الموضوع: صوت نزييقه -- هاتجنن

السلام عليكم
اولا: حاول تخلى حد يسوق العربيه و انت تقعد ورا فى الكنبه عشان تعرف تحدد مكان الصوت كويس .
ثانيا : تروج تغسل العربيه غسله كويسه جدا جدا جوا و برا و من تحت . و تنضف جميع كوتشات الابواب و فتحه السقف و كوتش الازاز .بالهوا المضغوط الاول .و بعد كده بفوطه نضيفه مبلوله ميه سخنه .طبعا الكلام ده بعد ما تكون نضفت العربيه كويس جدا الاول .
ثالثا : تنشف الكوتشات بفوطه نضيفه نشفه كويس .و بعد كده ترش كوتشات الابواب و الازاز .1- بودرة تلج .هتحل المشكله كام شهر و هتخلى مفيش صوت و كمان الازاز هيفتح و يقفل اسرع و من غير صوت .
او 2- سيليكون سبراى . هتحل المشكله لمده كام اسبوع و مش هتعمل حاجه فى الازاز .
رابعا :
1-هتجيب حتة كوتشه صغيره و طريه . و هتحشرها بين الازاز الخلفى و التابلوه الخلفى من الطرف و من ناحية لمبة الاستوب .
2- هتجيب كارت شحن و بعد ما تشحن او اى ورقه و تحشرها ما بين هواية التكييف و بين التابلوه .
3- هتجيب مفك الن كيه و تربط مراية الصالون و تثبتها كويس
4- توكة حزام الامان الدكر اللى فى القايم .هتجيب حاجه زى اللزق بتاع الكوتشى .و تسبت جزء فى القايم بلزق دبل فيس و الجزء الثانى فى توكة الحزام بدبل فيس بردو .لان التوكه بتخبط فى القايم البلاستيك فى الحتت المكسره . تعمل الكلام ده فى القايمين .
5-توكة حزام الامان اللى فى الكونسول النتايه . هتجيب حتة كوتشه تخينه و هترفعها او ترجهع التوكه لورا و تحشر حتة الكوتش دى بين التوكه و الكرسى و بينها و بين الكرسى و الكلام ده هتعمله للكرسيين الاماميين
6- هتفك المسامير اللى رابطه الكراسى فى الشاسيه بتاع العربيه .و هتنضف كويس و بعد كده هترش اى مزيل صدا او wd40 او شحم ابيض و كده .و تربط بعد كده كويس بس متفتريش عشان متقطمش المسامير .(و متقولش محزرتكش)
7- سعات ستاير الكبس بتعمل اصوات رخمه .
8-ترفع العربيه بعد ما تنشف من تحت و تكون نضيفه و ترش شحم ابيض على كوتشات العفشه و الجلب
9- هترش مفصلات الابواب و الشنطه ب wd40 و بعد كده شحم ابيض .بس طبعا تنضف كويس الاول .

الكلام اللى قولتهولك ده من خلال تجارب و قرايه على النت كتييييييييير جدا و تجارب شخصيه .
و الحلول دى من الاخر و لو عملتها و لسه فى صوتة قابلنى و انا اشوفه معاك و نحله سوا .
و الله اعلم