تلاجة وديب فريزر (مش نوفروست)+2 كومبيوتر شغالين طول اليوم +فرن كهربا صغير بيشتغل حوالى ساعة تقريبا+ المبات موفرة+غسالة والمكوة+تليفزيون والتكيف برة الحسبة دى
عرض للطباعة
طبعا قريت الموضوع وطبعا بصيت على الردود ولا جديد ..
أحب بس لأقول حاجة مهمة بل مهمة جدا ...
احنا هنفضل طول عمرنا كدة ... في ذيل العالم وأسفل الأسفلين طول ماطريقة تفكيرنا كدة ونقاشنا مع بعض كدة ...
احنا بعيدين كل البعد عن الموضوعية .... احنا اللي اخترعنا مثال حبيبك يبلعلك الزلط ..
مفيش حاجة اسمها عدوك يتمنالك الغلط وحبيبك يبلعلك الزلط... مفيش حاجة إني لما أشوف قرار أو تصرف حكومي أبص الأول على القيادة السياسية لو عاجباني أبرر ... لو مش عاجباني أهاجم !!!!!!!!!!!
ده اسمه عك ...
احنا كلنا أو أغلبنا جهلة في السياسة وبنتفزلك ...ولا واحد فينا فكر يقرأ كتاب في العلوم السياسية ومع ذلك بنربط الأحداث ونتفزلك ولا أجدع سياسي !!!!!
احنا وحشين قوي ... الردود اللي في الموضوع للأسف تدل اننا لسة بدري علينا ...
لازم نتغير ...لازم نحترف كلمة ": ماعرفش , ماعنديش فكرة , ماذكرتش الموضوع ده وأوعدك إني هذاكره وأبقى أرد ....
لازم نتكلم مع بعض بهدوء ونقدر بعض ونعذر بعض ...نتعامل اننا اخوات
إنما اللي بيحصل ده ... قابلوني ولا بعد 100 سنة
هو الأخ عايش معانا هنا في مصر ولا بيفتي وخلاص ؟؟
650 كيلو إيه على 4 غرف كبيرة مكيفة ورسبشن 150 متر أو تكييف مركزي ؟!!!
أنا استهلاك شهر 9-2013 كان 1424 كيلو وات وشقتي 3 غرف صغيرين وريسبشن لا يتجاوز 35 متر والشقة كلها على بعضها متكملش 140 متر ومفيش غير تكييف واحد 1.5 حصان هو اللي بيشتغل معظم الوقت يعني نص يوم مثلا وتكييف في غرفة الأولاد زيه برده بس نادرا لما بيشتغل لأن معظم قعدتهم بتبقى في الريسبشن وتكييف للريسبشن 3 حصان أندر النادر لما بيشتغل علشان بنفتح البلكونة بتجيبلنا هوا
هو حضرتك بتجيب الأرقام والحسابات دي منين ؟!
آه بالمناسبة ..
الفاتورة دي كانت جيالي 610 جنيه !!!
تليفزيون 40 بوصة سامسونج led وريسيفر طبعا أظنه كيوماكس ميني
تلاجة كريازي عتيقة من 7 سنين
ديب فريزر الكتروستار بقاله أكتر من سنتين
غسالة كريازي عتيقة من 7 سنين
جهاز كمبيوتر وأحيانا اتنين
لمبات كلها موفرة و5 بس فلورسنت (نيون)
سخان كهرباء 50 لتر عتيق برده من 7 سنين
سخان تاني أعتقد 30 لتر من 4 سنين تقريبا
غلاية مياه
غسالة أطباق جديدة حجم كبير بتشتغل مرة واحدة في اليوم تقريبا
زائد التكييفات اللي قلتلك عليهم ومش بيشتغل منهم غير واحد 1.5 حصان بصفة شبه دائمة في الصيف بس والباقي نادرا لما بيشتغل
مفيش دفايات مفيش مكواة
يعني المعدل الطبيعي لأي شقة متوسطة لا 4 غرف كبار ولا تكييف مركزي ولا رسبشن 150 متر !!
