بطاريتى اتسرقت امبارح بليل :(

**J A G U A R** · 06-01-2014 11:32 PM

المشاركة الأصلية كتبت بواسطة new_man

انا عملت تقفيصه انهارده حديد تخين ومقفله من كل حته يعنى البطاريه مينفعش تطلع من مكانها الا لو رحت لسمكرى وقطعها بصاروخ لانها ملحومه من كل مكان واتكلف الموضوع 30 جنيه
والراجل كمان قاللى ممكن يعمللى 2 كالون جداد يمين وشمال الكبوت زى فكره لاستاذ علوانى كانت سابقه
وهيعملى دراع ال 2 كالون دول فحته مستخبيه وقاللى هتتكلف 150 جنيه

حل تمام

**shady Mohamed** · 07-01-2014 12:31 AM

المشاركة الأصلية كتبت بواسطة new_man

اهلا بيكم
انهارده رايح الشغل نزلت لقيت الكبوت مفتوح والبطاريه مش موجوده..انا عربيتى فيات 127
كان معمولها تقفيله بس بدون قفل والبطاريه جديده من شهرين

ايه طريقه تأمين البطاريه والكابوت عشان انا قرفت وتعبت بجد من العربيه دى وحالتى النفسيه زى الزفت لان مش وقتها خالص فلوس دلوقتى

لو حد جرب طرق تأمين للكبوت المنيل ده يفيدنا
ارجو الحل :(

ربنا يعوض عليك ... انا حصل معايا الموضوع ده مرتين في الــ 127 . وكانت تحت البيت بس المرة اللى كنت انسى اغطي العربية كانت تتسرق البطارية بس الحمد لله مكنش بياخد باله من الاستبن ... فالحل بعد ما تعمل قفل للبطارية حاول تغطي العربية وانسى موضوع الانذار لاني كنت عمله بس بيعلق مع الكبوت

**new_man** · 07-01-2014 06:01 AM

تمام بس أهم حاجة تقفل التقفيصة بقفل نحاس محترم عشان يبقى صعب تتفيشه
عشان أنا البطارية إتسرقت مني ٥ مرات قبل كده وآخر مرتين كنت مجنزرها وطفشوا القفل وخدوها لأ وإيه خد كمان إسبراتير العربية إبن الحرام

لا انا لحمت التقفيصه من جميع الجوانب ماعادا جمبين..جنب داخلى بمسمار بصامولتين عمره ماهيعرف يوصله ولو وصله مش هيعرف يفك الجنب التانى لانى مربطه بصامولتين وسيحت طرف المسمار على الصواميل اللى فيه..يعنى هو محتاج لمبة نار عشان يسيح الحديد وياخد البطاريه ومينفعش معاها اى حل وانا نفسى لو حبيت اغير البطاريه لازم اروح لسمكرى يسيح المسمار ده عشان البطاريه تطلع ..لانى عارف موضوع التقفيصه اللى باالقفل ده ملوش اى لزمه

**new_man** · 07-01-2014 06:06 AM

هى دى الفكره اللى هنفذها بتاعت استاذ ashraf_sms

**Elawany13** · 07-01-2014 09:28 AM

المشاركة الأصلية كتبت بواسطة new_man

هى دى الفكره اللى هنفذها بتاعت استاذ ashraf_sms

ياريت شرح الفكرة
وازاى هيشغل 3 كوالين مع بعض !!!

**carrier** · 18-01-2014 02:05 AM

المشاركة الأصلية كتبت بواسطة akmm

لاحول الله خطأ اخى ..........كمل بالقول لا حول ولا قوة الا بالله........... مشكله فعلا ...............

**S O P H O S** · 06-02-2014 07:03 PM

السنة الي فاتت برضوا سرقوا بطارية الفيات عندي

**aftr** · 16-02-2014 08:04 AM

تعمل ايه لو التوكيل غير البطاريه بواحده تانيه وسريال البطاريه مختلف عن اللى مكتوب فى الضمان والعربيه لسه فى التوكيل والبطاريه لسه شاريها بقالها 8 شهور + ان المهندس عامل لعب فى الفاتوره زياده 800 جنيه وطلب منى الفاتوره انا رفضت لان حاسس ان فى لعب ويومهم اسود معايه شوية الحراميه دول