من فضلكم افيدوني جديد ولا مستعمل

**Mostafa Fahmy** · 03-01-2014 01:46 AM

انا رأيى مع رأى الناس اللى اقترحوا الفلوانس الرينو ماركه محترمه جدا والفرنساوى حلو مفيش كلام
وفعلا ابعد عن الكورى لو قادر تجيب فرنساوى او المانى والكيا عيوب عفشتها كتير والله اعلم
انت بس اعملك سيرش محترم على اسعار العربيات اللى فى حدود المبلغ اللى معاك و شوف اهتماماتك فى العربيات ايه يعنى عايزها هايلاين ولا عادى عايز فيها كماليات ايه عايز وسائل امان فيها ايه عايز الشكل يبقى عامل ازاى....الخ

وتوكل على الله وموضوع الخبط ده قضاء وقدر وفى علم الغيب الله اعلم ممكن تبقى سواق زى مابيقولوا فورتيكه ولاقدر الله تخبط خبطه تزعلك دى حاجه بتاعة ربنا بس نصيحه خلى بالك من العين وربنا يحميها ويحميك من العين وشر الحاسدين والحاقدين

**دعبدالرحيم** · 03-01-2014 03:07 AM

خليك في اللانسر اوتو 1600 بالسعر ده

**kokowasfy** · 03-01-2014 12:15 PM

ابعد عن المستعمل خاالص خليك فى الزيرو مسالتش نفسك عربية موديل 2012 ماشية 10 الف كيلو يعنى زيرو صحبها بيبعها لية ؟

**wedagad** · 04-01-2014 12:28 AM

المشاركة الأصلية كتبت بواسطة sasatony

انت خايف تجيب جديد لتتخبط منك طيب ماهو انت برده ممكن تجيب السيراتو الي قدامك دي وحالتها نضيفة زي مابتقول وتتخبط منك دي حاجة بتاعة ربنا ونصيب
انا وجهة نظري تجيب جديد علي طول احسن يعني

انا عارف ان كل شئ بيد الله انا اقصد اني بقالي كتير راكب فان فبالنسبه لتقدير الابعاد والكلام ده هيكون عادي ولا ايه

**wedagad** · 04-01-2014 12:32 AM

شاكر جدا الاهتمام وهذه الاراء الجميله

**wedagad** · 04-01-2014 12:35 AM

المشاركة الأصلية كتبت بواسطة kokowasfy

ابعد عن المستعمل خاالص خليك فى الزيرو مسالتش نفسك عربية موديل 2012 ماشية 10 الف كيلو يعنى زيرو صحبها بيبعها لية ؟

هو مرشد سياحي وعنده عربيته وعربية مراته ولما الدنيا زنقت فكر يبيع السيراتو

**wedagad** · 04-01-2014 12:42 AM

انا مع حضرتك بس اعادة بيعها بطئ وقطع غيارها غاليه

**wedagad** · 04-01-2014 12:47 AM

فعلا دي حقيقه

**wedagad** · 04-01-2014 12:52 AM

المشاركة الأصلية كتبت بواسطة saddam

صديقي المواطن
قولا واحدا يبدولي حضرتك طول عمرك شقيان وتعبان وبتحط القرش على القرش فقولا واحدا أرجوك صار حقك أن تستمتع بجهدك وتعبك
والشاعر بيقول
إذا غامرت في شرف مروم
فلا تقنع بما دون النجوم

والمثل الشعبي الفاشل بيقللك
إن عشقت إعشق قمر
وإن سرقت إسرق جمل

فبعد 15 سنة خدمة وشقا
وقبلهم 14 سنة في ثانوي
وقبلهم سنتين في الجيش
فإنت كده فنيت عمرك عالفاضي ومحدش يستاهل ولا حد حيشكرك فدلع نفسك وهات زيرو
ﻷنه مش معقولة 15 سنة شقة وحرمان وتصوم تصوم وتفطر على بصلة
سيراتو إيه ال 2012 الشكل القديم رايح تجيبها

قولا واحدا بكرة تنزل تحجز فلوانس فخيمة عشان ترفع مستواك وسط منطقتك وأهلك وناسك وولادك ومراتك يتمنظروا عالمواطنين بعد ما دمرتهم بالفان 15 سنة وكمان وسط إخواتك حيقولوا خلاص عدى ﻷنه شقى وتعب بالحلال وصبر ونال وعربية الفلوانس حتريحك وحتخليك مبسوط بنفسك وإنجازك وإوعه تستخسر في نفسك حاجة اللي راكبها مش أحسن منك ومتفضلش طول عمرك خايف تبص لفوق خلي عندك طموح
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال