شىء فى الحلق احساس غريب للاطباء واصحاب الخبره

**Medicalist** · 01-01-2014 08:10 AM

بسم الله الرحمن الرحيم
انا بقالى يا جماعه حاسس باحساس غريب اوى فى الحلق او بعد الحلق
جاسس انه فيه حاجه بعد ما ببلع ريقى موجوده الاحساس كان زايد و كان واضح اوى من شهرين دلوقتى لسه موجود بحسه بعض الوقت
تحس انه حاجه مقفوله عن الطبيعى او زى تقل احساس رخم وغريب
سالت طبعا اطباء زمايلنا وكبار
الى يقولى ارتجاع فى المرىء و اخدت ادويه للمعده بقالى شهر مع انى لا اشتكى من اى اعراض لارتجاع المرىء
ناس قالتلى اكشف انف واذن و كشفت و عملت منظار الانف والاذن السريع ده و كله الحمد لله تمام
انا عندى حساسيه فى الانف لاى شويه هوا او تغيير معايا من زمان و دايما بشتكى من بلغم عايز اخرجه و بيظهر بعد الاكل زى نحنحه كده الواحد بيعملها عشان يطلع البغم ده
ناس تالته قالتلى دى حاجه نفسيه وده بيبقى زى spasm فى عضله فى اول المرىء بس هل الشد ده ياخد الفتره دى كلها ؟؟؟؟ بقالى شهرين
ياريت خبراتكم فى الموضوع ده لو اطباء او اى ححد مر بالاحساس ده
الموضوع الاول كان عندى واضح اوى دلوقتى الحمد لله قل بس لسه موجود ومش بيقل عن الى انا فيه دلوقتى
البلع الحمد لله تمام مفيش مشاكل و مفيش اى الام

**mr_green** · 01-01-2014 09:06 AM

شفاك الله و عفاك

**TAMERMEGAHED** · 01-01-2014 09:20 AM

شفاك الله وعافاك انا كان عندى نفس الاحساس ورحت لدكتور تخصص جهاز هضمى عملت تحليل لقيت عندى جرثومه فى المعده هى الى بتؤدى للاعراض الى حضرتك بتقولها روح لدكتور وخليه يعملك التحليل ده

**Medicalist** · 01-01-2014 09:21 AM

المشاركة الأصلية كتبت بواسطة mr_green

شفاك الله و عفاك

شكرا يا باشا ربنا يبارك فيك

**Medicalist** · 01-01-2014 09:22 AM

المشاركة الأصلية كتبت بواسطة TAMERMEGAHED

شفاك الله وعافاك انا كان عندى نفس الاحساس ورحت لدكتور تخصص جهاز هضمى عملت تحليل لقيت عندى جرثومه فى المعده هى الى بتؤدى للاعراض الى حضرتك بتقولها روح لدكتور وخليه يعملك التحليل ده

عملت يا باشا تحليل الاجسام المضاده و طلعت النسبه عاديه مع انه المفروض اعمل التحليل الاساسى stool Ag بس انا على فكره اخدت ادويه البكتيريا دى مشيت عليها 7 ايام بس انا حاسس انه الموضوع مالوش علاقه
طب حضرتك حسيت انتهاء الاعراض تمام بعد العلاج باد ايه ؟

**TAMERMEGAHED** · 01-01-2014 10:45 AM

بعد 15 يوم من استمرار نوعين دوا للمعده لان الاول كانوا نوعين تانى مضادات بعد الاكل ووقفتهم بعد 15 يوم شفاك الله وعافاك

**banzai** · 01-01-2014 01:00 PM

لو بتشرب بيبسى بطله نهائيا انا وصلت انى و انا نايم اصحى على صوت حاجات بتتحرق فى حلقى ده غير الارتجاع و انا نايم
بلاوى سوده و لو بيجيلك حموضه مزمنه شوف ايه الحاجه اللى بتجيبلك حموضه و بطلها هيا كمان يعنى انا بتجيلى كان من البيبسى بس وقفت اى حاجه فيها صودا اساسا و من السكريات الزياده بحاول اقللها خالص و على طول سايب كياس رانى فى البيت

**Medicalist** · 01-01-2014 01:09 PM

المشاركة الأصلية كتبت بواسطة tamermegahed

بعد 15 يوم من استمرار نوعين دوا للمعده لان الاول كانوا نوعين تانى مضادات بعد الاكل ووقفتهم بعد 15 يوم شفاك الله وعافاك

شكرا يا باشا ربنا يبارك فيك

**Medicalist** · 01-01-2014 01:11 PM

المشاركة الأصلية كتبت بواسطة banzai

لو بتشرب بيبسى بطله نهائيا انا وصلت انى و انا نايم اصحى على صوت حاجات بتتحرق فى حلقى ده غير الارتجاع و انا نايم
بلاوى سوده و لو بيجيلك حموضه مزمنه شوف ايه الحاجه اللى بتجيبلك حموضه و بطلها هيا كمان يعنى انا بتجيلى كان من البيبسى بس وقفت اى حاجه فيها صودا اساسا و من السكريات الزياده بحاول اقللها خالص و على طول سايب كياس رانى فى البيت

انا فعلا كنت بشرب بيبسى كتير لاننا اغلب الوقت الواحد بيكون بره البيت بس الحمد لله بقالى اكتر من شهر ونص مبطل البيبسى والاكل بره البيت
بس يا باشا انا ما كانش عندى مشاكل فى المعده كحموضه او حرقان علطول
شكرا يا باشا على المرور وكلامك مهم جدااا