اقتباس المشاركة الأصلية كتبت بواسطة batman372 مشاهدة المشاركة
شوف الوات watt بتاع كل جهاز/لمبات بيشتغل فى البيت ... و اعرف بتشتغل كام ساعه يوميا فى المتوسط ...

وحده قياس العداد هو كيلو وات ... يعنى كل 1000 وات = 1 كيلو وات ..

كمثال لو لمبه 100 وات ... ده معناه انها بتستهلك 0.1 كيلو كل ساعه ..
يعنى لو اشتغلت 10 ساعات يوميا ده معناه انها بتستهلك 1 كيلو فى اليوم ... يعنى 30 كيلو فى الشهر ...

طبعا اللمبات الموفره اقصاها 26 وات ... كمقارنه توفير 75% ...

يعنى لو 10 لمبات موفره فى البييت x شغل 10 ساعات = حوالى 80 كيلو.

التلاجه و باقى الاجهزه حط ليهم 70 ك = الاجمالى 150 ك ...

ده الطبيعى فى كل بيت مثل ما ا. احمد ادهم بيه ما وضح ...

+ لو اى جهاز ما 1000 وات (تكييف او دفايه مثلا) ... ده معناه انه بيستهلك 1 كيلو كل ساعه .. يعنى لو اشتغل 10 ساعات يوميا ده معناه انه بيستهلك 10 كيلو فى اليوم ... يعنى 300 كيلو فى الشهر لوحده ...

و ده الى بيعمل الفرق هكذا ...........

ارجو ان اكو وضحت :)

تحياتى ...
أنا فاهم الحسبه وهيه الاستهلاك بالوات مضروب في عدد ساعات التشغيل اليومي مضروبه في 30 ثم القسمه على 1000 بس عايز أشوف مثال ازاي واحد "غلبان" هيستهلك أكتر من 650 كيلو في الشهر لأن فيه ناس في الموضوع بتدعي ان استهلاك 650 كيلو في الشهر ده عادي وطبيعي في حين ان عشان توصل ل 650 كيلو في الشهر لازم يكون البيت كبير يعني 4 غرف كبيره مكيفه وريسبشن 100-150 متر مكيف أو تكييف مركزي مغطي الشقه كلها مع تلاجتين كبار وكام تليفزيون الخ الخ وقتها ماشي 650 كيلو تبقى طبيعي وده شخص ربنا يباركله مش هيزعل ويشتكي لما الفاتوره تزيد 100 جنيه ولا حاجه لأن ال 100 جنيه متجيش حاجه في فاتوره تليفونه انما اللي بيقول تلاجه وتليفزيون واضاءه بتعمل 400-500 كيلو عايز أشوف حسبها ازاي وتليفزيونه كام وات وتلاجته كام وات ولمباته كام وات عشان يبقى الكلام منطقي مش كلام جزافي.

كده احنا عملنا مثالين للمعيشه المتوسطه في حدود 150 كيلو عايزين نشوف مثال ال 650 كيلو عشان نتصور مستوى معيشه حد بالاستهلاك ده عامله ازاي.