الموضوع: اللوجان لو كانت داتشيا مش رينو كنت حتشتريها

المشاركة الأصلية كتبت بواسطة george yousef

و فرنسا شوفتها بأسم داتشيا

يعنى داتشيا مش شتومة ولا حاجة أصل زمان لما كان واحد بيسأل واحد عندك عربية أيه يقوله داتشيا يرد التانى و يقوله وده جاللك ازاى يعنى قعدت جنب حد أتعديت منه مثلا يعنى و ألا أيه و يروح مطلع خمسة جنيه ويدوهم له و الله العظيم حصلت أدامى بس طبعا مش بنفس الطريقة دى يعنى أنا كان في واحد صاحبى معاه بى أم دبليو العربية الوحشة دى عارفينها كلكوا طبعا وواحد صاحبنا شاف الداتشيا نوفا و كانت لسه نازله وقرر انه يجيبها صاحبنا بتاع البى أم دبليو أتريق عليه تريقة السنين لدرجة انى يومها كنت حأموت من الضحك و صاحبنا بتاع الداتشيا ما زعلش ولا حاجة وخد الأمور ببساطة لدرجة أنه كان عايز ينزل يشد معاه في طريق مصر أسكندرية الصحراوى طبعا بيهرج بس أحنا صعب علينا صاحبنا بتاع البى أم دبليو
أدى الداتشيا شوفوا بقت عامله ازاى النهارده علشان رينو دخلت معاها شوفوا السكودا اللى كان موتورها ورا في الشنطة و شوفوا من أول الفافوريت و الفيلشيا و الأوكتافيا بقت عاملة أزاى علشان دخلت فولكس فاجن معاها شوفوا سيات كانت عاملة أزاى المهم و الأهم من ده كله شوفوا شركة النصر بقت عاملة أزاى بسم الله ماشاء الله بتشغى تراب و عجبى