سؤال في افيو 2008

**trazan** · 05-01-2014 02:30 PM

يا جماعة انا بكرة رايح افحص سيارة افيو موديل 2008 في بنزينة شيل اللي في الهرم

1 - في 2 بنزينة شيل قدام بعض انهي واحدة احسن من التانية و هل في حاجة ممكن اخد بالي منها و انا بفحصها ولا لا؟
2 - السيارة فيها رخصة 7 شهور و اللي هيبعها معها توكيل ايه الاحتياطات او الاجراءت اللي ممكن اعملها علشان اتاكد ان التوكيل سليم و لو حصل نصيب ان شاءالله اجراءتي هتبقي ايه؟
3- كمان السعر هو حوالي 58000 و العربية عاملة 94000 كيلو مانيوال و رشة حزام بس و كمان تقفيل كوري.
شكر ا جدا

**دكتور خالد** · 05-01-2014 02:56 PM

اعتقد ان بنزينة شل اللى جنب الخزان اسمع انها افضل ... ثانيا اتأكد بنفسك من موضوع البرومة اللى بتكون موجودة تحت فى الافيو كتير من الاعضاء هنا اشتكوا منها .. وصى الراجل اللى بيكشف على العربية يشوفلك الصدأ كويس ... بالنسبة لموضوع الشراء لما تتفق على العربية ادفع عربون 1000 جنيه مثلا و اكتب عقدين ابتدائى بكل البيانات و صور التوكيلات اللى فى العربية و الرخصة و خليهم معاك .. اتفق مع صاحب العربية (اللى اخر توكيل بأسمه ) انكوا تتقابلوا فى الشهر العقارى و يعملك التوكيل هناك و ياخد بقيت فلوسه فى نفس الوقت . (لو انت مش متطمن لصاحب العربية) روح المرور التابع ليه العربية بعد ما تدفع العربون و بصورة الرخصة اللى معاك اعمل استعلام امنى عنها .على الاقل تخسر 1000 جنيه احسن مما تشترى عربية مسروقه لا قدر الله . لكن لو صاحب العربية شكله محترم و قابلته فى بيته مثلا خلاص ملهاش لازمة و ممكن تكتفى انك تستعلم برقم العربية على موقع الحكومة الالكترونية.

**trazan** · 05-01-2014 03:10 PM

اولا انا بشكرك جدا علي ردك
بس عندي استفسار لو لا قدر الله فيها برومة هل معني كده بلاش منها اصلا ولا لها حل
انا 100 % هخلص بكرة بكل ثمن العربية لو طلعت حلوة و هو هيكون معايا علشان هنروح المرور يجيب شهادة البيانات و المخلفات و نروح الشهر العقاري علشان نسجل او يعمل توكيل هل في الوقت ده تنصحني اتاكد من حاجة.

وشكرا بجد علي رد حضرتك

**دكتور خالد** · 05-01-2014 04:09 PM

العفو يا باشا على ايه ... البارومة دى عيب قاتل خصوصا لو طايله فرد الشاسيه لانها بتسرح ومعالجتها صعبة .. فى بارومة ممكن تتعالج لو فى الدواسة او الدورانات ... لكن عموما بارومة فى عربية موديل 2008 غير مقبولة بأى حال من الاحوال ... بالنسبة لاجرائات الشراء كده تمام بما انك هتخلص فى المرور و صاحبها معاك

**trazan** · 05-01-2014 09:06 PM

المشاركة الأصلية كتبت بواسطة دكتور خالد

العفو يا باشا على ايه ... البارومة دى عيب قاتل خصوصا لو طايله فرد الشاسيه لانها بتسرح ومعالجتها صعبة .. فى بارومة ممكن تتعالج لو فى الدواسة او الدورانات ... لكن عموما بارومة فى عربية موديل 2008 غير مقبولة بأى حال من الاحوال ... بالنسبة لاجرائات الشراء كده تمام بما انك هتخلص فى المرور و صاحبها معاك

شكرا جدا طيب بالنسبة للسعر كويس ولا لا