120000 ل 125000 جنيه (النترا و لا سيراتو و لا سول)2012

**sewefy** · 14-01-2014 04:06 AM

انا معايا النترا من سنه وكان قبلها راكب سيراتوا والاثين فى نفس المستوى لكن جرى وماتور واعتماديه وشكل خارجى هات الالنترا لو شكل تبلوا وفخامه وقطع غيار ارخص شويه هات سيراتوا وانا عن نفسى ارشحلك النترا

**amnpop** · 14-01-2014 09:18 AM

انا استبعدت السول نهائيا
و عايز اعرف الانترا نزلها الفتيس الجديد و لا لأ

**abduo882000** · 14-01-2014 02:47 PM

انا بقول سيراتو كويسة وعربية محترمة
سول بس لو هتركبها متفكرش تبيع لانها تقيله في البيع
النترا مش وحشة بردو مع ان شكلها الجديد مش عاجبني خالص

**Samir Elshahawy** · 14-01-2014 03:39 PM

أخي الفاضل ..

أسمح لي أفكر معاك بهدوووووووء
طبعا حضرتك قفلت عليا سبل الخروج من تلك الترشيحات الثلاثة و بالتالي فأنا مضطر أني أختار معاك واحدة من 3 سيارات :

ألنترا - سيراتو - سول

--------------------------------------------------

أولا.. الالنترا ..

واضح كده أنك بتتكلم عن الالنترا hd (الشكل قبل الحالي) و بذلك أنصحك لو بتفكر فيها تجيبها خليجي بالمواصفات التالية :

- أيرباجز

- ملتي فنكشن

- تكييف أوتو

و دي ممكن تلاقيها في حدود الميزانية بتاعتك و بحالة جيدة

الالنترا hd عربية كويسة جدا في فئتها (كتسارع و قوة موتور و أقتصادية أستهلاك بنزين)

أهم عيوبها و عيوب هيونداي بشكل عام هو أنخفاض الثبات علي السرعات العالية لو أنت بتحب تجري فوق ال 120 كم/س

-------------------------------------------

ثانيا .. السيراتو :

واضح برضه أن حضرتك تقصد السيراتو الشكل القديم و هي عربية ممتازة لاغبار عليها و تقريبا هي نفس موتور الالنترا hd موديل 2011 و لكنها تتميز بالفتيس الاوتو ذو ال 6 سرعات مما يجعلها أكثر أقتصادية في أستهلاك الوقود

السيارتين (الالنترا - السيراتو) تقريبا نفس الصالون و نفس صندوق الامتعة و نفس الارتفاع عن الارض و لكن ثبات السيراتو أفضل قليلا مع تفوق للالنترا في نعومية العفشة و الاحساس بالمطبات

----------------------------------------------

ثالثا .. كيا سول :

عربية جيدة جدا و منتشرة صحيح مش زي السيراتو لكن لاتوجد مشكلة في توافر قطع غيارها حتي الان

- العفشة ناشفة عن السيراتو

- تتميز بالارتفاع عن الارض عن الالنترا و السيراتو و بالتالي هي مناسبة للطرق الصعبة اذا كنت تمر علي طرق ذات مطبات علية

- صالونها واسع و لكنه ليس بنفس رفاهية و راحة الالنترا و السيراتو و صندوق الامتعة طبعا اقل

------------------------------------------------

طبعا أنا لم أتحدث عن التكييف و لا باقي الاوبشن لأنها تقريبا واحدة و من هذا نخلص الي النتيجة التالية :

- الثبات : السيراتو أفضلهم

- النعومة و الاحساس بالمطبات : الالنترا أفضلهم

- الصالون و صندوق الامتعة : الالنترا و السيراتو

- الارتفاع عن الارض : كيا سول

لذا شوف احتياجاتك أيه و طبيعة الطرق اللي بتمشي فيها و قرر بالاضافة لنقطة مهمة جدا هي مدي توافر السيارات الثلاثة بالسوق و حالتها

مع تمنياتي لك بالتوفيق

**amnpop** · 14-01-2014 03:44 PM

المشاركة الأصلية كتبت بواسطة samir elshahawy