استفسار فى شراء سيارة بها تصريح و 3 توكيلات

**khaled_rafea** · 01-01-2014 10:11 AM

سلام عليكم, يا جماعة انا قدامى عربية سوبر اكشن , العربية فيها تصريح مش رخصة و فى ثلاث توكيلات, سعرها 90 الف و حالتها ممتازه, هل فيه مشكلة فى موضوع التصريح و التوكيلات ؟ صاحب العربية بيقول ان الملف لسه مجاش المرور, و لو الملف بتاعها كان فيه اى مشكلة اعرف ازاى ؟
جزاكم الله خيرا

**A.Saad** · 01-01-2014 12:54 PM

تتاكد من صحة التوكيلات
تسلسلها وان الاسامى فيها والتواريخ ماشية ورا بعض
لو تعرف تسال فى الشهر العقارى لكل توكيل برقم التوكيل عن صحة بياناته يبقى افضل
تاخد رقم النمر
رقم الشاسيه واسم المالك من الرخصة وتسال فى المرور بتاعها

**M.Elgergawy** · 01-01-2014 01:54 PM

اشتريها بعقد مسجل وبكده موظف الشهر العقاري هو اللى هيراجع على التوكيلات القديمه اللى قبلك لو فيهم حاجه هيرفض يعمل العقد ده بالنسبه للتوكيلات
بالنسبه للتصريح اخر توكيل هيروح المرور يطلع شهادة بيانات موجهه للشهر العقاري ولو طلعت يبقى تمام مفهاش مشاكل وتخليه يجبلك بالمره شهادة بينات للمرور التابعه ليك وشهادة مخالفات وتروح تنقل ملكيه وتبقى معاك عربيتك باسمك وتريح دماغك وبعد كده تفوق للعربية وتعمل طقم سيرفيس :)

**khaled_rafea** · 01-01-2014 06:36 PM

ميرسى ليك كتير يا باشا, يعنى مفيش مشاكل فى حاجة زى كده ؟

**foxhonda2008** · 01-01-2014 06:43 PM

الحاجه الغريبه ان العربيه متباعه 4 مرات و ده كتير جدا علي عربيه موديل حديث
اشك اشك اشك

**muhmado_furp** · 02-01-2014 12:14 AM

حاليا الشهر العقاري مش بيوافق علي بيع أي عربيه تصريح وهيقولك لازم شهادة بيانات
والمرور مش بيطلع شهادة بيانات الا لو الملف جيه وعلشان اللعب والنصب الي بيحصل في العربيات
انا اشتريت عربية تصريح واشتريتها بتوكيل عام علشان القصه دي
وداخل في سنه ولسه الملف مجاش
ومش عارف ابيعها بسبب القصه دي لاني برضك لازم ابيع بتوكيل عام مش خاص زي الاول

**M.Elgergawy** · 02-01-2014 09:53 AM

المشاركة الأصلية كتبت بواسطة muhmado_furp

حاليا الشهر العقاري مش بيوافق علي بيع أي عربيه تصريح وهيقولك لازم شهادة بيانات
والمرور مش بيطلع شهادة بيانات الا لو الملف جيه وعلشان اللعب والنصب الي بيحصل في العربيات
انا اشتريت عربية تصريح واشتريتها بتوكيل عام علشان القصه دي
وداخل في سنه ولسه الملف مجاش
ومش عارف ابيعها بسبب القصه دي لاني برضك لازم ابيع بتوكيل عام مش خاص زي الاول

ممكن تروح المرور تعمل استعجال باليد انت هتستلمه من المرور وتروح بنفسك تسلمه للمرور اللى فيه ملف عربيتك وتظبط موظف الارشيف 20 ج وهيبعتلك الملف تاني يوم :)

**muhmado_furp** · 02-01-2014 04:35 PM

المشاركة الأصلية كتبت بواسطة m.elgergawy

ممكن تروح المرور تعمل استعجال باليد انت هتستلمه من المرور وتروح بنفسك تسلمه للمرور اللى فيه ملف عربيتك وتظبط موظف الارشيف 20 ج وهيبعتلك الملف تاني يوم :)

تمام أنا عملت كده فعلا
من شهرين تقريبا بس متابعتش الموقف لسه

**start_wow** · 04-01-2014 12:18 AM

وعلي ايه التعب ده بس..حضرتك حاول تشوف عربية غيرها علشان تكون مطمن اكتر..انا عارف انه الواحد بيتعب علشان يجيب عربية كويسة وخصوصا في المستعمل لكن اوراق العربية مهمة اكيد انها تكون سليمة زي العربية..

الموضوع: استفسار فى شراء سيارة بها تصريح و 3 توكيلات

LinkBack

أدوات الموضوع

عرض

-

-

-

-

-

-

المواضيع المتشابهه

استفسار في بيع سيارة بها توكيلات

استفسار عن شراء سيارة

استفسار عن شراء سيارة اوتوماتيك

استفسار فى شراء سيارة مستعملة

استفسار بخصوص شراء سيارة

الكلمات الدلالية لهذا الموضوع

المفضلات

المفضلات

ضوابط المشاركة