سوبارو امبريزا HL او شارك full sport

**marozzzz** · 17-01-2014 08:01 PM

كونت عايز اشتري عربية ياباني وكنت محتار بين الاتنين دول , ايه رأيكو ؟؟

**J A G U A R** · 17-01-2014 09:14 PM

السوبارو مخدتش حقها فى مصر يعتبر مفيش توكيل ولا قطع غيار ولا اعاده بيع .. الشارك افضل

**marozzzz** · 17-01-2014 11:58 PM

شكرا علي الافادة

**eslamsubaru** · 18-01-2014 06:49 PM

المشاركة الأصلية كتبت بواسطة marozzzz

كونت عايز اشتري عربية ياباني وكنت محتار بين الاتنين دول , ايه رأيكو ؟؟

المشاركة الأصلية كتبت بواسطة j a g u a r

السوبارو مخدتش حقها فى مصر يعتبر مفيش توكيل ولا قطع غيار ولا اعاده بيع .. الشارك افضل

اولا : لجاجوار : حضرتك حكمت منين على كلامك ؟؟ من تجربة و لا ايه بالظبط!! كلامك عن انها مخدتش حقها ممكن يكون صح بس ده مش لسبب بالعربية انما سبب ثقافة السوق بتاعنا .. انما حكاية لا فيه توكيل و لا قطع غيار ؟؟ حضرتك يا ريت تتأكد من كلامك ده .. لأن من تجربتى و تجربة الناس اللى اعرفها فى نادى سوبارو مصر و همة كثير مش قليل الناس مبتشتكيش من التوكيل بالعكس التوكيل محترم جدا و شغله ممتاز عكس توكيلات تانية كتير و قطع الغيار متوفره عنده انما اللى ممكن انك تقصده ان محدش كتير بيشتغل بره التوكيل فالسوبارو و ده فى رأى مش عيب فالعربية بالعكس معتقدش حد هيجيب عربية فوق ال 150000 و هيخلى صنايعى يلعبله فيها مهما كانت ماركتها .. و اسعار قطع الغيار حضرتك ممكن تدخل تشوف المواضيع المعمولة عنها هنا و تقارنها باسعار الماركات الثانية بتوكيلاتها مش عند محلات الاستيراد اللى بيجيبلك الحاجة ولا ليها ضمان و لا انت متأكد 100% انها اصلية , قارن و هتلاقى ان السوبارو فى اسعار التوكيلات ارخص من باقى اليابانى خصوصا الهوندا و الميتسوبيشى و المازدا و النيسان ..

نصيحة لصاحب الموضوع :
حضرتك ادخل و شوف التقارير المكتوبة فى كل قسم للسيارتين : و شوف الناس بتقول ايه و بتقول ايه عن التوكيل و لازم تشوف العربيتين بنفسك و تجربهم و استخير ربنا و انشاء الله ربنا يوفقك للأفضل ليك .

لو عن رأى بقى :
السوبارو افضل من الشارك فى المجمل كعربية انما لا يعيبها غير سعر اعادة البيع : يعنى العربية ال 2014 لو جبتها ب 170000 لما تيجى تبعها بعد سنة من الأن هتكون فى حدود 145000 بس مش هتنزل عن كده تانى لأن ده سعرها النهائى بعد الخسارة .. بس العربية لما هتركبها صدقنى عمرك ما هتفكر تبيعها .. و سياسة انى اشترى عربية علشان ابيعها ده اللى مخلى السوق بتاعنا ضايع ..
و السوبارو عربية موفرة فى صياناتها يعنى مش هتكلفك و لا تفتح بقها معاك قبل 9 الى 10 سنين من الأن علشان تبدأ تغير فيها حاجات ( بلى او حاجات بالعفشة يعنى بتتكلم من 150000 الى 200000 كم . ده لو حصل. عموما شوف انت و احسبها

**marozzzz** · 18-01-2014 10:17 PM

المشاركة الأصلية كتبت بواسطة eslamsubaru

نصيحة لصاحب الموضوع :
حضرتك ادخل و شوف التقارير المكتوبة فى كل قسم للسيارتين : و شوف الناس بتقول ايه و بتقول ايه عن التوكيل و لازم تشوف العربيتين بنفسك و تجربهم و استخير ربنا و إن شاء الله ربنا يوفقك للأفضل ليك .

لو عن رأى بقى :
السوبارو افضل من الشارك فى المجمل كعربية انما لا يعيبها غير سعر اعادة البيع : يعنى العربية ال 2014 لو جبتها ب 170000 لما تيجى تبعها بعد سنة من الأن هتكون فى حدود 145000 بس مش هتنزل عن كده تانى لأن ده سعرها النهائى بعد الخسارة .. بس العربية لما هتركبها صدقنى عمرك ما هتفكر تبيعها .. و سياسة انى اشترى عربية علشان ابيعها ده اللى مخلى السوق بتاعنا ضايع ..
و السوبارو عربية موفرة فى صياناتها يعنى مش هتكلفك و لا تفتح بقها معاك قبل 9 الى 10 سنين من الأن علشان تبدأ تغير فيها حاجات ( بلى او حاجات بالعفشة يعنى بتتكلم من 150000 الى 200000 كم . ده لو حصل. عموما شوف انت و احسبها

شكرا eslamsubaru علي الرد....... انا فعلا قرأت كتير عن العربيتين بس لسه ماشفتش السوبارو علي الحقيقة مش لاقيها لسه .........انا فعلا ميال للسوبارو وخصوصا لاني مش من هواه التغيير بعد سنة ولا سنتين.... انا عايز عربية تقعد معايا......حستناها تبقة موجودة في التوكيل علي شهر 2 و اروح اشوفها

**S O P H O S** · 20-01-2014 06:03 PM

السوبارو كرأي فقط

**Yousef.Kamel** · 21-01-2014 02:42 AM

انا برضه ميال للسوبارو

**Ahmed Saad** · 22-01-2014 01:23 PM

طبعا السوبارو احسن علشان ميزه الدفع الرباعي اللي مش بتنزل في الشارك إلا في الايفو فكره انت معاك عربيه اعتماديه اكتر من الهوندا والميتسوبيشي والنيسان والتويوتا وكفاية أنها اكتر عربيه ماشيه في اليابان نفسها مع الانسر الايفو والعربيه دي رقم 1 مبيعات في إسرائيل يعني دول اليهود اللي مش بيشتروا الحاجه إلا لو مفيهاش الهوا (الله يحرقهم)