الموضوع: (فكره جهنميه) نشتري عربيه كامله استيراد ونقطعها لينا

النهارده كنت عند ميكانيكي في المنصوره وقابلت ٣ صحاب مع كل واحد فيه فيكترا
وطبعاً وقفنا كل واحد اتكلم عن عربيته لاقيت الرجاله جايبين عربيه كامله من بورسعيد ب ١٥٠٠٠ cdx ومقطعينها كل واحد بياخد حاجه
الاولاني قالك كان الفرش عندي بايظ خدت الفرش كله والتاني خد المكنه بالفتيس والتالت خد الكماليات كلها الحاجات الرفيعه دا دافع اقل حاجه فيهم وخد كمان السقف بفرشه (جايبنها بفتحة سقف)
وهما كل واحد كان حاسب لو جاب حاجته اللي هوا محتاجه كان هيدفع ١٢ الف دلوقتي معاهم عربيه صاج كامل وكمان شدوا عربياتهم وموتور كمان ياخدوا منه قطع غيار وعفشه كامله

الفكره بصراحه لعبت في دماغي قولت طب واحنا ليه مانعملش كدا وكل واحد يقوول هوا ناوي يجيب ايه لعربيته ونشوف هانجيب ايه ونجمع من بعض ونجيب عربيه استيراد بدل ماحنا طالع عينينا في قطع الغيار

دا انا بسأل علي شداد الباب قاللي ب ١٣٠ جنيه كنت هشكره بصراحه بس قولتلوا انا هسيب الباب كدا ومشيت

لو موافقين نعمل مقابله وكل واخد يكتب احتياجاته ونجيب واحد مننا فاهم ونطلع مع بعض طلعه الحرفيين او بورسعيد نجيب عربيه الموضوع مش صعب واللهي وهنوفر كتير جداً

يعني لو واحد هيجيب موتور بضفيره كامله بفتيس مش اقل من ١٠٠٠٠ دلوقتي هيقف عليه ب ٦ او ٧ والحاجات التانيه تتوزع واحد بيشد محتاج باب بدل ماهيجيبه فاضي ب ٣٠٠ ياخده بحاجته ب ٣٠٠ وقيس علي كدا كل حاجه بس الفرش انا هاخده xD مانا صاحب الفكره بقي xD يبقي انا اللي اختار الاول xP

بس بجد ياجماعه الواد بيحكيلي ان هما وفوروا بتاع ١٥ الف جنيه احنا اولي بالفلوس دي