المواصفات الكاملة لـسبارو xv 2014

**FrozenFire** · 18-01-2014 06:02 PM

المشاركة الأصلية كتبت بواسطة boomboomzoro

العربيه معايا بقالها الحمد لله تقريبا سنتين...لسه عامله 10000 كيلو لأن إستخدامي قليل...بس رأيي فيها كالآتي بمنتهي الحياديه و الأمانه مع العلم أنها الفئه الأولي "بدون مالتي فانكشن و فتحه السقف":
السياره بمجرد ركوبها تعطيك إحساس بالأمان...موتور قوي و ثبات رائع....تكييف هايل.....الكاتينه جنزير و الشاسيه قطعه واحده دون لحامات و الأبواب مدعمه بقضبان فولاذيه " الحارس هو الله" أعلي إرتفاع عن الأرض في فئتها........ إستهلاك للبنزين جيد جدا ----الحمد لله بعد تجربه مريره "في مستوي الإرتفاع عن الأرض" مع البيجو ال 307....
السياره لا تتمتع برفاهيه كماليات الكوري....و أهم أخطر عيوبها هو صغر حجم الشنطه و لكن ذلك يعوضه الراحه التامه للركاب في الكنبه الخلفيه.....
قمت بزياره للتوكيل بعد الألف كيلو....المكان ليس عالي الرفاهيه و لكنه يفي بالغرض و التعامل كان محترم و لائق جدا..
أرجو أن أكون أجبت ولو قليلا عن بعض الإستفسارات و أتمني أن أجد الفرصه لأكتب تقرير عنها بعد عمل الصيانه القادمه إن شاء الله

ممكن سيادتك تعملنا مقارنا سريعة كده بينها وبين السبورتاج من ناحية النعومة والثبات على الطريق لأني بصراحة محتار جدا بينهم وللأسف ماليش أي خبرة أو سابق معرفة بالكروس أوفر نهائي

**S O P H O S** · 20-01-2014 06:04 PM

تسلم عالموضوع يا باشا

**boomboomzoro** · 21-01-2014 03:40 PM

المشاركة الأصلية كتبت بواسطة FrozenFire

ممكن سيادتك تعملنا مقارنا سريعة كده بينها وبين السبورتاج من ناحية النعومة والثبات على الطريق لأني بصراحة محتار جدا بينهم وللأسف ماليش أي خبرة أو سابق معرفة بالكروس أوفر نهائي

عذرا أستاذي Frozen Fire أنا ممكن أجاوب حضرتك عن أي تساؤل خاص بالإكس في.... بس موضوع المقارنه ده مش هعرف أعمله لأني لم أجرب السبورتاج
يا رب حد تاني يكون جرب الإتنين يقدر يفيد

**FrozenFire** · 24-01-2014 07:30 AM

المشاركة الأصلية كتبت بواسطة boomboomzoro

عذرا أستاذي frozen fire أنا ممكن أجاوب حضرتك عن أي تساؤل خاص بالإكس في.... بس موضوع المقارنه ده مش هعرف أعمله لأني لم أجرب السبورتاج
يا رب حد تاني يكون جرب الإتنين يقدر يفيد

بعد إذنن سياتدتك أنا شوفت العربية في أبو غاالي وكان عندي كىم سؤال.

بالنسبة للثبات على السرعات العالية مثﻻ 150 أو 160. إيه أخبارها ياؤيت لو تقارنها بعربيات تانية حتى لو كانت سيدان عشان نقدر نستوعب الفرق.

بالنسبة لضوضاء الطريق على السرعات المختلفة وخصوصا السرعات العالية. هل بتسمع وش جوا العربية وبتسمع ضوضاء الكاوتش؟

هل في مشاكل فنية أو أعطال قابلت سيادتك؟

**boomboomzoro** · 24-01-2014 02:37 PM

المشاركة الأصلية كتبت بواسطة frozenfire

بعد إذنن سياتدتك أنا شوفت العربية في أبو غاالي وكان عندي كىم سؤال.

بالنسبة للثبات على السرعات العالية مثﻻ 150 أو 160. إيه أخبارها ياؤيت لو تقارنها بعربيات تانية حتى لو كانت سيدان عشان نقدر نستوعب الفرق.

بالنسبة لضوضاء الطريق على السرعات المختلفة وخصوصا السرعات العالية. هل بتسمع وش جوا العربية وبتسمع ضوضاء الكاوتش؟

هل في مشاكل فنية أو أعطال قابلت سيادتك؟

بحكم الإستخدام العائلي فلا أخفيك سرا إذا قلت أن أعلي سرعه كانت 140 و لم أشعر فيها بأي فرق عن السرعات المنخفضه من حيث الثبات و علو صوت الموتور
العزل داخل السياره مع غلق النوافذ جيد جدا و لا تسمع صوت الكاوتش إطلاقا خصوصا بعد الألف كيلو الأولي أي بعد تليين الكاوتش
الحمد لله إلي الآن لم تواجهني مشكله إلا صغر حجم الشنطه و بعض الحكات البسيطه في اللإكطدام الأمامي بسبب عدم الإعتياد علي أبعاد السياره و عدم وجود حساسات.....ملحوظه أخري هي إنخفاض مستوي بدال الفرامل الذي قد يرجع لتآكل التيل قليلا بسبب شارع الهرم و فيصل وما تعنيه هذه التجربه من ويلات
جزاكم الله خيرا

