قديمة :(
بس برضو العشرة متنقطعش

الله يبارك فيك يا حبى ...
مش العربيه بس الي هتفكرنى ...انا كده كده فاكر بس مرتاح نفسيا اكتر و هى عندى رغم انى من يوم ما خدتها مروحتش بيها فى حته بس متكيف و انا راكنها كده :)

المشاركة الأصلية كتبت بواسطة m7nsh

مبروك العربيه يا خالد باشا .. وربنا يرحم اخوك رحمه واسعه ..
وان شاء الله ترجع عروسه .. انا عارف العربيات اللى بتبقى ليها معزه على جمب دى بيبقى الواحد بيبصلها ازاى ..

آمين يا رب ...ربنا يرحم كل امواتنا ..
ان شاء الله اقدر اظبتها

المشاركة الأصلية كتبت بواسطة midooo_119

مبروك رجوع الغاليه

الله يبارك فيك

المشاركة الأصلية كتبت بواسطة loda80

ازيك يا خالد كل عام وانتم بخير انا فاكر ان الاستاذ عاشور من فترة اخيرا جاب حل لفتيس الايزي ترونيك عن طريق سوفت وير جديد ممكن تشوف الموضوع دا
http://www.nilemotors.net/nile/388085-a.html

الله يسلمك يا باشا ...
انا فعلا قريت الموضوع و مستنى اما ابدأ شغل فى العربيه و اجرب الموضوع ده

المشاركة الأصلية كتبت بواسطة فادى محمد

منور يا خالد..

ده نورك يا باشا :)

المشاركة الأصلية كتبت بواسطة tananybasha

الف مبروك
و لو حد عملها غير
هازعل منك يا خالد

الله يبارك فيك يا كبير ربنا ما يجيب زعل بينا ابدا

المشاركة الأصلية كتبت بواسطة abdo taha

الف مبروك يا استاذ خالد اكيد الرجوع للعربية دي شئ رائع و العربية دي اقيم من عربيات جديدة كتير اللي قطع غيارها بقت غالية و اللي فيكترا بقت رحمة بالنسبالها و يا سلام لو شدتها صح و تبقى شبابي هتبقى احلى و بيني و بينك الفيكترا سي اهيب و اكبر من الاسترا لو عاوز تظبطها صح حاول تخليها رياضية و شبابية و تركبلها عادم مزدوج زي اللي في ال opc نفسي اركبه بس عربية الوالد بقى و حتة سبويلر نضيف معاه و من ناحية المواتير حاول تسقط حاجة سعتها كبيرة بس المشكلة في البنزين و الدعم لكن لو هتتغاضى عن الكلام ده ماشي ، و الاوتو العادي انا مبحبوش المانيوال اشد عشان كده بحب الايزي ترونك اكثر ، يا سلام لو في موتور opc كانت هتختلف كتيير بس ملوش نصيب في مصر اللي اعرفه عن الموتور ال 2200 انه قديم عن اللي راكب في العربية ال z16xep و كان راكب في الاوبل ال speedster
ا



و في احتمال تاني و ده معرفش مناسب و لا لأ و ده افضلهم انك تحاول بس بعد فترة انك تسقط موتور الانسجنيا ال 170 حصان و ده لما بتوع الاستيراد يبدأ يجيبوه و ان شاء الله ربنا يوفقك للخير

ن شاء الله هتتشد صح هى اه متعبه بس ربنا يوفقنى ...
الفكره بسان قطع غيارها مش بالانتشار الى يخلى الواحد يختار منها ...ده انا قالب الدنيا على فانوسين مش لاقي :(

المشاركة الأصلية كتبت بواسطة mzeid

خالد ما تفكر في محرك ال z20let التيربو 2000 سي سي

منا مستنى اشوف حاله الموتور الى عندى و على اساسه هقرر هغير ولا لا :)

المشاركة الأصلية كتبت بواسطة abdo taha

ده لينك لواحد معدل عربيته فيكترا سي sri بمحرك ديزل 1.9 cdti و كانت عربية فاضية تماما و لا كماليات و لا اي حاجة و حولها ل vxr و ركبلها كل حاجة تتخيلها و كلها حاجات اصلية و الموضوع من منتدى انجليزي و هو حوالي 14 صفحة ممكن تقراه يديك فكرة و على فكرة بعد التعديل ده كله و الفرح بالعربية بعدها بعشرة ايام او اسبوعين العربية راحت هى و بيته في فيضانات


neve'o - vectra c sri 1.9cdti 150

ههههههههههههه فى حاجه موتتنى من الضحك
انا عندى العربيه فيها الفونيس الزينون الى بالمواتير و كده
و محتاجين يتغيرو و مش لاقي منهم استيراد و كله بيقولى هات ديبو و انا مش راضى
المعلم الى معدل عربيته ده حاطط الديبو هههههههههههههههه
الراجل ده فيه عرق مصرى ههههههههه

المشاركة الأصلية كتبت بواسطة dr_medoo

انا شايف كده برده وبعدين الايزى ترونيك عارفين مشاكله خلاص امال انت بتتعامل مع مين من الصنايعيه فى المنصور واشمعنى مبتحبش البحقيرى

انا بتعامل مع عاشور فى طنطا...بس لما اكون مزنوق
المنصوره بتعامل فيها سمكره و بويه فقط
البحقيرى بحسه بيطلع عيوب عشان يشتغل و خلاص
انما الطبيعى بتعامل مع صابر فى مدينه نصر

المشاركة الأصلية كتبت بواسطة moody_687

مبروك ياباشا ع رجوع الغالية وربنا يحفظ طريقك

الله يبارك فيك يا باشا

المشاركة الأصلية كتبت بواسطة احمد فهمى

رجعت يا عواد تلفيكترا مرض محدش يعرف يبعد عنو مبروك يا خلود وخليك فيها زي ما هي

هههههههههه رد يا باشا على موبيلك كلمتك مرتين
هكلمك بكره

الله يرحمه احمد ... العربيه دى بتفكرنى بايام معينه .. اما انت
من ساعة ما عرفتك ونا شاكك فى قواك العقليه :)

المشاركة الأصلية كتبت بواسطة nab!l

الله يرحمه احمد ... العربيه دى بتفكرنى بايام معينه .. اما انت
من ساعة ما عرفتك ونا شاكك فى قواك العقليه :)

ايام حادثه الاوكتافيا ...ولا ايام ما جيتلك راس البر ؟
بالنسبه لقوايا العقليه فللاسف انا مكنه دماغى خفت

راس البر .. ونسيت انت ايام معرض السيارات فى مدينه نصر

المشاركة الأصلية كتبت بواسطة فادى محمد

انت عايش ؟ لسه بخير يعني؟
انت فين يااااد؟؟
بتروح اماكن من غي ماتقولي , ماشي!!

هههههههههههههههه
لو قصدك على معرض السيارات دى حاجة من سنتين واكتر
اما لو بتتكلم عن انى عايش ولا لاء
احب اقولك عايش ومستنيك ومجهز الفطار من حوالى شهرين تلاته كده