والله يا جماعة حاجة بالامكانيات دي بصراحة من رايي فرصة متتعوضش
عرض للطباعة
تمام بس خدت بالك في نفس الموضوع مكتوب ايه :
"ورحنا توكيل العبور ... طبعا فالأول قالولنا مين قالكم اننا بنركب السنسور دة والكلام دة وبعد حوارات قالولنا ماشى بس دى مش القاعدة رحنا للمهندس قالنا نيجى يوم تانى لأننا رحنا متأخر وكان السؤال المهم ... هل لو ركبناه برة الكهربا تطلع من الضمان ؟؟ وكان الجواب هو النفى القاطع إلا لو العيب اللى انت رايح بيه سببه هو القطعة اللى انت ركبتها برة والأهم ان مصاريف التركيب فالتوكيل 500 جنيه ورحنا أرابكوم وابتدينا المشواااااار "
ده غير ان كل توكيل وله نظامه
أنا مش كاتب لك الرد دا مخصوص ليك,, الرد كل مكتوب لكل الناس.!
وعشان كدا بشرح عشان فيه ناس مش بتبقي عارفة أيه وظيفة مثبت السرعة وأيه الفايدة منه وبيشتغل أزاي وبيفيد في أيه تاني غير أنو بيريح رجلك في السواقة,
فا شرح الطريقة مش ليك ممكن متقرهاش لو عارفها قبل كدا, دي للناس الجديدة.
وظروف التشغيل طبعاً بتفرق,
وعشان كدا قلت لك إن تجربتك مكنتش مظبوط عشان كدا طلعت لك قراية غلط,,
مفيش مثبت سرعة في الدنيا بيزود الأستهلاك,, دا بالمنطق ودا اللي موجود في أي عربية بما فيهم ال 301
أي مثبت سرعة بيقلل الأستهلاك لأنه بياخد علي قد ما يمشي العربية بس.
لو عايز تعمل تجربة تانية وتشوف فيها الرقم بيقل لما تشغل المثبت بعد لما تشيل رجلك,
ممكن تجرب المحور وأنت جاي من 6 أكتوبر علي القاهرة,, وخصوصا بعد ما تعدي يافطة فودافون اللي الطريق بيوطي تحتها وبيعلي تاني,,
عشان لو شغلت المثبت وأنت طالع من القاهرة ورايح 6 أكتوبر علي المحور هتلاقي الرقم بيزيد
لأن المحور فيه زواية ميل عالية وأنت رايح علي أكتور,,
أما لو شغلت المثبت وأنت جاي من أكتوبر علي المحور وداخل علي القاهرة وخصوصاً قبل طلعة الدائري هتلاقي الرقم عمال يقل معاك لأن الطريق فيه زاوية ميل لتحت,,
ودي هيا ظروف التشغيل اللي كنت بتكلم عنها.
وأنت في الغالب جربت المثبت علي طريق كان فيه زاوية ميل, صلاح سالم والمحور والدائري كل دي طرق مش مستوية,,\
والرقم هيفضل يزيد قدامك لما الطريق يعلي والعربية تحاول تحفاظ علي السرعة, وهيقل لما الطريق يوطي بيك,
وأكتر طريق أنا فاكرة جوا القاهرة الأسفلت فيه مفهوش زاوية ميل لفوق أو لتحت هوا أمتداد رمسيس,
لو تركب مع صاحبك فيه في مرة بليل أو بدري أوي
وتشغل المثبت أول ما تجمع سرعة شوف الرقم هيوصل كام وأبق عرفني.؟
وهتلاقي إن الرقم بيقل مش بيزيد.
أتمني تكون الفكرة وصلت, ولو العربية معاك وبتجربها علي طول كنت هتعرف أن تجربتك الأولي اللي بتحكي عنها غلط
ومش مقياس عشان تقول إن المثبت بيزود الأستهلاك عشان دا مش منطقي ولا صح.
طب هو لو ليه التوكيل ميرضاش يركبه مهيعرفوش يركبوه مثلا ولا ايه اصل لو ميعرفوش معلش يبقوا مش مهندسين يبقوا بصراحة دبلوم صنايع اما واحد صاحب محل يقولي يتركب عادي وهما لا يبقي ايه واذا كان كده كده ده مش حاجة صعبة ده معمول للبيجو 301 بس يعني اكيد عاملين حساب كل حاجة وعارفين نظام العربية ايه والسيستم بتاعها يعني مش هتبقي مشكلة كبيرة في التركيب ولا حاجة والناس كلها شافت الفيديو بتاعه علي اليوتيوب وهو شغال علي العربية
Same misunderstanding,!
OK Never mind.
براحتك لو مش مقتنع,,
وأبقي قول لصاحبك لو راح يعمل صيانة في صلاح سالم في مرة,
يبقي يدخل نفق الأزهر بعد يا يخلص وينزل وسط البلد,
ويشغل مثبت السرعة وهوا في النفق علي 70 كيلو أو 90 ويشوف الأستهلاك هيكون كام,,
ولو المثبت مدالوش أستهلاك بنزين ما بين 0 إلي 2 لتر لكل 100 كيلو,
يبقي ليك الكلام,,
غير كدا لو المثبت أدالة الأرقام اللي قلت عليها دي,, اللي هيا ما بين 0 و 2 لتر لكل 100 كيلومتر,,
هتعرف إني كنت بشرح لك حاجة وبحاول أوصل لك معلومة صح تصصح لك الغلط اللي عندك في تفكيرك من تجربتك,,
وأنت مش قادر تفهمني.!!
تصبح علي خير. :bye2: