كماليات و اكسسوارات بيجو 301

**m.basha** · 05-01-2014 09:09 AM

السلام عليكم جميعا كان عندى فكرة بما ان العربية تعتبر لسه جديدة فى السوق ان كل واحد ركب لها كماليات زيادة او اكسسوار حلو يقلنا عشان الباقى يستفيد يعنى قصدى كماليات زى ستائر للعربية - حامل موبايل - حامل اكواب اضافى - زينون - حاجات دلع يعنى مش قصدى الكماليات اللى بين الهاى لاين و اى فئة اخرى و شكرا لاحلى اعضاء فى احلى منتدى

**M.Emam** · 05-01-2014 04:52 PM

انا ركبت موبايل هولدر من راديو شاك اللى بيلزق على الزجاج وبيناسب كتير من النواع الموبايلات سواء عريض او رفيع

**Akram.Gamal** · 05-01-2014 09:37 PM

المشاركة الأصلية كتبت بواسطة m.emam

انا ركبت موبايل هولدر من راديو شاك اللى بيلزق على الزجاج وبيناسب كتير من النواع الموبايلات سواء عريض او رفيع

طب معلش انا هطلب منك طلب
شيله من ع الزجاج
وحاول تثبته على المسند من تحت و شوف هيتثبت ولا لا

**m.basha** · 06-01-2014 09:47 AM

المشاركة الأصلية كتبت بواسطة akram.gamal

طب معلش انا هطلب منك طلب
شيله من ع الزجاج
وحاول تثبته على المسند من تحت و شوف هيتثبت ولا لا

اكرم باشا انا جبت الهولدر ده قبل كده و بصراحة ضايقنى فى الرؤية لان العربية بصراحة تابلوها عالى شويه فجربت احطه يمن شمال فى اى حته الرؤية مش حلوة بصراحة من الزجاج و مجربتش زى ما بتقول انى احطه فى ظهر المخدع مش عارف وجهة نظرك ايه و اعتقد هو مش حايثبت غير على زجاج لانه زى شفط هواء كده لو عندك فكرة تانية لوضع الموبايل قولى

**Akram.Gamal** · 06-01-2014 02:10 PM

المشاركة الأصلية كتبت بواسطة m.basha

اكرم باشا انا جبت الهولدر ده قبل كده و بصراحة ضايقنى فى الرؤية لان العربية بصراحة تابلوها عالى شويه فجربت احطه يمن شمال فى اى حته الرؤية مش حلوة بصراحة من الزجاج و مجربتش زى ما بتقول انى احطه فى ظهر المخدع مش عارف وجهة نظرك ايه و اعتقد هو مش حايثبت غير على زجاج لانه زى شفط هواء كده لو عندك فكرة تانية لوضع الموبايل قولى

طب جربت تحطه فى الناحيه اليمين من الزجاج سواء فوق او تحت جرب كده و شوف
و انت عندك حق هو شفط هواء و المسند منقرش يعنى مش هينفع بس كانت هتبقا تجربه حلوه انك تعلقه تحت و تلفه بوشه من تحت لفوق حشان يبقا بعيد عن الهاند بريك

**Akram.Gamal** · 06-01-2014 06:41 PM

المشاركة الأصلية كتبت بواسطة m.basha

جربت فى كل الاوضاع و بصراحة مش مظبط معايا فى الرؤية ساعات و انت فى زحمة بتحب تبص على العربيات اللى يمينك فلو حطيته يمين بيخلى فى حته كده blind زى ما بيقولوا انت فاهمنى

حاول متيأسش لحد ماتلاقى القطعه ال تمشى معاك وتريجك