شراء سبائك الدهب فى مصر من اى بنك ؟واية طرق تخزينة

**الفجر** · 06-01-2014 09:23 AM

المشاركة الأصلية كتبت بواسطة ehabouf

زي ماقولتلك بالظبط - السبائك ممنوعة في مصر من ايام عبد الناصر لأن الناس الي كانت بتتأمم كانوا بيحولوا فلوسهم لسبائك ويخبوها علشان متتأممش فعبد الناصر جرم اقتناء السبائك الذهبية
حلك في الجنيهات انشالله يكون معاك 1000 جنيه ذهب - وعلى فكرة الجنيه الذهب مافيش عليه مصنعية (الصايغ بياخد على الجنيه الذهب من 20 - 50 جنيه ولو معرفة مش حاياخد منك اي مليم زيادة عن سعره)

طيب هل يوجد جنية دهب مضروب برضة واذاى اعرف انة مختوم ؟

**د.محمود صلاح** · 06-01-2014 09:26 AM

https://www.valcambigold.com/categor...100-1000g.aspx

دي المنتشرة عندنا في عمان وبتتباع من 10 جرام لحد 100 جرام ذهب سويسري عيار 24 مختومه بختم الشركة دي ولها SN مخصص والاسعار دي هي هي اللي بتتباع بيه عندنا هنا في عمان بس بزيادة 15 ريال تقريبا

**الفجر** · 06-01-2014 09:32 AM

المشاركة الأصلية كتبت بواسطة د.محمود صلاح

https://www.valcambigold.com/categor...100-1000g.aspx

دي المنتشرة عندنا في عمان وبتتباع من 10 جرام لحد 100 جرام ذهب سويسري عيار 24 مختومه بختم الشركة دي ولها sn مخصص والاسعار دي هي هي اللي بتتباع بيه عندنا هنا في عمان بس بزيادة 15 ريال تقريبا

فى اوربا ودول الخليج المتقدمة شراء سبيكة دهب زى شراء اللبس والجزمة شئ عادى جحدا اما فى مصر والبلاد الواك واك شراء قطعة سبيكة الحشيش والافيون اسهل من شراء سبيكة دهب

**ehabouf** · 06-01-2014 09:36 AM

انا مش قادر افهم تفرق ايه اني اجيب سبيكة 80 جرام من اني اجيب نفس ال 80 جرام معمولين 10 جنيه ذهب؟؟؟؟
آدي واحد اتقفش ب 3 سبائك واتصادروا منه
الوطن | ضبط ثلاث سبائك ذهبية مع راكب قادم من الدوحة

**A.Saad** · 06-01-2014 12:02 PM

الجنيه فيه منه غير مدموغ وفيه مدموغ
المدموغ بيزيد حوالى 20 او 30 جنيه قيمة الدمغة

اعتقد ان الدهب سعره هينزل تانى عالمياً

**4fun14** · 06-01-2014 01:16 PM

السبائك تقدر تشتريها من اى جواهرجى عادى خالص واحسن حاجه السبايك السويسرى الاصلى ووزنها عادة بيبقه 30 جرام على ما اتذكر وسعر السبيكة حاليا حوالى 9 الاف جنيه او اقل حاجه بسيطة
وسعر الذهب هو اشد انخفاض فى عام واحد من 25 سنة لكن سعره الان هو نفس سعره ف بداية 2010 مش 1993

**husseinsalah** · 06-01-2014 01:24 PM

عن نفسى اشتريت جنيهات دهب من فترة ... وكان فى سبائك بردو بتتباع عادى 40 و 80 و 100 جرام عيار 24 وفى اوقية 31 جرام عيار 24 كل دة موجود وبيتباع عادى لكن ارخصهم (من حيث المصنعية) هو الجنية الدهب(8 جرام عيار 21) اللى بياخد فوق تمنة من 25 الى 50 جنية(يعنى تقريبا من 3 الى 5 جنية على الجرام) حسب المكان ومش شرط يكون مختوم ... لكن السبائك اقل مصنعية علية 8 جنية على الجرام حتى لو حسبتها على انها عيار24 مش 21 هتلاقى الجنية اوفر

**mo7elmy** · 06-01-2014 02:11 PM

ياباشا هات دهب سواء كان جنيهات (8 جرام عيار 21) او اونصات ( 31.1 جرام عيار 24) دة افضل وكمان انت كدة بتاجر فى الدولار فى نفس الوقت لاننا عومنا سعر الدهب واصبح سعر الدهب هو السعر العالمى والى هو بيقيم بالدولار .......... بمعنى لو مثلا اشتريت اونصة ب9300 جنية ( 1200 *7.3= 8750 +550 ضريبة ومكسب البياع) فانت هنا ممكن تكسب فى حالتين ...حاله ان المعدن طلع .....وحالة انه الدولار طلع ..... يعنى المفروض الدهب نزل جامد الفترة الى فاتت الى سند خسارته ان الدولار طلع من 7.1 الى 7.45 وطبعا دة فى السوق السودا لان تجار الدهب بيبعوا على حسب الدولار فى السوق السودا....................... ارجو ان اكون افدتك ودعواتك ليا لو استفدت