كلام بجد حقيقى:tumb::tumb:
عرض للطباعة
فلووووووووووووونس طبعاااا
انت عامل زيى بالظبط . انا برضه رحت للطارق عشان احجز الشارك وكنت عامل قبلها استخارة. ملقتش الشارك عنده واول ما شفت الفلوانس خطفت قلبى . وعشان كنت تابعت تعليقات الناس هنا عليها ماترددتش وحجزت الفئة الاولى . وكنت محتار بين الموكا والفيرانى الفاتح . بس ميلت اكتر للفيرانى و الطارق قعدوا ياخروا ميعاد التسليم لحد ما زهقت منهم وكنسلت وروحت لسمير ريان خلصوهالى فى نفس اليوم . الف مبروك يا باشا مقدما ومستنيينك فى قسم الرينو. وزى ما قلتلك هاتحس فعلا بالفرق
لو عاوز عربيه اعتماديه ومصاريف تشغيل اقل يبقى الشارك
الناس اللي بتنتقد كلام لأاستاذ صدام
في تفضيله الفلوانس وإعجابه الغير عادي
ياجماعه خدو بالكو من حاجة كل عربية بتناسب سن وفئة معينة من الناس
انا ليا أصدقاء عندهم هيسس ان الأوروبي قطع غيار أغلى
لدرجة فالعربيات الفئة اللي تحت 100.000 يطيرو على الفيرنا ويسيبو اللوجان
ويطيرو على الياباني ويسيبو ألاوروبي
وتفكير الشعب المصري أغلبه لما أجي ابيع هخسر كام
وفنفس الوقت الصيانات وقطع الغيار هدفع كام
بغض النظر عن أي شىء أخر
الركوبة دي أمزجه
هو ليه في ناس كتير بتركيب مرسيدس وبي إم ولا تعترف بالكوري ولا الياباني
انا اعرف واحد عنده إصطبل عربيات مرسيدس وممكن كل يوم يركب عربية فيهم
هي فألاخر عقلية شعب
العقلية دي هي اللي بتعلي الكوري وتوصله لسعر الأوروبي وبتخلي التوكيلات تستغلنا أسوء إستغلال
عن نفسي بميل للفلوانس
وان شاء الله إستلم اليوم
والراجل قال كلمة فمنتهى الجمال مخدتوش بالكو منها
قال لصاحب الموضوع انزل إركب إلاثنين وشوف الفلوانس هتعمل فيك إيه
وده هو اللي حصل معايااااااا
الفلوانس الجديدة عربية انا بقول انها مظلومة انها تبقا في الفئة السعرية دي
ولو التوكيل ماشي على مبدأ الصيت ولا الغنا كانت أول فئة كسرت ال 200 الف جنيه مستريح
شارك طبعا
على فكرة محدش انتقد تفضيل الأستاذ صدام للفلوانس... ده راجل محترم وخبرة + اني انا كمان بحب الفلوانس... كل القصة اني اعترضت على المبالغة الأوفر جدا في ان الفلوانس عظيمة والشارك ذات نفسها هتتكسف تتقارن بيها!!! ده كلام؟؟
لو بتتكلم في اعتمادية وكده يبقى الفلوانس هتتكسف فعلا انها تتحط قدام الشارك... ولو رفعت العربيتين وبصيت على عفشة كل واحدة فيهم برضه مفيش مقارنة... كون قى ان الفلوانس احدث شكلا واكثر كماليات فده شيء جميل وانا اعترف بيه، وانا نفسي كنت هشتري العربية دي لولا ان صالونها معجبنيش (اذواق)...
حضرتك بتقول انه حصل معاك انك مجرد ما ركبت الفلوانس وهمتك وكده... طيب ما انا اول ما ركبتها قفلت منها ومعجبتنيش رغم انبهاري بيها من اول ما نزلت وكنت على طول متابع اخبارها... يعني العكس تماما من اللي حصل معاك... يبقى الموضوع اذواق ومينفعشي اقول ان عربية فيهم في السما والتانية في الأرض لأن ده وهم كبير...
اخيرا... ممكن تقولي سعر الفلوانس كام برة مصر علشان تعدي الـ200 ألف هنا مرتاح زي ما اقترحت؟؟؟ وهل الوكيل طيب قوي كده ومش راضي يغليها؟؟؟ طيب ليه مخلي السيراتو -وهو نفس الوكيل- في حدود الـ200 ألف برضه؟؟؟