السلام عليكم ....
بقالى فتره عاوز اشترى عربيه اوبل ...كنت فكرت فى الاسترا الجديده و فعلا عملت موضوع هنا
و بعدين دماغى راحت للانسجنيا شويه ....
و بعدين حصل تطور غير مقاييس المقارنه تماما ...
عربيتى الفيكترا الى كتير منكو عارفها :15_2_143:
صاحبها الى بيعتهاله كلمنى انا ببيعها و عاوزك تشوفلى زبون ..
العمليه لعبت فى دماغى خصوصا انى ندمت جدا لما بيعتها نظرا لمكانتها الغاليه عندى:36_1_1[1]: لانها بصراحه اخلى عربيه ركبتها ...و الاهم انها عربيه اخويه الله يرحمه و هو شخصيا كان بيحبها جدا و كان دايما رافض يبيعها ....
المهم خدت القرار و اشتريت العربيه
طبعا حالتها اتبهدلت شويه ...
عاوزه اكصدام امامى بالفوجات و الشبكه لانهم مبهدلين ...
عاوزه اكصدام خلفى
و باب شنطه لانه مخبوط و بايظ خالص و ساعات مش بيفتح و بيفتح يخبط فى الازاز
و العربيه سحبها مكتوم اوى و صوتها غريب (عامل زي صوت الفيكترا البى) واحد قالى علبه بيئه ...
و فيها شغل عفشه محترم لانها من غير مبالغه البيكانتو اثبت منها بكتير ...:untitled:
طبعا كله هيقولك و انت اهبل تشترى الخرده فاشون دى !!
اه انا اهبل و اشتيرتها :new: مش مشكله :)
المهم ان ان شاء الله قريبا هتسمعوا اخبار كويسه عنها
بس عاوز حد يقولى ايه اخر اخبار سوفت وير الايزى ترونيك ...عشان فى مقارنه بعملها و عاوز اوصل لقرار :
1-اسيبها ايزى ترونيك
2- اقلبها مانيوال (ميال للفكره دى)
3- اسقط الموتور ال2200 على الفتيس الاوتو ...(ولو فى مواتير اكبر على مانيوال يبقى تمام)
مع العلم ان محدش يفكر فى نقطه لما اجى ابيعها دى خالص لانى مش هبيعها :15_2_143:
ولو فى حد عارف سعر الفوانيس الزينون بتاعها استيراد يقولى ...
ان شاء الله العربيه هترجع جديده ...لانى ناوى اشدها كويس اوى اوى اوى ...لانها هتبقى عربيه يتوارثها الاجيال :majd(2):