استفسار عن مفتاح البصمه شارك هاى لاين
انا ناوى اشترى لانسر شارك هاى لاين ولكن ليا استفسار
مفتاح البصمه بيطلع منه مفتاح عادى زى كدة
[img2]http://www.ghkmotors.com/data/images/11asx_kos.jpg[/img2]
المفتاح من شكله طبعا عبارة عن حته حديدة ازاى يكون فيه مانع سرقه يعنى لو حد عمل نسخه من المفتاح دة يقدر يدور العربيه ؟؟ انا اللى اعرفه عن مانع السرقه انه لازم يكون فى شريحه فى المفتاح واللى بتكون موجودة فى البلاستيك اللى مغطى المفتاح من فوق .. ياريت حد يوضحلى النقطه دى
تانى حاجه وانا باجرب العربيه دورت العربيه وخليت واحد ياخد المفتاح بعيد عن العربيه وكنت متوقع انها تفصل لوحدها لو المفتاح بعد عنها زى الفليوانس بس للاسف كل اللى حصل تنبيه صوتى وكلمه ظهرت فى التابلوة ان المفتاح مش موجود .. لكن لما بطلت العربيه مرضيتش تدور تانى الا فى وجود المفتاح .. ياريت يا جماعه لو حد جرب الموضوع دة يشرحهولنا ويقولى كلامى صح ولا غلط
وشكرا
ملحوظه : سعر العربيه وكيل نزل الى ١٦١ ودة اللى خلانى افكر فى الهاى لاين ولكن خايف من حوار البصمه دة مع انه حلو بس خايف يكون فى عيوب او ثغرات تؤدى لسرقه السيارة لاقدر الله