الموضوع: استفسار مهم عن نور الفوجات لل f3 اتوماتيك2014

عايز اركب فوجات بس اركبلهم مفتاح نور الى فى الذراع يا ترى فى مفتاح نور وفى نفس الوقت هايشغل الضوء الاتوماتيك فى التوكيل الله يباركلهم الفوجات ب 450 جنية وعايزين يلغوا مفتاح الزجاج الحرارى الخلفى ويركبوة مكمانة طبعا رفضت عايز اركبة بس على مفتاح النور او على الاقل اركبة بمفتاح لوحدة

انا قريت الموضوع دة بس الى عرفتة ان الذراع الى بيجى دة للعربيات المانيوال مش للاتوماتيك عشان فيها لفة زيادة بتاعة حساس الاضاءة او الاضاءة الاتوماتيك فى الظلام فهمتنى حضرتك انا بسأل فى ذراع الاتوماتيك ولا اية الحل البديل بس يكون من غير تحويل اى مفتاح لتشغيلة

المشاركة الأصلية كتبت بواسطة ابوجنى2112

يا أستاذنا الفاضل المفتاح اللى بييجى هو.. هو المفتاح اللى بيركب على السيارتين
هاتو من عند شخلول اللى فى الزاوية..
أوعادل زكى جرجس اللى فى شارع دمشق
وانت هناك اسألهم هايأكدو لك الكلام دة
وهو عبارة عن بكرة زيادة فى الذراع الجديد..المسئولة عن نور الشبورة الامامى
وتليفوناتهم فى الموضوع المشار الية فى رد السيد المنسق للقسم..
وتقبل مرورى ..وشكرا لك

يا استاذ / ابو جني
حضرتك انا لسه من اسبوع مستلم f3 اوتوماتيك
المفروض انها فيها فوانيس شبورة امامي وخلفي
لما جيت اجربهم في المعرض قالي انت تروح التوكيل علشان يشغلهم لك
اولا للشبورة الامامي الذراع فعلا فيه بكرة بتاعه الشبورة بس منظر فقط يعني مش بتلف ولا بتتحرك
ثانيا للشبورة الخلفي الزرار بتاعهم اللي عند زرار المرايات مش شغال يعني بدوس عليه مش بيتداس
فهل في شي اقدر اعمل انا علشان اشغلهم بدون الرجوع للتوكيل؟
وهل دة عيب صناعه؟
وهل مفروض ادفع فلوس لتشغلهم؟

المشاركة الأصلية كتبت بواسطة MuslimMeskeen

ألف مبروك الاستلام ياباشا.. ربنا يرزقك خيرها ويكفيك شرها.. الواضح من كلامك كدة إن الفوانيس الشبورة الأمامية راكبة ولكن مش شغالة (يعني مش مجرد باغة فضي ساترة تجويف الفانوس).. وبالتالي فالمشكلة إن دراع النور اللي راكب هو الدراع العادي بتاع المانيوال (اللي بكرة الشبورة فيه مبتلفش).. فلو الوضع كدة فعلاً؛ فده معناه إن المعرض بدّل الأصلي بتاعها بالدراع الأقل ده (بتاع المانيوال) وقاللك روح على التوكيل.
وده بيحصل كتير في كل المعارض من استبدال قطع بالسيارة (زي الولاعة، والبطارية، وجنط الاستبن، وبعض الرفايع الأخرى...) سواء مع بي وايد أو غيرها.. والأفضل دايماً اللي بننصح بيه أي حد بيشتري زيرو (خصوصاً بي وايد) إنه يشتري من التوكيل على طول أفضل، ويراجع على كل صغيرة وكبيرة قبل ما يخرج جنيه من جيبه.. لكن عموماً بالنسبة لك الموضوع بسيط وكبيره إنك هتغير دراع النور بس أو تطالب بيه المعرض.
ولأي حد بيشتري زيرو بعد كدة: إعرف كويس المفروض تستلم إيه، ومتقبلش بكلمة "هتبقى تتصلح في صيانة الألف" من كائناً من كان.. هدفع الفلوس كاملة يبقى أستلم عربية كاملة.

الله ينور عليك ....كلام عشرة على عشرة ...بس استفسار حضرتك بتقول خصوصا bydبيلعبوا فيها اشمعنى العربيه دى بالذات المعارض بتلعب فيها؟

والله اعلم محتاج ذراع تانى مخصص للشبورة وهو نفس الشكل تقريبا بس متخيل انه فيه بكرة تلفها لانارة الشبورة والخلفية طبعا موجود ليها زرار علي الشمال جنب زر ضبط المرايات ،،،
ولكن السعر غالي جدا ولكن اظنه يشمل تغيير ذراع النور والفوانيس واللمبات ،،، والله اعلم