الموضوع: موضوع عن انواع الزيوت وبعض المعلومات

السلام عليكم ورحمه الله
انا كنت عند موزع معتمد عشان اعرف منه اخر ما وصلت اليه الزيوت وبعض والاسعار والشكاوى من بعض الزبائن عن بعض الزيوت

(اولا زيوت شل )

الشكوى الي ناس كتير بتقول عليها وهي خاصه بزيت شل الازرق او ما يسمى helix plus ان الزيت مبقاش زي الاول غير ان معدل تبخره عالي نسبيا

اما عن باقي زيوت شل وهيا الاحمر والاصفر والرمادي لا غبار عليهم باثتثناء ن شل الاحمر مبيقعدش ال 3000 كم الي يقال انه بيعملهم لكن باقي الزيوت كويسه جدا واشاد بان الناس بتحب شل الصفر جدا لان حمول جدا ودا ما يتعلق بزيوت شل ودي اخر الاسعار

شل الاحمر 75 جنيه شل الاصفر 130 جنيه شل الازرق 215 شل الرمادي 300 جنيه


(ثانيا زيوت كاسترول )

انا استغربت جدا لما قلي ان الزبائن مبتشتكيش منه بس سمع من بره ان في شكاوي خاصه بكاسترول ماجنيتك وهيا صوت المحرك مرتفع نسبيا ومعدل تبخره مرتفع دا الي سمعه لكن انا شخصيا سمعت نفس الكلام وسمعت ناس بتشتكي من زيت كاسترول gtx انها مبتقعدش عدد الكم المحدد ليها خاصه مع الاسنخدام العنيف واشاد بكاسترول ايدج وقال ان مسمعش شكوى لا من عنده ولا من بره ودي اخر الاسعار

high mileage 75
gtx 130
magnatec 250
edge 310
edge sport 350




( ثالثا زيوت موبيل )

قالي بالحرف الواحد اسوأ زيوت حاليا وتتشارك جميع الانواع في معدل احتراقه عالي جدا وارتفاع درجه حراره المحرك وصوت المحرك المرتفع وزيت موبيل xhp بيجيب اخره في 3000 كم وموبيل special بيجب اخره في 1500 كم واسف لا يوجد اسعار



( رابعا زيوت وولف )

بالنسبه لزيوت وولف قاالي الشكوى الوحيده الي عندي وهيا ن في عربيه حط فيها 10w60 صاحب العربيه رجعله بعد 2000 كم والي حصل ان صوت لمحرك علي جدا ومعدل تبخره عاالي نسبيا لكن باقي الانواع بيسمع من بره بس وانا احب اضيف اني قريت لزميل هنا في المنتدى كان جرب زيوت وولف وتقريبا عربيته الفا روميو وفي السفر لمحرك انتهى وجاب سبيكه مع العلم انه لمحرك استيراد وبحاله ممتازه بالنسبه ل 20w50 دا اكتر مبيعا عنده ومفيش شكوى منه ودي اخر الاسعار

20w50 130
10w40 215
5w30 325
5w40 325
5w50 325
10w60 370




(خامسا زيوت فالفولين )

الشكوى الاساسيه منه انه قبل الاضافات الاخيره كان معدل تبخره عالي لكن بعد الاضافات الي اضافتها الشركه مفيش شكوى تذكر وطبعا مش كتير الي بيشتروه اخر الاسعار

20w50 130
10w40 215
5w40 300


(ٍسادسا زيوت ليكوي مولي )

في ناس اشتكت من انواع ميعنه وهيا formula بلزوجه 20w50 وهيا بينقص بمعدل سريع جدا والنوع التاني molymax والشكوى ان صوت المحرك عالي



(سابعا زيوت توتال )

قالي انه افضل زيت للعربيات لفرنسي ومحدش تاني بيحطه عندي غير العربيات لفرنسي ودي اخر اسعاره

quartz 9000 295
quartz 5000 125
motor oil 70



(ثامنا زيوت فوكس )

دا طبعا لسه نازل مصرنا جديد ومفيش اي معلومات بالنسبه للشكاوى ودي اخر اسعاره

titan super gt 20w50 125
titan super gt 5w30 360


( تاسعا زيوت بيترومين )

مفيش اي شكاوى منه وقالي كل الي اشتوره مني بيرجعوا ويحطوه هو زيت محترم جدا بس زبونه قليل
واخر سعر

ultra 7 20w50 125



اسف على الاطاله وعارف ان الموضوع يعني مش كبير قوي بس قلت اقلكم على راي الناس في الزيوت عموما عشان لناس الي بتجرب زيوت وللسف ممكن مواتيرها تبوظ بسبب الزيوت دي وربنا يكفينا شرها يارب ولو في اي حد عايز يضيف اي معلومه ويصصحها يتفضل طبعا

كنت عايز اضيف معلومه تانيه وهيا ان (زيوت فيسكو )اتقالي ان الزيت تحطو وتييجي تغيروو بيكون لونه زي الفل ودا معناه ان الزيت مبيشتغلش في المحرك اصلا ودا زيت سئ