الموضوع: كماليات بيجو 301

المشاركة الأصلية كتبت بواسطة amrelsaqqa

تسلم ياباشا ع السؤال
انا الحمد لله تمام ، وتقريبا خلصت كل حاجة فاضل حاجات تافهة خالص زي ظبط الزوايا واستعدال قواعد الرفرف ...

القطع بتاعت العفشة كتير منها متشابه مع الـ 207 وعلبة الدركسيون برضو موجودة بس انا ما احتجتش اغيرها الحمد لله


بالنسبة لمثبت السرعة انا كنت سمعت واحد بيقول انه على 90 بيستهلك بنزين اكتر من لما تثبت رجلك على 90 ! مش عارف ازاى، ممكن تكون مشكلة فردية او على الاقل مش هتبقى موجودة في المانيوال ، الله اعلم

الحمدلله ان العربية قربت تخلص والزوايا اعملها فى بريدجستون بس يارب تلاقى مقاساتها فى الكومبيوتر عندهم رغم انى اشك فى ده وعشان كده مضطر تعملها فى التوكيل.

انا يا باشا اللى قولت انها كانت بتستهلك اكتر باستخدام مثبت السرعة :)

فى اقرب فرصة ان شاء الله اجربها تانى بعد تغيير البوجيهات وفلتر البنزين.

المشاركة الأصلية كتبت بواسطة amrelsaqqa

فعلا للاسف رحت لبردجستون فت اند فكس اللى في محيي الدين ابو العز وفعلا العربية مقاساتها مش عندهم ..
كدة يبقى ما قداميش غير التوكيل ؟

برضه التوكيل ؟؟
أنا مش قلت لك تروح تظبط زوايا عند بريدجستون علي أرقام ال 207.

عموماً أعمل اللي يريحك يا عمرو.

المشاركة الأصلية كتبت بواسطة amrelsaqqa

بالنسبة لمثبت السرعة انا كنت سمعت واحد بيقول انه على 90 بيستهلك بنزين اكتر من لما تثبت رجلك على 90 ! مش عارف ازاى، ممكن تكون مشكلة فردية او على الاقل مش هتبقى موجودة في المانيوال ، الله اعلم

المشاركة الأصلية كتبت بواسطة damasry

انا يا باشا اللى قولت انها كانت بتستهلك اكتر باستخدام مثبت السرعة :)

فى اقرب فرصة ان شاء الله اجربها تانى بعد تغيير البوجيهات وفلتر البنزين.

القراية دي كانت غلط, ومش مقياس,,
مثبت السرعة في أي عربية بيقلل أستهلاك البنزين مش بيزوده,!

لو أنت علي طريق بزاوية ميل لفوق زي صلاح سالم بيعلي وبيوطي كل شوية هتلاق الرقم عالي معاك,
ونفس الحال لو أنت ماشي علي طريق وفيه هواء جامد جاي في وش العربية ممكن تلاقي الرقم 9 لتر لكل 100 كليو,,

وبعدها بشوي لما يكون الطريق أفضل ومستوي ومفيش زاوية ميل في الأسفلت للأعلي أو للأسفل
هتلاقيها في رينج من 6 ل 8

وساعات لو أنت علي طريق مميل لتحت هتلاقي الأستهلاك أكتر كتير وهيوصل ل 4.5 أو 5 بس.


الكلام دا محتاج ممارسة, ومش مجرد تجربة للمثبت مرة أو أتنين,,
فيه طرق مثبت السرعة بيوفر في الأستهلاك عليها جداً, ساعات بكون ماشي ودوست راجلي العادية بتقرأ 9 لتر في ال100 كيلو, ولما أشغل المثبت تقل وتوصل لحد 7 لتر بس علي نفس السرعة.!!
لأني بكون محمل علي الدواسة وأنا مش واخد بالي,, والمثبت في الحالة دي بياخد اللي الموتور بيحتاجة بس ومش بياخد أي زيادة,

وفيه طرق التانية اللي هيا مش مظبوطة أو بزاوية ميل لفوق وفيها كباري, أو حتي جوا البلد زي صلاح سالم وكدا والطريق بيعلي ويوطي كل شويةو
الطرق دي مينفعش معاها مثبت السرعة.

المثبت عايز طريق مفتوح.