زيادة أسعار الكهرباء.. أول هدايا الحكومة في 2014

**Ahmed_Adham** · 01-01-2014 11:11 PM

و قال المهندس أحمد إمام، إنه من الممكن أن يشهد عام 2014 زيادات في أسعار الكهرباء، وأكد علي أن قرار رفع اسعار الاستهلاك يرجع أولاً واخيراً إلي مجلس الوزراء، وانه سيتم فقط دراسة رفع الأسعار عن القادرين وإبقاء الدعم على الشرائح الأخرى، حتى استهلاك 650 كيلووات شهريًا.

اللي يستهلك فوق 650 كيلو يبقى مش غلبان ومش محتاج دعم بصراحه.

**ehab** · 01-01-2014 11:28 PM

المشاركة الأصلية كتبت بواسطة ahmed_adham

اللي يستهلك فوق 650 كيلو يبقى مش غلبان ومش محتاج دعم بصراحه.

بيتنا مثلا فيه تلفزيون واحد و غرفتين و السخان غاز
الاستهلاك ما بين 400 و 500 كيلو

**Ahmed_Adham** · 01-01-2014 11:49 PM

المشاركة الأصلية كتبت بواسطة ehab

بيتنا مثلا فيه تلفزيون واحد و غرفتين و السخان غاز
الاستهلاك ما بين 400 و 500 كيلو

طب يلا نحسبها ونشوف بتعمل ازاي 400 كيلو على الحاجات دي حتى مع التلاجه. 100-150 وات بالكتير لمبات موفره بتنور البيت كله وزيهم استهلاك التليفزيون لو ضربتهم في 10 ساعات يعملو 3 كيلو في اليوم والتلاجه بتاع 150 وات قول بتشتغل 15 ساعه في اليوم يعني 2 كيلو كمان كده 5 كيلو في اليوم يعني لو مفيش تكييف او سخان كهربا الاستهلاك هيكون في حدود 150 كيلو في الشهر وده مع الحسبه المرتاحه. المكيفات بقى أو الدفايات أو سخانات الكهربا هيه اللي بتقلب المعادله وتضرب الاستهلاك في 3-4 ويمكن أكتر حسب كثافه تشغيل المكيفات وعددها في الشقه لأن المكيف بيكون بتاع 2 كيلو وات في الساعه ويمكن أكتر حسب القوه. طبعا المكوه والميكروويف والكاتل استهلاكهم عالي زي المكيفات بس بره الحسبه لأنهم بيشتغلو مده بسيطه في اليوم يادوب دقايق.

**Merooxx** · 02-01-2014 01:00 AM

والله الواحد زهق
هم لازم يطهقونا في عيشة اللي خلفونا
لازم كل حاجة فوق دماغ اللي مش لاقي وطالع عين أمه (أسف علي اللفظ)
ليييييبه وفين البهوات الكبيرة من الكلام ده حرام عليكم. يعني التكيف اللي قعدنا نحوشو ففلوسه سنة هنتفرجو عليه (حراااام)
متزودو الضرائب علي اصحاب الملاين مس الملاليم والمليارات واللي نهبين فلسنا

ربنا ينتقم منهم