انطباعى الاول عن بي واي دي 2014 f3 a.t

**mohhassan** · 04-01-2014 07:38 PM

الف مبروك وربنا يبارك فيها ويكفيك شرها
كلمنا عن السحب واحوالها اية في الطرق الغير ممهدة وعن استهلاك البنزين

**morabet8** · 04-01-2014 07:41 PM

ربنا يبارك فيكو رحت التوكيل النهاردة عشان تخبيط العفشة والتزييق الحمد لله اتظبطو بس طبعا طلعو عينى فى التوكيل وقالولى كاوتش الميزان محتاج يتغير بس مكانش موجود وقالولى كلمنا الاسبوع الجاى ياريت حد يقولي ايه كاوتش الميزان ده وبيعمل ايه ولو استنيت لصيانة 5000 فيها مشكلة

**morabet8** · 04-01-2014 08:01 PM

بالنسبة للسحب ما شاء الله ممتاز والعفشة محترمة اما استهلاك البنزين عالي شوية حسبته اول مرة عمل 10 ل 11 لتر فى 100 كم بس سمعت انه بيتظبط بعد كده

**mohhassan** · 04-01-2014 08:21 PM

حضرتك رحت توكيل ايه ؟ القطامية ام غيره وكل الناس بيشتكوا منه بس لو شغلهم حلو مش مشكلة نستحمل ونصبر عليهم لحد ما ربنا يهديهم ويعرفو يعاملو الناس كويس
واستهلاك حضرتك في البنزين هل داخل البلد ام الطرق المفتوحة ؟

**morabet8** · 04-01-2014 08:42 PM

انا روحت توكيل القطامية مشكلته تحس ان مفيش نظام والدنيا هرجلة يعنى عربيتي دخلت المركز واشتغلو فيها شويه وبعدين نسيوها وفضلت واقفة كتير وبعدين كلمتهم بداو يشتغلو فيها تانى وهكذا وكنت هناك الساعة 10 وخلصت الساعة 5 مع ان المشكلة تعتبر بسيطة هتاخد من نصف الى ساعة شغل وكل شويه تلاقى واحد ركب العربية ومشي بيها ورجع ويسيبها ويجي غيره نفس الكلام المشكلة ادارية فى المقام الاول بس الحمد لله فى الاخر العربية اتعملت اما البنزين فده فى الطريق المفتوح لان تقريبا بمشي دائرى غالبا.