يا جماعه حصل خير
وبعدين هقولوكو على حاجه بصراجه يعني انا رأيي الشخصي ان الاسود احلى من البيج
بس ده مش عشان الشكل هو عشان الاسود عملي اكتر واسهل في التنظيف
انا عربيتي بيج هاي لاين
وكان نفسي تبقا اسود بس قالولي الهاي لاين بتنزل بيج بس
وفعلا البيج بيتوسخ بسرعه رهيبه ومن غير اي سبب
بس بصراحه يعني الابنوس عليه تحفه تحفه تحفه
وبعدين مش دي المشكله خالص يعني هي اسود ولا بيج من جوه
انا مشكلتي ان العربيه لونها اسود من بره والتراب بيبان عليها اوي وهيجنني
هو شيك جدا بس بتتغسل وهما نص ساعه وتحس انها بقالها سنه متغسلتش
من ضمن الحلول الي لاقيتها لموضوع التراب ده
اني رحت عملتلها طبقة wax ماجويرامريكي
وده حلو اوي بجد يا جماعه اولا بيحافظ على لمعة العربيه ثانيا بينعم السطح بتاع البويه ويقلل التصاق الاتربه
دلوقتي لما بقف العربيه بتتبهدل تراب بس مجرد ما امشي بيها التراب الي عليها كلو بيطير لوحدو من غير مسح ولا حاجه
انصح كل الناس الي معاها زيرو يعملو الموضوع ده
بس بلاش الواكس الصيني ده عشان مش بيقعد على العربيه وهما غسلتين وهتلاقيه راح ولا كأنك عملت حاجه