بجد مش فاهم ايه الفكرة فى ان البعض يعمل حساب عالفيس لابنه اللى عنده سنتين تلاتة ويحط صورته فى البروفايل ويرد بالنيابة عنه على تعليقات قرايبه اللى من عينة (يتى كميلة) فيرد عليه (شكرا يا خالو، او ميرسي يا طنط او متشكر يا تيتة) وردود طفولية من هذه النوعية

الحقيقة انا شايفها سخافة تصل لحد الحماقة ومشفتش حد بيعمل الحركة دى فى اى بلد غيرنا احنا يا مصريين وبدأ ينتشر بكثافة اليومين دول، ومش فاهم ايه المتعة فى حاجة زى كدة او الفايدة من وراها

يا ترى فى حد غيري شايف انها سخافة وهبل ولا اصبحت موضة وكل واحد يعمل حساب لطفله الرضيع ولا يمكن والد الطفل عايز يعيش احساس الطفولة والبيبيهات .. انا مش فاهم بصراحة !!