رينو ميجان 2008 هاتشباك للبيع بالاسكندرية

**osamaos20022** · 05-01-2014 11:26 PM

يا جماعه الموضوع سهل اللي عاوز ميجان من اللي 65 يروح يشتريها من السوق والراجل يبيع عربيته بالسعر اللي هو عاوزه
عن نفسي معاي واحده 2006 ومعروض علي 85 وانا مش هبيع

**M.Radwan** · 06-01-2014 09:09 AM

السعر ممكن يقل لغاية 88 مثلا، إنما أقل من كده خليها معاك أحسن مش هتلاقي عربية زيها في السعر ده أصلا وهتندم انك بعتها.

**SoFiMaN** · 06-01-2014 10:21 AM

الشكر الجزيل لكل من رد بالموضوع و تعب نفسه و حاول يفهم الناس اللي ملهاش في اسعار الميجان النظيف.
و عموما اكيد اللي شايف انه عايزها و جاد ممكن نتكلم في السعر بس بحدوده المعقولة زي ما اكثر من زميل هنا قال.

**mostafa magdy** · 06-01-2014 03:42 PM

ربنا يوفقك في البيع .. العربيه جميله و تستاهل بجد

**mostafa magdy** · 06-01-2014 04:10 PM

بسم الله
الزميل العزيز اللي بيقول السعر كبير و تستاهل نص تمنها
مع أحترامي ليك نص تمنها اللي هو 46 ألف ده يساوي الوقتي تمن الخنفسه المعفنه مع أحترامي للي راكبها أسبرانزا a113 عامله فوق ال 90 ألف كيلو !!!!!!!!!!
حرام والله .. أتمني كامل التوفيق لصاحب الموضوع و اللي واخد العربيه دي بجد كسبان ..
أتمني منفضلش نرخص تمن العربيات المحترمه للحد ده ..
أتمني الناس تفهم .. عربيه زي الأسبرانزا و الجيلي و الحاجات العجيبه دي لما تاخد صيت في مصر و توصل للأرقام اللي انا شايف اقل ما يقال ضعف تمنها الأصلي و الناس بتتكالب عليها معرفش ليه .. تبقي وصمه عار في حق سائقي السيارات في مصر ..
مجرد وجهه نظر شخصيه لو معجبكش رأيي أعتبر نفسك مقريتوش ..

**M!SHO** · 07-01-2014 09:40 AM

النهائي ممكن يكون كام ولو أمكن تبعتلي صور ليها ؟

**وائل مختار** · 07-01-2014 04:04 PM

سوق الجمعه ايه يا جدع اللى كله تجار بتلم العربيات التعبانه وتلصمها وبعد كده تلبسها لاى حد غلبان تتعبه طول ماهى معاه اللى عاوز يشترى عربيه محترمه يخدها من صاحبها اللى راكبها لان العربيه لو تاجر ركبها يوم واحد بس يبقى انتهت

**Shiref_mohamed** · 08-01-2014 11:50 AM

مع كامل احترامي للناس الى بتقول سوق الجمعة ... انا ساكن قريب من السوق و نزلت قريب اشوف ايه الأخبار عشان برضه هغير عربيتي .
سوق الجمعة ده عبارة عن صندوق زبالة والعربيات الى فيه اقل ما يقال عليها انها كنب وحرام يتقال عليها عربيات اصلاً والناس الي بتفهم وحطو تحت بتفهم ديه مليون خط عمرهم ما بيشترو من المزبلة ديه
وبرضه العربيات النضيفة بتتخطف خطف مش هتستني تنزل السوق عشان تتباع

لصاحب الموضوع السعر كويس جداً ومتفرطش فيها بسعر قليل وحاول تشوف حد تعرفة احسن ياخدها منك وتبقى اديته هدية