العربية بركت زى الجمل من قدام انقذونى

**محمد فكترا B** · 07-01-2014 03:17 AM

يا رجالة انا من ساعة ما سقت المكنة والفتيس ال2000سى سى والعربية واطية وبركة اوى من الامام غيرت اليايات بيايات اعلى شوية ومعاهم كاوتشتين البطاحات برده اعلى سنة ومفيش فايدة برده باركة احد الزملاء المحترمين فى الموقع قالى ركب 2صدادة او علايات فركبت برده مافيش فايدة مش عارف اعمل ايه لان العربية مش مستريحة من الامام وبتحك فى كل المطبات العفشجى قالى مفيش غير انى اركبلك يايات زلمكة او بيجو فايه رايكم؟ ولا اروح من اصرها واجيب ركبتين كاملين واخلص لانى صرفت كتيير من غير لازمه

**MaaM** · 07-01-2014 03:33 AM

غيرت المساعدين الأمامي لما سقط المكنة الـ 2.0 ولا زي ما هما ؟
لأن مساعدين المكنة الـ 2.0 مختلفين عن مساعدين المكنة الـ 1.6

**MaaM** · 07-01-2014 03:46 AM

يا محمد بيه ، انت كنت سألت نفس السؤال ده قبل كدا ورديت عليك بـ كلام فادي
http://www.nilemotors.net/Nile/394927-b2.html
هل غيرت المساعدين ولا لسا ؟

**محمد فكترا B** · 07-01-2014 04:25 AM

يا أ/محمود قولى بس اعمل ايه كل العفشجية الى عندى وهما خبرات على فكرة اجمعوا ان ما فيش حاجة اسمها مساعدين او عفشة 1600او2000 كلها واحد حتى كل تجار الاستيراد الى هنا قالوا نفس الكلام وفى تاجر كبير عندنا قالى يابنى مساعدين 1600و2000و2200 موجودين عندى ومفيش اختلاف....اااااعععععممممملل للل اييييييه.....؟؟؟.

**MaaM** · 07-01-2014 04:58 AM

"-ال2000 سي سي مساميرهم لتحت شويه حوالي 1,5 سم وده طبعا هيرفع العربيه 1,5 سم من الامام"
ديه كانت الخلاصة في كلام فادي ، ياريت تجرب بنفسك وتمسك الإتنين في ايديك وتشوف فيه فرق مكان المسامير ولا لأ
بس طبعا تكون متأكد ان المساعد مفكوك من مكنة 2.0

**فادى محمد** · 07-01-2014 11:10 AM

انا اشتريت الركبتين ال2000 سي سي بالغلط وانخدعت في شكلهم( نفس الشكل بالضبط) وساعه التركيب بانت المشكله . مسمار البطاحه يركب مفيش مشكله انما مسامير القاعده ال2 مكانهم مرحل عن مكانهم في الشاسيه حوالي 1,5 سم ..الترحيله ديلتحت علشان ترفع وش العربيه 1,5سم .
هات ركبتين 2000 سي سي وتاكد بنفسك.+ سوست ال2000 لفاتها اكتر من ال1600 . جايز السوست اللي
جبتها تكون مستهلكه ..في زميل لينا هنا بلدياتي م محمد مختار هو اول من كان له تجربه التعديل سنه 2008 .
كان غير السوست علي نفس المساعدين وده كان رده في مشاركه

المشاركة الأصلية كتبت بواسطة معاذ الشرباصى

اولا, مش اشء الله على الحاجات اللى انت عاملها

رنا يبارك لك فى العربية

بس سؤال: انت معدلتش الفرامل, و العفشة علشان تتماشى مع الوضع الجديد؟

تم تعديل الفرامل الخلفيه باكبر
وبالنسبه للعفشه: وش العربيه نام اوى بعد تسقيط الموتور فغيرت السوست بس والعربيه بقت تمام

وده رابط الموضوع ارجو انه يفيدك
http://www.nilemotors.net/Nile/23017-2000.html