بخصوص المصفحه اللى بتحمى الموتور والفتيس ف بطن العربية

**mohammad isdf** · 02-01-2014 12:08 PM

السلام عليكم ورحمة الله وبركاته

ازيكم يا جدع ناس

امبارح كنت ماشى وباخد حفرة على الهاااااااااادى جدا كانت حفرة بسبب تصليحات فى طريق عندنا فى زايد، العربية اتهبدت على المصفحه ومعرفش هيا عندكم ولا لاء لكن هى عباره عن صاج متعلق فى القنطرة الأمامية ومتشبط بمسامير لحد الربع الأول من العربية

المهم انها اتقطمت امبارح من ادام ولاقيتها بتجرجر منى، جبت سلك رباط وقعدت اربطها.

ملاحظات
كتير جدا بتخبط منى فى المطبات العادية جدا بحس ان العربية منخفضه جدا وبعدين كمان المصفحه مش بعيده عن الموتور ولا الفتيس ده هما فوقيه مباشرة يعنى لو شلتها الخبط هيبقى فى اجزاء العربية.

الأسئلة

1- هل دى موجودة فى كل سيات ؟
2- هل انخفاض العربية ده طبيعى؟
3- اشيلها ولا لاء
4- طب لو هخليها الحمها تانى وهل اللحام هيبقى عند حداد ولا سمكرى ؟ والتكلفة ؟

دى صورة قريبة من المصفحه للى مش عارفها

**nesr6060** · 02-01-2014 12:12 PM

انا كان عندى زيها بس نفس خامه الكارتيره مش معدن ووقعت منى وشلتها فى الشنطه

على فكره العربيه مش واطيه للدرجه اللى بتتكلم فيها يمكن انت عربيتك اللى واطيه يمكن اللى اتشريتها منه هو اللى مسقطها

**elnakshabandy** · 02-01-2014 01:33 PM

لروح عند اى سمكرى هيسبتها بكلبسات ومتشلهاش

**mohammad isdf** · 02-01-2014 02:08 PM

المشاركة الأصلية كتبت بواسطة elnakshabandy

لروح عند اى سمكرى هيسبتها بكلبسات ومتشلهاش

تمااام متشكر جدا لاهتماااامك

**nesr6060** · 02-01-2014 02:11 PM

المشاركة الأصلية كتبت بواسطة mohammad isdf

طب مش خايف من البلاعات اللى بتبقى فى نص الطريقة او اى حجر عالى انا بخبط فى اى حاجه مع انى عندى كوتش 14*60*185

لا العربيه الحمد الله عاليه من قدام المشكله الوحيده وانت بتجرى فى ميه الحساسات بتتبل ميه

**Karim Ibiza** · 02-01-2014 05:35 PM

عربيتك شكلها اوطى من العادى لأن انا مكنش عندى المصفحة وكان الموضوع عادى

المصفحة الفيبر ملهاش علاقة بالحماية من البلاعات او الاحجار اللى فى نص الطريق لأنها فى الاول وفى الاخر بلاستيك سهل يتكسر

لكن الهدف منها الحماية من الطينة والاتربة والمياه

طبعا لو ركبتها تانى يكون افضل