الموضوع: استفسار في بيجو 406

هيا علبة البيئة عندك بايظة ؟
وبتطلع لك رسالة ال Anti pollution ؟

المشاركة الأصلية كتبت بواسطة mostafa afifi

للاسف اه و الكمبيوتر عمال يعمل صفاره مزعجه... و غيرت الحساس بتاعها... و بعدها التوكيل قالي ان علبه البيئه لازم تتغير

طيب يبقي السبب هوا العلبة,
وتنضيف الرشاشات وفلتر الهواء والكلام دا كله مش هيفيد ولا هيضيع الصفارة لو كانت العلبة بايظة,

وممكن تجيبه أستيراد من وكاله البلح زي ما م أحمد أقترح عليك, دا أفضل حل من رأيي.

وسيبك من شكمان ابو اليزيد والكلام دا, لو معمول في مصر متشتريش,
ووفر علي نفسك عناء التجربة من دلوقتي وهات الأصلي بتاعها أستيراد أفضل لأنو معمول علشانها,
والمصري متعرفش من جوا عامل أزاي وممكن يكون مقلب.

المشاركة الأصلية كتبت بواسطة mostafa afifi

طب ما الاستيراد.. مش عارف من جوا علمل ازاي..كمان ابو اليزيد هو اللي بيعمل تقريبا شكمانات صني و شفورليت

الأستيراد لو ركبته والعربية متظبطتش أو طلع وحش ورسالة البيئة طلعت لك تاني, تكون متفق مع الراجل من قبلها أنك ترجعه لو طلع مش كويس,,
ومعظم الناس بتعمل كدا في الحاجات الأستيراد.

وعلبية البيئة ممكن تعيش بال 10 و 15 سنة من غير ما تتغير ولا هيبقي فيها مشاكل,,
في حالتك لو كانت أتخبطت دا اللي قصف عمرها بدري,

حاجات أبو اليزيد أنا مش عارف حاجة عنها بس بقولك مش هتكون بنفس التصميم بتاع علبة بيئة ال 406 ولا بنفس كفائة علب البيجو,
ولا نفس فلاتر السيراميك اللي جواها, ممكن وفي الغالب هتكون مواد أقل في الخامات لأن سعرها قليل جداً عن سعر الأصلية وكمان بيكسب فيها,,
يعني بنسبة كبيرة هتكون علبة مشي حالك, وهتقرفك بعد كدا,,

شغل الصني والشيفرولية ميمشيش مع البيجو,
أنا أرشح لك الحاجة الأستيراد وتطلب ضمان وأنت بتاخدها هتكون بتاعت العربية ومعمولة عشانها وتصميمها مظبوط, لكن أي علب تانية معمولة في مصر أو حتي صيني مش هتديك نفس الأداء وممكن تسخن الموتور أو تفضل تطلع الرسالة وتاكل بنزين لو السينسور مأخدش القراية المظبوطة.

وطبعاً أستخير ربنا وأسئل حد بتاع بيجو أكتر عن الموضوع دا, وربنا يوفقك في الأختيار.

المشاركة الأصلية كتبت بواسطة mostafa afifi

للاسف انا جربت مره الاستيراد في حساسات الفتيس و غيرتها بعد 3 شهور..يعني ممكن اجيب شكمان و يقعد شويه و يبوظ تاني و ساعتها التاجر مش هيرضي ياخده....هو انا اعرف واحد معاه فيكترا 2001 و غير عندو و عايش معاه كويس و قالي معندوش اي مشكله و العربيه بقت ممتازه..كمان انا سمعت من ميكانيكي في التوكيل انهم احيانا بيجيبو الشكمانات من عندو..ده غير اني هروح المركز بتاعهم و مش همشي غير لما صوت العربيه يظبط و استهلاك البنزين يظبط....عشان انا هروحلو بعد ما اعمل صيانه الموتور..يعني هيكون انشاءالله الموتور بحالته زيرو..و هروح بعدها اكشف علي العربيه و هتأكد من ان العربيه مفيهاش مشكله.......ولا حضرتك ايه رأيك

حساسات الفتيس حاجة من الحاجات اللي مينفعش تجيبها أستيراد,
ممكن أوصفهالك كدا بالبوجيهات الأستعمال, ينفع تجيب بوجيه أستيراد ؟ الحاجات دي تيجي جديدة بس.

أما أجزء العفشة مثلاً زي مقص مساعد كوبلن شمعدان أو حتي علبة شكمان ممكن تجيبهم أستيراد عادي وهيمشو من غير مشاكل.
وأنت قلت إن اللي جاب الشكمان أستيراد طلع كويس والعربية بقت ممتازة معاه,
فانصيحة مني هات علبة البئية الأصلية بتاعتها وتكون أستيراد وتلف كويس عشان تاخد أفضل واحدة من التجار يعني مش أول ما تلاقي تشتري
فضي نفسك يوم وأنزل وكالة البلح والمريوطية والحرفيين, وشوف اللي هتلاقي عنده أحسن واحدة وأفضل سعر.