احترم رايك جدااا والنتيجة لكلامك ان الاوربى باذن الله هيرجع يمسك تانى يا راجل ده فيه فرق غير عادى بين العربيتين الاوربى والكورى
عرض للطباعة
انا أتكلم عن الأعطال البسيطه و التى تحدث دائما و ليس لها علاقه بعمر السياره
على سبيل المثال لو كنت مسافرا على أحد الطرق و مجبر على تموين السياره من محطة بنزين تغش البنزين بالماء أو يوجد به شوائب كثيره
سوف تتعطل طرمبة البنزين أو ينسد أحد الرشاشات
هذا العطل ليس له علاقه بعمر السياره و هو وارد الحدوث جدا خصوصا مع المحطات الموجوده على جميع الطرق المصريه خارج المدن
لو تخيلنا حدوثه قرب مدينة سمالوط مثلا أو رأس سدر ..... و ليس هناك طرمبة بنزين بديله أو طقم الرشاشات بديل أو يتوافر جهاز تشخيص الأعطال أو الفنى الذى يستطيع ابدالها .... ماذا سيكون الموقف
بالتأكيد موقف صعب جدا ... سواء من الناحية الأنسانيه أو من الناحية الماديه
و لا اريد هنا أن أذكر انواعا معينة من السيارات و لكن بالتأكيد أن الأنواع المنتشر لها قطع الغيار و الصيانه ستكون أفضل مئات المرات من التى لا يتوفر لها كل ذلك الا فى العاصمه .
بغض النظر عن بلد المنشأ
.
فى المداخله السابقه تكلمت عن البنزين فقط كمثال
لكن الصوره مفزعه أكثر بكثير
المنتدى هنا ملىء بعشرات الموضوعات عن مشاكل تظهر فى سيارات لم تتعد 20 الف كيلومتر و هى بذلك تعتبر فى بداية عمرها و لم تتعرض لظروف تشغيل قاسيه .
ماذا عن المطبات الفجائيه و الحفر التى تمتلىء بها الطرق المصريه و التى قد تسبب اضرارا بعفشة السياره تمنعها من استكمال رحلتها .
ماذا عن أعطال الكهرباء بسبب تعطل فيوزات أو حساسات بعد المطبات و الهزات التى نشهدها دائما أو بسبب عيوب تصنيع تظهر فجأه بدون سابق انذار و يغطيها الضمان الصناعى
و القائمة طويله من الأعطال الفجائيه التى قد تحدث لسياره حديثه .
فى اوروبا تستطيع صيانة أى سياره من مخال مراكز الخدمه المعتمده و الموجوده بطول و عرض اوروبا .
كما أن خدمات نوادى السيارات تقدم لك نجده سريعه على أى من الطرق الأوروبيه طوال 24 ساعه حيث تصلك سياره للصيانه من اقرب مدينه لك لتحاول اصلاح العطل ....... فاذا كان العطل جسيما اوصلوك لأقرب مدينه و وفروا لك سياره بديله تمكنك من استكمال رحلتك و ذلك مقابل اشتراك سنوى .
اذا توافرت هذه الخدمات فى بلادنا .... وقتها فقط اشترى أى سياره و لا تهمنى اعطالها المفاجئه .
.
اعتقد انه السيارات اللي اكتر اعتمادية كقطع غيار (جديد ومستعمل وبينتج في كذا مكان )واسلوب صيانة واسعار اقتصادية هيا اكتر السيارات انتشارا وده متوفر اكتر في الكوري عن الياباني عن الاوروبي..واعتقد انه مازال السوق للكوري والياباني لانه مراكز الصيانة وورش الصيانة متوفرة في كل حتة وكمان قطع الغيار بسهولة تلاقيها في اي مكان لكن الاوروبي بصعوبة لما تلاقي قطعة غيار وبصعوبة لما تلاقي حد فاهم في تكنولوجيا العربية بالرغم من فعلا السيارات الاوروبي متميزة عن الكوري الا انها مسالة عرض وطلب وتوافر الخدمات..دايما بنلاقي انه مميزات البيع هوا توافر خدمات ما بعد البيع بسهولة وده لسه الكوري بيوفره عن الاوروبي
المشكلا في رأيي مؤقتة ..
لما الكوري مبيعاته تقل اسعاره هاتنزل ويرجع لمكانه الطبيعي ...
الأسعار بتتحدد حاسب العرض ولطلب مش الجودة ...
هو مبدائيا فى الفئات الغيره مبقاش يفرق كتير الكورى من اليابانى من الاوروبى الا فى الفخامه وبعض وسائل الامان اما العمر الافتراضى بقى متقارب
اما الفئات الكبيره فالامر محسوم للاوروبى والكورى بيحاول يدخل فى السوق ده بس مش قادر
لانه ببساطه لو معايا مليون جنيه هاشترى مرسيدس او بى ام مش هاشترى هيونداى ولا كيا مهما ان كان شكلها
لانى هاكون بدور على حاجه شبه كامله لان الكمال للاه وحده
بس موضوع ان الاوروبى يرجع يمسك سعر تانى ويتصدر سوق المبيعات دى مش بعيده لانه اصلا كان بيبيع ايام ماكان فى اسوء حالاته مابالك بالوقت الحالى وهو راجع بقوه ابتدا من شركه بيجو وسيتروين ورينو وفولفو وعربيات تانيه كتير
بس هو التوكيلات تظبط نفسها شويه وهاتلاقى الاوروبى اكتسح الكوروى بمراحل
كم نسبة حدوث هذة الاعطال ؟
وكلامك سليم بس لو هنقول الاوربى لسه بيقف ويشد حيله وخصوصا بعد غلطة الكورى ورفع الاسعار المبالغ فيه تقدر تفسرلى ازاى الكيا تبقى ب 200 الف جنية
يعنى انت لو معاك 200 الف تركب بيها سيراتو دى اللى كنت تجيبها ب 105 مانيول و 133 اتوماتيك
وقطع الغيار الاوربى هترجع للسوق كله ان شاء الله بس العربيات تنتشر الاول وهتلاقيها فى كل مكان سمالوط المنيا راس سدر سيناء كل حته
ماعتقدش ان الاسعار هتنزل مفيش حاجة فى البلد بتعلى وبعدها بتنزل
يعنى كانت اية الحجة فى رفع الاسعار الدولار رفع يا جماعه وبنجيبة سوق سوده ب 9 جنية طيب ودلوقت شكرا
الصح كان يحصل مقاطعه تامة وده هيجبرهم انهم بينزلوا الاسعار انما انت بتتكلم مع مين مع الاحترام الكامل لاصحاب السيارات المذكورة