في رأيك .. هو ده مش من حق الراجل ولا ايه !!

**Ahmed.Essam** · 03-01-2014 06:09 PM

المشاركة الأصلية كتبت بواسطة secret-man

ده موضوع شاااائك جدا لكل الشباب وللاسف للاسف محدش بيقدر يحكم الامر انه يقول هسال عليها وهجيب أرارها وهعرف عنها كل حاجه انسى

انا شايف ان الموضوع ده مش شطاره من الراجل اد ماهو توفيق من الله عز وجل لان الله هو اعلم بالنوايا وليش الناس

اما بالنسبه لسوالك فده حقك لان ربنا قال كده مش احنا " وكاتبوهم إن علمتم فيهم خيرا " والايه هنا شرطيه فلازم تسال ربنا مقلكش اتجوزها وخلاص

متنساش ان ديه هتربى عيالك وهتعيش حياتها معاك الموضوع مش مجازفه

ولكن فى الاخر قبل كل شيىء تدعو الله ان يسخر لك من عباده من ينير طريقك ويبصرك للخير

اللهم ارزقنا وشباب المسلمين زوجات صالحات يارب العالمين

طبعا مش شطارة من الراجل ده اكيد وفعلا هو توفيق من الله
" الطيبون للطيبات والخبيثون للخبيثات "
بس زي ما قولت في الاول بقينا نشوف تصرفات من بنات صغيرين لسه بتخليني اسأل نفسي انا وكل اللي زيي هو الواحد هيتجوز ازاي
ربنا يرزقنا بالخير وبالذرية الصالحة امين يارب

**medo_2060** · 03-01-2014 10:14 PM

رأيى الشخصى لازم طبعا تسأل قبل ما ترتبط..
دا جواز وانسانه هتشاركك حياتك وخلى بالك الى فيه طبع نادر جدا يقدر يغيره
يعنى لو واحده بتكذب او بتغش من قبلك معاك هتعمل نفس الكلام..
وبالنسبه للرأى الى بيقول متسألش لو حبت قبل كدا غيرك انا شايف غير كدا... زى ما وارد انها خاضت تجربه مراهقه بسيطه وخلصت للابد دى تعدى لكن كتير دلوقتى تلاقى واحده بتحب واحد واهلها غير موافقين عليه تقوم تتخطب خطوبه والسلام عشان مفيش امل مع الى عايزاه ومش هتعنس وتبقى بقلبها مع الاول... لو فى راجل يقبل كدا ساعتها ممكن ما يسألش.

**foxhonda2008** · 03-01-2014 10:30 PM

رأي المتواضع
لو البنت كانت ليها ماضي و عايز تعرفه ده من حق اي حد
لكن في ربنا الذي يستر على العبد و لا يفضحوا
و لا تسألوا عن شئ ان تبدو لكم تسؤكم

**Ahmed.Essam** · 04-01-2014 02:24 AM

المشاركة الأصلية كتبت بواسطة medo_2060

رأيى الشخصى لازم طبعا تسأل قبل ما ترتبط..
دا جواز وانسانه هتشاركك حياتك وخلى بالك الى فيه طبع نادر جدا يقدر يغيره
يعنى لو واحده بتكذب او بتغش من قبلك معاك هتعمل نفس الكلام..
وبالنسبه للرأى الى بيقول متسألش لو حبت قبل كدا غيرك انا شايف غير كدا... زى ما وارد انها خاضت تجربه مراهقه بسيطه وخلصت للابد دى تعدى لكن كتير دلوقتى تلاقى واحده بتحب واحد واهلها غير موافقين عليه تقوم تتخطب خطوبه والسلام عشان مفيش امل مع الى عايزاه ومش هتعنس وتبقى بقلبها مع الاول... لو فى راجل يقبل كدا ساعتها ممكن ما يسألش.

ده اللي كنت عاوز اقوله وانت وصلته الخوف دلوقتي فعلا ان الواحد يبقى في الموقف ده انه خاطب او متجوز واحدة قبلت بيه لمجرد انها عاوزة تتجوز ومتبقاش عانس

**Ahmed.Essam** · 04-01-2014 02:26 AM

المشاركة الأصلية كتبت بواسطة foxhonda2008

رأي المتواضع
لو البنت كانت ليها ماضي و عايز تعرفه ده من حق اي حد
لكن في ربنا الذي يستر على العبد و لا يفضحوا
و لا تسألوا عن شئ ان تبدو لكم تسؤكم

انا ما اقصدش ان الراجل عاوز يعرف ماضيها عشان يفضحها بس في راجل من شروطه للجواز ان الانسانه اللي هيتجوزها يكون عارف كل حاجة عنها فساعتها من حقه يسأل ويعرف وهي عليها انها تكون صادقة وتقول الحق بمنتهى الامانة خصوصا انه سألها وهو عليه الاختيار وممكن يحترم أمانتها وصدقها ويقدر ده ويكمل ويبقوا اسعد اتنين بس الصدق والصراحة في الحاجات دي بالذات وفي البداية مهم جدا

**د.محمود صلاح** · 04-01-2014 02:36 AM

للاسف فترة الخطوبة كلها تمثيل واظهار خلاف واقع الشخصية .. الطباع الحقيقية تظهر بعد الجواز

**Ahmed.Essam** · 04-01-2014 03:13 AM

المشاركة الأصلية كتبت بواسطة د.محمود صلاح

للاسف فترة الخطوبة كلها تمثيل واظهار خلاف واقع الشخصية .. الطباع الحقيقية تظهر بعد الجواز

مش دايما تبقى تمثيل مش كل الناس كده
بس الاكيد ان فترة الخطوبة التعامل بيكون احسن والحرص على الظهور بشكل احسن دايما سواء في طريقة الكلام او المظهر العام اكتر من اي فترة تانية بس انا شايف ان الصراحة في العلاقة بين واحد وخطيبته حاجة اساسية من غيرها الموضوع لازم هيفضل ان أجلا او عاجلا

**Ahmed.Essam** · 04-01-2014 03:13 AM

المشاركة الأصلية كتبت بواسطة xander2010_evo

والله أنا شايف الموضوع عادي .. لازم أعرف طبعآ لو حد إتقدملها قبل كده ولو رفضته رفضته ليه .. وإيه مواصفاتها في شريك حياتها .. وأكيد طبعآ لو كان ليا أي موضوع سابق لازم أحكيه ليها .. لأني بحب الصراحة لأنها أقصر الطرق للقلب .. ولازم الصراحة دي تكون متبادلة .. ولازم بردو أتأكد من الكلام ده "فالبداية" من طرف خارجي بدون أي إحراج ليها طبعآ أو إن حد يعرفها عشان أعرف أبني ثقة معاها لأن ده جواز مش هزار

متفق مع حضرتك جدا