عرض للطباعة
العربية بتاخد وقت طويل فى التسخين جوالى 15 دقيقة وبعدين لما بامشى بيها واجيب الغيار على الاول العربية بتمشى من غير مادوس على اى دواسة ولا دواسة البنزين ولا دواسة الدبرياج يا ترى ده طبيعى معلش سمحونى انا لسه جديد مع لانوس ملحوظة العربية مودبل 2004 وشكرا
مراجعة الزيت ومراجعة درجة لزوجة الزيت
انت بتسخن لانوس انجيكشن هي دقيقة واطلع و العربية هتضبط نفسها
كون ان العربيه تمشي بدون بنزين وهيا على غيار عادي وو مكن تعملها في الاول و التاني والتالت كمان بس ماعدا الاول بيكون حمل على الدبرياش و كده طقم. دبرياشك كويس اما لو بطول في التسخين مع انخفاض في حراره. المحرك وهي بتجري خصوصا في البرد فده معناه مبدأيا ترموستات الكوعه بايظ
في الغالب ترموستات الكوعة مفتوح و ده اللي مخلي الموتور ميسخنش بسرعة
اما ان يكون ترموستات الكوعة بايظ على وضع الفتح واما انه غير موجود
+1اقتباس:
المشاركة الأصلية كتبت بواسطة صبرى ابراهيم
ولو عندكم في العربية سخان ممكن يكون عندك مش شغال
لو العربيه اول متدور الاربي ام اكتر من واحد يبقى شغال والمفروض الاربي ام ينزل بعدها لاقل من الواحد خلال 3-5 دقيق بالكتير...
تحياتي
طالما جديد مع اللانوس يبقى قوللنا قصدك بالتحديد من جملة " بتاخد وقت طويل فى التسخين"... يعنى بتستنى ربع ستعة على ما مؤشر الحرارة يبداء يتحرك اصلا من مكانة؟؟؟... ولا الربع ساعة دى الوقت اللى بيحتاجة المؤشر عشان يوصل لوضعة الطبيعى؟؟؟
لو بنتكلم فى الحالة الاولى يبقى ترموستات الكوعة هو المشكلة... اما معلق على وضع مفتوح او انة ملغى اساسا فى كلا الحالتين هتركب واحد جديد اصلى و المشكلة هتتحل
لو بنتكلم فى الحالة التانية يبقى دة عيب user... اللانوس تدورها 30 ثانية فقط و بعد كدة تسوقها عادى.... موضوع التسخين اياه دة فى ال127 و ال128 و الحاجات دى
MMamdouh
عيب التسخين غالبا زي ما الاخوة الاعضاء قالوا ترموستات الكوعة يا اما ملغية او بايظة
عيب مشيان العربية علي الاول دة غالبا حساس الايدل عايز نظافة او جرب تعمل ايدل ليرن للعربية
شكرا لجميع الاعضاء الذين اهتموا بالرد . وانا انشاء الله هجرب اعمل بما نصحتونى بيه وهرد عليكم معلش ان اصلى جديد على الدايو