الموضوع: بعت العربية فجاه ! :(

السلام عليكم يا رجالة ..

ربنا كرمنى بشغل فى السعودية من شهر كدة ,, قولت بدل متقعد العربية و تبوظ , قمت عارض العربية زى ماهى بعيوبها ( صوت فى الفتيس - طنابير خلفى و تيل عايزين يتغيرو - عاوزه كمبريسور تكيف ) و فى دماغى انها مش هتتباع لانى كنت طالب فيها مبلغ عالى ( حجة برضو عشان بحبها و اقول انى عملت اللى عليا و خلاص ) مع برضو انها متغير فيها كل حاجة تقريبا و زى الفل .. كلمنى ناس كتير معظمهم تجار و صلو معايا ل 48 و انا رافض

فجاةةةةةةةةةةة .. شفها مهندس بعد العرض بيومين تلاتة .. و قفش فيها ما راضى يسيبها !!! .. كان عايز ياخدها فى نفس اليوم !!! خد فلوسك اهى و سيب المفتاح .. يا عم يهديك يرضيك .. مفيش ..

لحد ما قولتلو بكرة الصبح تكون معاك بالعافية وافق .. المهم اليوم دة كان غم عليا ,, فضلت قاعد معاها الليل كلو - انتو عارفين انها معايا من الزيرو . و خلاص سلمتهالو :((((((((

يلا الحمدلله ربنا يباركلو فيها .. خلصنا على 50000 تمن العربية و كان فيها ساوند سيستيم زود 1500 علية .. يعنى توتال 51500 .. مع انى كنت عايز 54000 .. هى 98 1600 ..

فحبيت اقولكو انى استمتعت جداااااااااا بمعرفتكو و مساعدتكو .. انا حاليا فى جدة و مش عايز اقولكو بقى الاوميجا هنا عاملة ايةةةةةةةةةةةةةةة :)))) ,,, 6 سلندر 3200 ولعة .. بس طبعا قديمة جدااا .. و تمنها 15 - 20 الف ريال ,, تخيلووو !!!

ربنا يعوضك بالاحسن منها يا عمرو ,, وترجعلنا بالسلامه