الموضوع: يتي كميلة .. ميرسي يا طنط !!

مش عارف ليه حاسس انك مكبر الموضوع
مع العلم اني مش عامل لطفلي اي صفحات على الفيس بوك ولا بفكر في كده
لكن انا شايفه عادي على سبيل المثال لما حضرتك بتضحي براحتك يوم اجازتك او لما ترجع من شغلك بالليل وتضحي وتنزل تلف مع ابنك في سوبر ماركت بالساعة علشان يجيب شوية حلويات في وجهة نظرك تافهم او يوم اجازتك تنزل بيه الملاهي بتاعة الاطفال وتقعد جنبه (مش هقول تكون مبسوط لانه مبسوط) او لما تروح تنزل معاه حمام السباحة بتاع الاطفال او لما تروح تشتريله هدوم وتبخل على نفسك حتى بقميص جديد انت في اشد الاحتياج ليه من ابنك وتقوم بالمرة تضرب ميزانية الشهر وتجيب لانك لعبة جددة وتقعد تلعب معاه وتكون فرحان بيها اكتر منه

زي بالظبط لما تحاول تخلي ابنك يكسب ثقته في نفسه فبتحاول تخليه يقلدك في افعالك (رغم انه ده بوجهة نظرك يعتبر حماقة)
زي لما سعادتك بتحلم انه بقى شخص بالغ زيك وبقى ليه صفحة على الفيس بوك وتتفاعل معاه
زي ما حضرتك بتحاول تصنعله زكرياته اللي بكرة لما يكبر يبقى يتفرج عليها لان انت شخصيا مبقاش ليك ذكريات
بلاش اتهام الناس بالتفاهة بالشكل ده

المشاركة الأصلية كتبت بواسطة أبو صلاح

مش عارف ليه حاسس انك مكبر الموضوع
مع العلم اني مش عامل لطفلي اي صفحات على الفيس بوك ولا بفكر في كده
لكن انا شايفه عادي على سبيل المثال لما حضرتك بتضحي براحتك يوم اجازتك او لما ترجع من شغلك بالليل وتضحي وتنزل تلف مع ابنك في سوبر ماركت بالساعة علشان يجيب شوية حلويات في وجهة نظرك تافهم او يوم اجازتك تنزل بيه الملاهي بتاعة الاطفال وتقعد جنبه (مش هقول تكون مبسوط لانه مبسوط) او لما تروح تنزل معاه حمام السباحة بتاع الاطفال او لما تروح تشتريله هدوم وتبخل على نفسك حتى بقميص جديد انت في اشد الاحتياج ليه من ابنك وتقوم بالمرة تضرب ميزانية الشهر وتجيب لانك لعبة جددة وتقعد تلعب معاه وتكون فرحان بيها اكتر منه

زي بالظبط لما تحاول تخلي ابنك يكسب ثقته في نفسه فبتحاول تخليه يقلدك في افعالك (رغم انه ده بوجهة نظرك يعتبر حماقة)
زي لما سعادتك بتحلم انه بقى شخص بالغ زيك وبقى ليه صفحة على الفيس بوك وتتفاعل معاه
زي ما حضرتك بتحاول تصنعله زكرياته اللي بكرة لما يكبر يبقى يتفرج عليها لان انت شخصيا مبقاش ليك ذكريات
بلاش اتهام الناس بالتفاهة بالشكل ده

حضرتك الطفل اول ما بيكبر ويدخل فى سن المراهقة بيقفل على نفسه ويبدأ فى صناعة عالمه الخاص دايرة خاصة بيه لوحده محدش فيها غير اللى بيختارهم هو من اصحابه وشلته فلا اظن انه ممكن يحتفظ باكاونت ابوه عملهولو وهو بالبامبرز عشان الذكريات او غيره

عندنا خلط كبير للاسف فى مفاهيم التربية وحاجة زى كدة ممكن تكون مؤشر خطر (مبكر) فى علاقة الاب بطفله، انهاردة بيعمله اكاونت عالفيس يحط فيه الصور والكومنتات اللى على مزاجه، بكره هيحدد علاقته باصحابه ويصاحب مين ويقاطع مين، بعده هيقوله ادخل علمى ولا ادبى بعدها يختار له الكلية اللى عايزها هو مش اللى ابنه بيحبها.. وبعد التخرج برضه هيتدخل فى اختيار الوظيفة ثم اختيار الزوجة وده بنشوفه يوميا من تدخل الاباء فى ادق ادق تفاصيل حياة الابن اللى المفروض هي خيارات وتفاصيل تخص حياة الابن نفسه مش حد تانى

الاهل عندنا بيحشروا نفسهم فى حياة اولادهم بطريقة غريبة مبالغ فيها وده فى الغالب بيفسد حياتهم ويطلع الشاب من دول مش عارف هو مين ولا عايز ايه وتردد وازدواجية فى اتخاذ القرارات المصيرية عشان الموازنة ما بين مصلحته وتوجيهات اهله !

مع احترامى لكل واحد عامل اكاونت لطفل لسه بيتعلم الحروف انا شايف ان ده سخافة وحب سيطرة وشيء ملوش اى داع ولا فايدة .. يمكن معاليك تكون شايف رايى فيه مبالغة، بس المبالغة الحقيقة هو حشر طفل بريء فى عالم ميعرفوش ولا يفهم معناه لمجرد تقليد الغير او ملء وقت الفراغ !