ممكن يكون فى زيت موتور به نسبة بخار ماء ( موجودة اصلا" فى الزيت ) ؟
ولو في ايه اعراضه على الموتور
ممكن يكون فى زيت موتور به نسبة بخار ماء ( موجودة اصلا" فى الزيت ) ؟
ولو في ايه اعراضه على الموتور
المفروض لأ... بس الرطوبة وبخار المية ممكن قوي يكونوا موجودين جوه الموتور نتيجة التشغيل..
لو حضرتك بتستخدم العربية على طول في مشاوير قصيرة.. طبيعي جدا إنك تلاقي بخار مية كتير مع الزيت.. وطبعا ده له تأثير مدمر على أجزاء الموتور الداخلية
يا ريت لو تقولنا تفاصيل أكتر علشان نقدر نفيدك
...
ارجوا الافادة
سيارتى اوبترا 2008 جير عادى عامله حوالى 106000 كم
* من حوالى 15 يوم اخر النهار قبل ما ارجع من الشغل فتحت غطاء الزيت لقيت فيه لون زى لون الطحينة فى الغطاء بس , وشوفت مقاس الزيت لقيته مضبوط وسليم مفهوش لون الطحينة , وسطح المياه فى القربة سليم لا توجد اى اثار للزيت عليه .
وكل يوم الصبح اشيك على مقاس الزيت ولونه ( كله سليم مقاس الزيت لا توجد به زيادة واللون سليم ) , موشر الحرارة اثناء السير لا يرتفع ( فى مكانه المعتاد قبل المنتصف ) , وسطح المياه فى القربة سليم لا توجد اى اثار للزيت عليه .
لاحظت من فترة ان المياه فى قربة الردياتير بتنقص كل اسبوع حوالى كوباية مياه .
غيرت زيت الموتور, ( كان باقى على غيار الزيت 1000 كم وانا باستعمل زيت
سوبر جى تى 20/50 ) .
اولا بصيت على المياه ف القربة بعد ماصفيت الزيت لقيت المياه ماقلتش
ثانيا" قبل ما اركب طبة الزيت بصيت واتاكدت انه مفيش مياه بتنزل منها
ثالثا" قربة المياه شوفتها ومكنش على وش المياه زيت
وكمان شوفت الزيت اللى نزل من العربية مكنش فيه اى اثر للون الطحينى .
بعد ما غيرت الزيت بيومين الصبح فتحت غطاء زيت الموتور كان نظيف تماما" , وركنت السيارة اليوم كله متحركش بيها و فى الليل رحت بيها مشوار حوالى 3 كيلو , وبعد ماطفيت العربية على طول فتحت غطاء زيت الموتور ولقيت ف الغطاء
لون متكثف على الغطاء زى لون الطحينة, شوفت قربة المياه سطح المياه كان نظيف مفيش اى اثار للزيت , وشوفت مقاس الزيت لقيت الزيت مقاسه مش متغير ولونه مش متغير يعنى سليم . , انا مش عارف ايه السبب هل المياه دخلت على الزيت ام لا ؟ انا احترت . ارجوا الافادة وشكرا"
انا موجود حاليا" فى نجران بالسعودية , والسيارة استعملها داخل المدينة فقط يعنى مشاوير قصيرة 5 الى 10 كم بالكتير , واحيانا" لا استخدم السيارة باليومين وبروح بيها الشغل مرة واحدة ف الاسبوع المشوار 30 كم ذهاب و 30 كم عودة .
ارجوا الافادة
سيارتى اوبترا 2008 جير عادى عامله حوالى 106000 كم
* من حوالى 15 يوم اخر النهار قبل ما ارجع من الشغل فتحت غطاء الزيت لقيت فيه لون زى لون الطحينة فى الغطاء بس , وشوفت مقاس الزيت لقيته مضبوط وسليم مفهوش لون الطحينة , وسطح المياه فى القربة سليم لا توجد اى اثار للزيت عليه .
وكل يوم الصبح اشيك على مقاس الزيت ولونه ( كله سليم مقاس الزيت لا توجد به زيادة واللون سليم ) , موشر الحرارة اثناء السير لا يرتفع ( فى مكانه المعتاد قبل المنتصف ) , وسطح المياه فى القربة سليم لا توجد اى اثار للزيت عليه .
لاحظت من فترة ان المياه فى قربة الردياتير بتنقص كل اسبوع حوالى كوباية مياه .
غيرت زيت الموتور, ( كان باقى على غيار الزيت 1000 كم وانا باستعمل زيت
سوبر جى تى 20/50 ) .
اولا بصيت على المياه ف القربة بعد ماصفيت الزيت لقيت المياه ماقلتش
ثانيا" قبل ما اركب طبة الزيت بصيت واتاكدت انه مفيش مياه بتنزل منها
ثالثا" قربة المياه شوفتها ومكنش على وش المياه زيت
وكمان شوفت الزيت اللى نزل من العربية مكنش فيه اى اثر للون الطحينى .