وبمناسبه الفتي دي فاتوره شهر 11 ب 49 جنيه
http://i.imgur.com/R6yQ53c.png
ودي فاتوره شهر 12 ب 58 جنيه
http://i.imgur.com/DHPsIb0.png
والعداد ديجيتال على فكره اللي ناس كتير بتقول انه بيسجل الاستهلاك بزياده وأنا طبعا مش مقتنع بالكلام ده
طبعا الفاتورتين بعد خصم 90% اللي بياخده الانقلابيين على فواتيرهم :36_1_1[1]:
وعلى فكره عندي تليفزيونين 46 و 32 بوصه وتلاجتين 24 و 18 قدم و 4 مكيفات 2.25 حصان وسخان كهربا فوري 9 كيلو ودفايه 2200 وات وغساله أوتوماتيك 7 كيلو وجهاز جري 2.5 حصان و 2 لابتوب وبلاي ستيشن و wii وتابلت وميكروويف وساوند سيستم ومكوه وغلايه. عايش حياتي مش قله وحصيره يعني ومع ذلك أخر فاتوره الشتا 60 جنيه زي ما انت شايف ومش عارف هتصدقني ولا لاء لو قلتلك اني بشغل المكيف في الشتا كمان بتاع يومين ولا حاجه في الاسبوع حسب الجو انما في الصيف الفاتوره بتبقى حوالين ال 200-250 جنيه بسبب المكيفات يعني ده استهلاك شخص حياته فوق المتوسط بشويه وارجع لكلام Batman372 بما انه الوحيد اللي كتب استهلاك أجهزته غيري وهتلاقي الكلام قريب من بعضه عندي وعنده.
تحب أجيبلك كوبون خصم الانقلابين؟ :new:
انا مش عايزك تفرح أوي علشان الانقلابيين ملهمش عزيز على فكرة :N_no[1]:
كل الفواتير اللي بتجيلك دي غالبا تقديرات جزافية ممكن يكون الكشاف يا إما مش بييجي يا إما بييجي وبياخد قرايات أقل من الفعلية وفي شهر من الشهور الجاية وغالبا هيكون على أول الصيف كده هتلاقي فاتورة محترمة ممكن تعدي 700 جنيه باستهلاك أكتر من 1500 كيلو وات
بس ساعتها ابقى افتكرني ومش عايز منك كوبونات خصم أنا عايزك بس وقتها تدفعلي فاتورتي معاك مش أكتر :grin54:
ههههههههههه
ان شاء الله كمان شهرين تلاتة الفاتورة هتيجي ١٠٠٠ زي محصل معانا كنا بندفعو ٥٠ وفر حنين زيك بعر تلت شهور جاءت الصدمة الكبري ٩٥٠
وليه الاستهزاء بحياة البسطاء.!!!!!
والعنترية اللي أنتا فيها مش حلوه
ومتنساش اللي احنا كلنا الي زوال وكله هيتساوا ببعضه يوم القيامة
وربنا يهدينا ويصلح حلنا
بالعكس خالص أنا ماشي مع كشاف النور بالشعره ولما بيجيب الفاتوره باخده من ايده لحد العداد ياخد القرايه وأكتبها أنا على ضهر الايصال الحالي والشهر اللي بعده أتأكد ان القرايه اللي سجلناها مع بعض هيه اللي جت في الايصال الجديد والحمد لله الامور مظبوطه وبسيبله باقي الفكه من الفلوس في مقابل اني يستحمل غلاستي دي.
فيه حاجه كمان. شرايح الكهربا اللي عاملاها الشركه
https://m.ak.fbcdn.net/sphotos-a.ak/...87486538_n.jpg
جت عند 1000 كيلو ووقفت وثبتت كل اللي يزيد على شريحه واحده وده معناه اللي بيعدو 1000 كيلو ناس قليله جدا مش ضروري تقسيم استهلاكهم لشرايح يعني باستهلاكك 1400 كيلو كهربا في الشهر كده يا أبو أسر بقيت من كبار عملاء المنازل وقريب هينزلولك عروض كهربا مجانيه بس اتقل شويه تاخد حاجه نضيفه :36_1_1[1]:
كمان أنا كنت سكنت في شقه مؤقته أول ما جيت مصر على ما أجهز شقتي لمده 8 شهور كان عندي فيها تليفزيون واحد وتلاجه واحده وغساله و 2 لابتوب مع الغلايه والميكروويف وبدون مكيفات والفاتوره كانت دايما بين 10 و 15 جنيه
البواب عنده تلاجه وتليفزيون وغساله عاديه ولمبتين بيدفع في حدود 5-7 جنيه بالكتير.
خلاصه الموضوع طالما القرايه اللي بتجيلك في الايصال مش أكبر من القرايه اللي في العداد يبقى ده استهلاكك ووجب عليك دفعه ولو مستكتره قنن استهلاكك لحد ما يوصل للرقم اللي ميوجعش ميزانيتك. صح الكلام؟