اريد شركة لبيع سيارات الجمارك

**body** · 03-01-2014 09:12 PM

السلام عليكم ورحمه الله وبركاته

ممكن اعرف منين اجيب سيارة جمارك من اى شركة بالظبط

**saddam** · 03-01-2014 09:18 PM

صديقي المواطن
بعض التفاصيل عشان أفيدك يعني إيه عربية جمارك يعني عايز عربية زيرو ولا عايز عربية مصادرات جمارك ولا إيه بالظبط إشرحلي بالتفصيل الممل وأنا أديك الروشتة والعلاج الشافي بإذن الله
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**body** · 03-01-2014 09:21 PM

اريد سيارة جديدة جمارك لان سمعت ان بتفضل 5 سنوات باسم الشركة وبعد كدة بتسقط جماركها وبرخصها ملاكى عادى وبتكون باسمى

**speranz** · 03-01-2014 10:13 PM

بما انك دخلت الموضوع يا استاذ صدام
ممكن تفيدنا كمان بتاجر بيستورد مستعمل كاملة مش قطع غيار
الواحد عايز يشوف عربية استيراد اكيد حالتها هتكون احسن بدل المستعمل هنا متبهدل
ومش لاقى غير المعاقين للاسف

**saddam** · 03-01-2014 10:17 PM

المشاركة الأصلية كتبت بواسطة body

اريد سيارة جديدة جمارك لان سمعت ان بتفضل 5 سنوات باسم الشركة وبعد كدة بتسقط جماركها وبرخصها ملاكى عادى وبتكون باسمى

صديقي المواطن
لا يوجد هكذا نظام
ولكن.هناك عربيات مستعملة أحيانا تكون بنصف ثمنها من مبيعات الجمارك ولكن في العربيات الفخمة فقط
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

**elgohary10** · 03-01-2014 10:30 PM

الاستثناء الوحيد لدخول السيارات لمصر بخلاف ان السياره تكون موديل العام او ان تكون انت المالك الاول لها فى سنه الصنع فى الخارج وجايبها معاك وانت نازل الاستثناء الوحيد بخلاف ذلك هى سيارات المعاقين

**horas3000** · 03-01-2014 10:34 PM

حضرتك قصدك سياحه
و دي لازم حضرتك تكون علي صله وثيقه باصحاب الشركه
لان خلال الخمس سنين ليس لديك اي دليل ملكيه للسياره

**body** · 08-01-2014 09:11 PM

مافيش حد يفدنا ياشباب نايل موتورز

**saddam** · 09-01-2014 02:48 AM

المشاركة الأصلية كتبت بواسطة body

اخى الكريم بتكون موجودة فين هذة السيارات انا اقصد السيارات الفخمة وهل موديلاتها بتكون كام حديث ولا قديم

صديقي المواطن
بتكون معظمها عربيات فخمة ووفيها قديمة وفيها آخر موديل ودي تبع مزادات الجمارك زي جمارك مطار القاهرة. وجمارك إسكندرية والسلوم وبورسعيد والمخابرات والرئاسة وأفضلهم المطار والرئاسة وعشان متتعبش نفسك ﻷني بشتري منهم فأفضلهم الرئاسة والمطار ومتتعبش نفسك أي عربية بياعة في مصر زي كورولا وأوبترا ولا نسر واﻷفلام التعبانة دي حتلاقيها أغلى من السوق بس عربيات الناس المتقلات الشبحات والجمسي وال لينكولن والفورد والعربيات الخرافية حتلاقيها بنص ثمنها تقريبا وخد بالك مزاد المطار مرة كل أربع شهور تقريبا وفيه مزاد خلال شهر حسب ظني فإستعد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال