مشكله فى طاره ابيزا 2002

**ahmadsapre** · 05-01-2014 04:55 AM

سلام عليكم شباب واعضاء المنتدى انا جديد معاكو هنا وياريت اتشرف بيكو واكون صديك ليكو ده او موضوع ليه وباذن الله اكون متابع معاكو انا مشكلتى انى طاره بتاعت الدركسيون في الملفات بتضرب كلكس لوحدها وكل مروح لحد يقولى غير طاره استراد انا مش عارف اعمل ايه في المشكله ده بجد عملالى ازعاج وكمان عندى لمبه اى بى سى شغاله على طول دخلته على الجهاز في صقر قريش عند محمد الزعيم قالى مش قريه اى اعطال وفى الاخر قلى طرمبه البنزين عايزه تتغير وانا مش حاسس باى مشكله في السحب او السرعه والعربيه معايا كويسه بس هل ممكن لو قلب طرمبه البنزين بايظه ممكن تشغل المبه دى واسف على الاطاله

**ehab_mansour** · 05-01-2014 08:52 AM

اهلا بحضرتك عضو جديد في عائلة سيات نايل موتورز

بخصوص مشكلة الكلاكس مع لف الطاره فأعتقد ان اللماسات النحاس اللي بين الطاره نفسها و الجزء الثابت تحتها فيها مشكلة او معووجه بشكل بيخليها تقفل مع الارضي ....
بخصوص لمبة الايرباج فبرضه متعلقه بمشكلة الطاره و بعتقد ان كويل الايرباج اللي في الطاره مقطوع او فيه مشكلة

اما موضوع الطلمبة ده فالكوتش اللي قال كده بيخترع .... طالما معندكش مشكلة في السحب او الدوارة يبقي مفيش مشكلة في الطلمبة

الحل اعتقد في حل كل المشاكل دي فعلا هيكون في تغيير الطاره او كهربائي عنده ضمير يفكها و يحاول يظبطها و يصلح المشاكل دي او يشوف فيه ايه

و بالتوفيق ان شاء الله

**hossamalsadik** · 05-01-2014 05:23 PM

اهلا بيك معنا صديق واخ فى أسرة قسم سيات نيل موتورز
مشكلة الطاره بسيطه عاوزه كهربائى يبص عليها وفى حلين اما يظبطها وتنتهى المشكله الخاصه بضرب الكلاكس كلما تم لف الطاره او انه يغيرها لو لم يستطع أصلاح الإير باج
ملحوظه : ممكن الطاره كلاكسها يتصلح ويطفى لمبة الإيرباج من خلال برنامج vag بالكمبيوتر يعنى ويظل الايرباج مش شغال وتمشى بيه كده عادى

ومشكلة لمبة الأعطال ليس لها علاقه بطرمبة البنزين طلما لايوجد مشكله فى الدواره او السحب او تقطيع وربما كانت بسبب أخر مثل حساس الأكسجين و علبة البيئة (Catalytic)