الموضوع: سوزوكي sx4 سيدان

اه انا شفت التقييم دلوقتى بصراحة انا مااخدتش بالى منه قبل كده لانى اصلا اسقطتها من حساباتى من ساعة ماشوفتها فى المعرض وعموما باقى التقييم اهو مش معقولة ناخد الحلو ونسيب الوحش

تنتقل كيا سيراتو تيبترونيك من حالة التوقف إلى سرعة 100 كم/سا في غضون 13 ثا، وهذا لا يعتبر رقماً جيداً، ولكنه ضمن حدود المقبول، أما سرعتها القصوى فتبلغ 173 كم/سا، ويعتبر أداء المحرك أكثر من جيد وكافي لهذه السيارة, على الرغم من إعطاءه لكامل عزم دورانه على سرعة دوران مرتفعة.
لكن سعي كيا وراء تأمين ركوب مريح للسيارة ساهم في جعل السيارة ناعمة على الطريق أكثر من اللازم، حيث لا تبدو السيراتو ثابتة جداً عند المنعطفات بعكس معظم السيارات الأوربية التي تتميز فعلاً بتعيير أنظمة تعليقها.

وطبعا الكلام لما يبقى فى التفاصيل اللى بتبقى مهمة عن العربية بيكون واقعى اكتر من نقطة الشكل لانها فى الاخر دى اذواق واللى كتب التقييم ده شايف ان SX4 شكلها وحش مع انه قال ان بيجو 207 وحشة وطبعا ده كلام فارغ
لكن الكلام عن تقنيات فى العربية هو اللى مهم وهو هنا واضح ان العربية السيراتو الRPM بتاعها بيعلى عشان الموتور يقدر يولد عزم كافى وده حاجة طبعا تقصر من عمره وكمان ثباتها اللى فيه ناس هنا يتتحاكى عنه مش قد كده واظن النقطتين دول اهم من الشكل بكتير
عموما ده راى الموقع اللى حضرتك بتستشهد بيه وعموما لك كل احترامى وكل سنة وحضرتك طيب

الحقيقة العربية الـsx4 دي من الجنب فيها حاجة غلط بس مش عارف أطلعها

بش وشها جميل

تقريبا المشكلة في الحتة اللي بين الباب الأمامي و الرفرف اللي المراية متأخرة فيها لورا شوية

ولا ايه رأيكم ؟

المشاركة الأصلية كتبت بواسطة ahmed_su

وحضرتك طيبة

الحقيقة انا ما بستشهدش بالموقع اوخلافه انما انا وضعته ردا على كلامك مش اكتر

اقتباس:
أرسل أصلا بواسطة haneena
ومتهايالى لو الموقع ده اتكلم عن السيراتو وهو طبعا مااتكلمش عنها كان هايقول فى شكلها قصيدة ذم من الدرجة الاولى

وبعدين انا ماخترتش حلو ولا سبت وحش ده مجرد مقتطف من الموضوع علشان الموضوع مايخدش منحنى تانى ويتشعب عن الموضوع الاصلى

معلش برده المفروض كنت تجيب التقييم كله زى ماجيبته للSX4 وعموما الشكل فى النهاية اذواق وكل واحد حر فى ذوقه وشكرا

المشاركة الأصلية كتبت بواسطة hazem_khidr

يا حنينا انت مكبره الموضوع اووووي:)
السيراتو حلوه ما قولتش جميله الجميلات لكن برضه مش بالبشاعه دي.
يعني مثلا الياريس فيه ناس كتير مش طايقه شكلها
لكن انا من قبل ما اشتريها و انا بعشق كل سنتي فيها
ف انا مش بحجر علي رايك انت ممكن تكوني مش حابه العربيه او بتكرهيها
لكن مش معني كده انها شكلها بشع.
طب ايه رايك بقي اني كنت بفكر ابيع السويفت و اجيب ريو او سيراتو:)

حضرتك معاك حق انا مش بحب شكلها خالص بس كده مش اكتر ومش اقل
وعلى فكرة اليارس جميلة والسويفت امورة وبس