**engherc** · 24-01-2014 05:52 PM

المشاركة الأصلية كتبت بواسطة boomboomzoro

العربيه معايا بقالها الحمد لله تقريبا سنتين...لسه عامله 10000 كيلو لأن إستخدامي قليل...بس رأيي فيها كالآتي بمنتهي الحياديه و الأمانه مع العلم أنها الفئه الأولي "بدون مالتي فانكشن و فتحه السقف":
السياره بمجرد ركوبها تعطيك إحساس بالأمان...موتور قوي و ثبات رائع....تكييف هايل.....الكاتينه جنزير و الشاسيه قطعه واحده دون لحامات و الأبواب مدعمه بقضبان فولاذيه " الحارس هو الله" أعلي إرتفاع عن الأرض في فئتها........ إستهلاك للبنزين جيد جدا ----الحمد لله بعد تجربه مريره "في مستوي الإرتفاع عن الأرض" مع البيجو ال 307....
السياره لا تتمتع برفاهيه كماليات الكوري....و أهم أخطر عيوبها هو صغر حجم الشنطه و لكن ذلك يعوضه الراحه التامه للركاب في الكنبه الخلفيه.....
قمت بزياره للتوكيل بعد الألف كيلو....المكان ليس عالي الرفاهيه و لكنه يفي بالغرض و التعامل كان محترم و لائق جدا..
أرجو أن أكون أجبت ولو قليلا عن بعض الإستفسارات و أتمني أن أجد الفرصه لأكتب تقرير عنها بعد عمل الصيانه القادمه إن شاء الله

يا باشا انت فينك من زماااااااااااان

**FrozenFire** · 25-01-2014 09:52 AM

المشاركة الأصلية كتبت بواسطة boomboomzoro

بحكم الإستخدام العائلي فلا أخفيك سرا إذا قلت أن أعلي سرعه كانت 140 و لم أشعر فيها بأي فرق عن السرعات المنخفضه من حيث الثبات و علو صوت الموتور
العزل داخل السياره مع غلق النوافذ جيد جدا و لا تسمع صوت الكاوتش إطلاقا خصوصا بعد الألف كيلو الأولي أي بعد تليين الكاوتش
الحمد لله إلي الآن لم تواجهني مشكله إلا صغر حجم الشنطه و بعض الحكات البسيطه في اللإكطدام الأمامي بسبب عدم الإعتياد علي أبعاد السياره و عدم وجود حساسات.....ملحوظه أخري هي إنخفاض مستوي بدال الفرامل الذي قد يرجع لتآكل التيل قليلا بسبب شارع الهرم و فيصل وما تعنيه هذه التجربه من ويلات
جزاكم الله خيرا

شكرا لزوقك
طب بالنسبة للفتيس ال cvt
هو فتيس أوتوماتيك عادي؟ وإيه ال M اللي جنب ال D؟

**boomboomzoro** · 25-01-2014 01:22 PM

المشاركة الأصلية كتبت بواسطة frozenfire

شكرا لزوقك
طب بالنسبة للفتيس ال cvt
هو فتيس أوتوماتيك عادي؟ وإيه ال m اللي جنب ال d؟

علي ماأتذكر أنها l و ليست m و كنت قد سألت عليها و تم إبلاغي أنها تستخدم في المنحدرات و المرتفعات الحاده و لكن لم يتسن لي التأكد من المعلومه
وجزاكم الله خيرا

**heeshooheeshoo** · 26-01-2014 12:11 AM

المشاركة الأصلية كتبت بواسطة j a g u a r

العربيه دى مخدتش حقها فى مصر ..

مش يبقى لها وكيل فى مصر الأول علشان تاخذ حقها ؟؟!!

مش عارف ليه إللى بيشتغلوا فى السوبارو فى مصر تحس إنهم موظفين مالهومش نفس يبيعوا أو يسوقوا صح للسيارة فى مصر زى وكلاء السيارات المحترفين !!!
يعنى فيه سيارات فى مصر مالهاش أى ثلاثين لازمة ولكن وراها وكلاء بيعرفوا إزاى يبيعوا ويعملوا دعاية وإنتشار لسياراتهم.
هل ده إنعكاس لعدم إهتمام سوبارو اليابان بالسوق المصرى ؟!

**FrozenFire** · 26-01-2014 03:59 PM

في رأيي المتواضع وبعد كذا سنة لف وكلام مع الناس

لقيت إن السوق عندنا في مصر سيئ جدا لدرجة إن عربيات مالهاش لزمة عمالة تاخد مبيعات لأن إحنا بلد الهوجة للأسف

ننخض من الشكل والأوبشنز ونقول قصايد وأشعار مبالغ فيها ونلاقي العربية بدأت تنتشر فيقوم الكل يجيبها عشان الهوجة

لو تركز كده تلاقي كل حاجة خدت شهرة كانت بالهوجة وبعدين لما الهوجة عدت كله بدأ يفوق

شعب لما بيدور على عربية بيدور على عربية منظرة يتمنظر بيها على خلق الله

شعب بيفكر حيبيع العربية بكام قبل ما يشتريها أساسا

شعب بيدور على إنه إزاي يعمل فيها ناصح ويوفر في الصيانة ويجيب قطع غيار مش أصليه عشان يقلل مصاريف العربية عشان بيقول كده كده حبيع العربية بعد فترة

شعب لما عربيته تتخبط والصاج يبان والدهان ينشال يقوم يتجج بمبدأ عبوها أو فابريكة عشان يوفر 4 آلاف ثمن التصليح

شعب لما ييجي يشتري عربية مستعملة يدور عربية مخبطة ومرقعة ويشتريها بأعلى سعر عشان يقولك دي عبوها وما إترشتشي. مش فارق بقى معمول لها صيانة عند سعيد العجلاتي ولا إن الموتور بيقطع ولا إن العفشة بايظة ولا إن صاحبها كان محافظ عليها المهم إنها تبقى عبووووووها

عشان كده عربيات كتيييييييييييير في مصر مالهاش أي نصيب زي الفولفو والسوبارو والستروين

والسلام ختام