هيونداي النترا ٢٠١٤ ولا رينو فلوانس ٢٠١٤ مع العلم ان الانترا الفيس ليفت بتاعها وصل مصر والعربيتين في فئه ١٥٥٠٠٠ الي ١٧٠٠٠٠
هيونداي النترا ٢٠١٤ ولا رينو فلوانس ٢٠١٤ مع العلم ان الانترا الفيس ليفت بتاعها وصل مصر والعربيتين في فئه ١٥٥٠٠٠ الي ١٧٠٠٠٠
طب إيه مواصفات وتجهيزات وأسعار الإلنترا عشان نعرف نقارن
المواصفات لغايه دلوقتي لسه التوكيل ما اعلنش عنها بس سيبك يا باشا من المواصفات لان كلها تغيير في شكل الفانوس الامامي والخلفي وعدسات وليدات وحليه شكمان بس خلينا في العربيتين من حيث القوه والاعتماديه وقطع الغيار والتكييف والصيانه والوسع الداخلي للشنطه والصالون والثبات وكل حاجه
انا معايا أختها السيراتو ومجربتش الفلوونس
الموتور قوى , الإعتماديه عاليه , قطع الغيار والصيانه فى التوكيل بقت غاليه مش زى زمان بس بعد فتره بتتوافر فى السوق بأسعار معقوله , تكييف ممتاز , واسعه , ثبات جيد جدا ( اللى معايا جنط 17 )
الفلوونس من العربيات المحترمه والفيس ليفت بتاعها حلو وواسعه ماشاء الله وفيها عوامل أمان أساسيه وموتور معقول لكن أقل فى الأداء من إلنترا والفتيس بتاعها cvt انا شخصيا مبحبوش لانه ممل ومش بتاع جرى وكبس لكن من مميزاته ان إعتماديته عاليه وموفر فى إستهلاك البنزين اما بالنسبه للتكيف فيقال انه بقى يابانى والثبات جيد جدا برضه وقطع الغيار والصيانه ماعنديش فكره
شخصيا أميل للإلنترا فيس ليفت بس حسب سعرها ومواصفاتها إيه لو غليت كتير أو تجهيزاتها قليله يبقى فلوونس
لسه حضرتك بتسأل .................. طبعا فلونس
ليه الفلوانس طبعا انا قلقان من اعاده البيع وقطع الغيار بصراحه الهيونداي قطع غيارها علي الرصيف
- قطع غيار الالنترا الجديده الفيس لفت اغلييييي من الفلوانس الفيس لفت...... لو حتقولي القديمه حقولك عندك حق
- اعادة البيع ......... الالنترا اسرع من الفلوانس فى البيع وكمان مش بتخسر كتير
لكن فعلا اعادة البيع للفلوانس اصبحت جيده جدا وكمان بتمسك مبلغ كويس جدا
- وبقول كلمة "طبعا" للاتي:
1- الثبات افضل بمراحل
2- الوسع الداخلي ارحب بكتير
3- استهلاك البنزين لايقارن (للفلوانس)
4- الامكانيات ..... الفلوانس حتدلعك
5- ..... كفايه كده
شوف كده وقارن وربنا يوفقك فى اللي تستريحله
انا مستريح للاثنين فانا محتار بينهم بصراحه لان انا معايا جيب شيروكي ٢٠١٠ وعاوز اغيرها بعربيتين و احده منهم النترا او فلوانس والتانيه عربيه صغيره كده
حتلاقي اعتمادية افضل فى الفلوانس
ولو الالنترا عاجباك اوي ....... توكل واشتريها بدون نقاش
بس انت واحد معاك عربيه قويه وصناعة قويه ......... خليك فى نفس الخط مع فى الصناعات القويه
ربنا يوفقك
Elantra = options
Flunce = car