بعد ما غيرت الزيت بيومين الصبح فتحت غطاء زيت الموتور كان نظيف تماما" , وركنت السيارة اليوم كله متحركش بيها و فى الليل رحت بيها مشوار حوالى 3 كيلو , وبعد ماطفيت العربية على طول فتحت غطاء زيت الموتور ولقيت ف الغطاء
لون متكثف على الغطاء زى لون الطحينة, شوفت قربة المياه سطح المياه كان نظيف مفيش اى اثار للزيت , وشوفت مقاس الزيت لقيت الزيت مقاسه مش متغير ولونه مش متغير يعنى سليم . , انا مش عارف ايه السبب هل المياه دخلت على الزيت ام لا ؟ انا احترت . ارجوا الافادة وشكرا"
انا موجود حاليا" فى نجران بالسعودية , والسيارة استعملها داخل المدينة فقط يعنى مشاوير قصيرة 5 الى 10 كم بالكتير , واحيانا" لا استخدم السيارة باليومين وبروح بيها الشغل مرة واحدة ف الاسبوع المشوار 30 كم ذهاب و 30 كم عودة .
اللي أتوقعه إن ده تكثيف ميه بيحصل نتيجة استخدام العربية لمسافات قصيرة بسبب إن الموتور بيشتغل ولسه خلوصاته ما أخدتش وضعها الصحيح لإنه لسه بارد...
أو بمعنى أصح.. لسه ما سخنش كفاية... وبالتالي ممكن جزء من العادم يدخل إلى الكارتير ويكثف ميه هناك..
لو العربية اشتغلت لمسافات طويلة نسبيا .. الموتور بيكون سخن كله وبخار المية المتكثف يتبخر تاني ويخرج من فتحة النفس (pcv) ... فما يفضلش عندك بخار جوه الموتور
حاول تستخدم العربية لمسافات أطول شوية... وما تخليش كل مشاويرك الصغيرة بيها.. بالذات في الشتا.
وابقى قولنا إيه اللي حصل معاك.
شكرا"" جزيلا" لحضرتك على الاهتمام
هل معنى كلام حضرتك انه مفيش مشكلة فى جوان وش السلندر ؟ .
مبدئيا" :- يوم الجمعة الماضى مشيت مشوار حوالى 30 كم وتانى يوم الصبح شيكت على الغطاء بتاع الزيت لقيته سليم ( خالى من لون الطحينة ) , ووامبارح مشيت مشوار 7 كم ( قبل المغرب )وفتحت على طول غطاء الزيت لم اجد اللون الطحينى فى الغطاء وبالليل برده مشيت حوالى 12 كم وفى الصبح النهارده فتحت غطاء الزيت لقيته سليم .
ماهى فتحة النفس ( pvc ) هل هى الشكمان ؟
الـPCV اختصار لجملة Positive Crankcase Ventilation يعني: التهوئة الموجبة للبلوك.
فتحة الـPCV أو فتحة "النَفَس".. هي فتحة موجودة غالبا في غطا التاكيهات من فوق عشان تطلع الضغط الزيادة اللي ممكن يكون موجود جوه البلوك، وغالبا عليها محبس بسيط عشان يفتح بس لما الضغط يزيد.
الطبيعي إن الاحتراق داخل السلندر بينتج عنه غازات (العادم).. والطبيعي كمان إن إحكام قفل السلندر بالشنابر مش بيكون 100%... بمعنى إن طبيعي جدا نلاقي جزء من الغازات دي بيهرب من الشنابر ويدخل جوه البلوك.. بس الفكرة كلها إن نسبته بتبقى قليلة جدا بالذات لما الموتور يكون سخن.
بص على الصورة دي... دي صورة للموتور بتبين ازاي الغازات بتمشي من جوه السلندر وتدخل البلوك وبعدين تطلع من فتحة النفس وترجع تدخل تاني مع خليط البنزين مع الهوا.
http://z.about.com/d/autorepair/1/0/M/G/41758109.gif
العادم بطبيعته إنه ناتج احتراق.. يعني عبارة عن ثاني أكسيد الكربون + بخار مية... وبخار المية بيتكثف على الأسطح الباردة... وحضرتك بطريقة استخدامك مش بتخلي فرصة للموتور يسخن، وبالتالي البخار بيدخل بسهولة وما يطلعش.
ما تقلقش... ما عندكش مشكلة في وش السلندر ولا حاجة... كل الموضوع إنك تزود استخدامك للعربية أكتر شوية.. وحاول تكون مشاويرك طويلة كل ما تقدر.
...
فعلا... المشكلة دي موجودة في أي عربية مشاويرها قصيرة وما بتلحقش تسخن كويس... علشان كده يفضل إنك تغير الزيت على فترات أسرع ، والوضع ده بيعتبروه من ضمن "ظروف الاستخدام الشاق" اللي بتلاقيها مكتوبة في الكتالوج.
لو عايز معلومات أكتر ممكن ترجع للموضوع ده
http://www.nilemotors.net/Nile/341680-a.html