المشاركة الأصلية كتبت بواسطة devil_storm
باشا اسمحلي اختلف معاك في موضوع الوسع ده
علي فكره الالنترا اوسع من الفلوينس و ده اكيد و بعد عده تجارب كتير
الفلوينس من بره اضخم و اطول و اكبر من الالنترا فبتدي احساس خادع انها اكبر لكن ذي ما قلت احساس خادع و بالعكس الالنترا مدمجه من بره هي و السيراتو و يدوك احساس انهم ضيقين لكن برده احساس خادع و هما وسعين جدا و اوسع من الفلوينس
ترتيب الوسع في الفئه دي كالتالي
١- نيسان سنترا واسعه جدا جدا بصراحه و البنش مارك في الفئه دي حاليا بعد ما كانت الالنترا هي البنش مارك من سنتين
٢- النترا - سيراتو - تويوتا الجديده كلهم في نفس الوسع و الثلاثه اوسع من الفلوينس
٣- فلوينس واسعه بس اقل من كل اللي فوق و في نفس الوسع الداخلي معاها الهوندا سيفك رغم فرق ضخامه البودي بينهم
٤- كروز ضيقه شويه رغم ضخامتها من بره
٥- مازدا 3 - فوكس - استرا كلهم في نفس الوسع و ضيقين علي الفئه اللي بينفسوا فيها و علي سبيل المثال اليارس الجديده فئه اقل و في نفس وسعهم و يمكن اوسع منهم هما الثلاثه
من الاخر محدش يقول الفلوينس اوسع من النترا او سيراتو او كرولا لانه كلام غلط لكن بالتاكيد الفلوينس اعلي و صجها اقوي و اوبشن اكتر و اامن من الالنترا و علي الاقل فيها ايموبليزر يحميها من السرقه